این ڈی ایم اے کا شدید سردی کی لہر کا الرٹ، ٹرانسپورٹ نظام اور بجلی کی فراہمی متاثر ہونے کا خدشہ
اشاعت کی تاریخ: 15th, January 2026 GMT
نیشنل ڈیزاسٹر مینجمنٹ اتھارٹی(این ڈی ایم اے) نے ملک کے بالائی اور شمالی علاقوں کے لیے سردی کی شدید لہر کا الرٹ جاری کر دیا ہے۔
یہ بھی پڑھیں: لاہور اور اسلام آباد میں برفباری کا امکان، عالمی اداروں کی حیران کن پیشگوئی
این ڈی ایم اے کی جانب سے نیشنل ایمرجنسی آپریشنز سینٹر کے ذریعے جاری بیان میں کہا گیا ہے کہ آئندہ چند روز کے دوران گلگت بلتستان، بالائی خیبرپختونخوا اور آزاد جموں و کشمیر میں شدید سردی کی لہر متوقع ہے، جس کے باعث بلند اور پہاڑی علاقوں میں درمیانی سے شدید برفباری کا امکان ہے۔
بیان کے مطابق رات اور علی الصبح کے اوقات میں موسم انتہائی سرد رہنے کا امکان ہے جبکہ دن کے وقت درجہ حرارت معمول سے کم رہ سکتا ہے۔ برفباری کے باعث پہاڑی علاقوں میں سڑکوں کی بندش، ٹرانسپورٹ نظام اور بجلی کی فراہمی متاثر ہونے کا خدشہ ظاہر کیا گیا ہے۔
برفانی تودے گرنے اور لینڈ سلائیڈنگ کے خطرات
این ڈی ایم اے کا کہنا ہے کہ ملحقہ میدانی علاقوں میں موسم سرد اور خشک رہنے کا امکان ہے جبکہ بعض مقامات پر پالا پڑ سکتا ہے۔ موجودہ موسمی صورتحال کے باعث پہاڑی علاقوں میں برفانی تودے گرنے اور لینڈ سلائیڈنگ کے خطرات بھی بڑھ سکتے ہیں، جو انسانی جانوں، بنیادی ڈھانچے اور مویشیوں کے لیے نقصان دہ ہو سکتے ہیں۔
یہ بھی پڑھیں: محکمہ موسمیات نے شدید سرد لہر کے خدشات کو مسترد کردیا
بیان میں مزید کہا گیا ہے کہ شدید سردی اور برفباری بچوں، بزرگوں اور پہلے سے بیماریوں میں مبتلا افراد کے لیے صحت کے خطرات میں اضافہ کر سکتی ہے، جبکہ قریبی میدانی علاقوں میں پالا فصلوں اور باغات کو نقصان پہنچا سکتا ہے۔
’سفر ناگزیر ہو تو سنو چینز کے استعمال کو یقینی بنائیں‘
این ڈی ایم اے نے عوام کو ہدایت کی ہے کہ غیر ضروری سفر سے گریز کریں، خاص طور پر برفباری اور بلند علاقوں کی جانب، اور اگر سفر ناگزیر ہو تو سنو چینز کے استعمال کو یقینی بنائیں۔
عوام کو گرم کپڑوں، حرارتی انتظامات اور محفوظ رہائش کا بندوبست کرنے کا بھی مشورہ دیا گیا ہے، خصوصاً کمزور اور حساس طبقوں کے تحفظ پر خصوصی توجہ دینے کی ہدایت کی گئی ہے۔
انتظامیہ کو ہائی الرٹ رہنے کی ہدایت
اتھارٹی نے صوبائی اور ضلعی انتظامیہ کو ہائی الرٹ رہنے، برف ہٹانے کے انتظامات، ہنگامی ردعمل اور بجلی و مواصلاتی نظام کی بروقت بحالی کو یقینی بنانے کی ہدایت کی ہے۔ این ڈی ایم اے کے مطابق صورتحال کی مسلسل نگرانی کی جا رہی ہے اور ضرورت پڑنے پر مزید اپ ڈیٹس جاری کی جائیں گی۔
یہ بھی پڑھیں: ملک بھر میں سردی کی لہر برقرار، میدانی علاقوں میں شدید دھند جبکہ پہاڑوں میں یخ بستہ موسم
عوام کو ہدایت کی گئی ہے کہ مستند معلومات کے لیے ٹی وی، ریڈیو، تصدیق شدہ سوشل میڈیا پلیٹ فارمز اور پاک این ڈی ایم اے ڈیزاسٹر الرٹ موبائل ایپ سے رجوع کریں۔
واضح رہے کہ پیر کے روز محکمہ موسمیات نے 16 سے 25 جنوری کے دوران انتہائی سرد لہر سے متعلق خبروں کی تردید کرتے ہوئے کہا تھا کہ آئندہ دنوں میں درجہ حرارت موسم سرما کی معمول کی حد میں رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news این ڈی ایم اے بارش برفباری پاکستان سردی لہر موسم.
ذریعہ
ذریعہ: WE News
کلیدی لفظ: این ڈی ایم اے پاکستان لہر ڈی ایم اے علاقوں میں ہدایت کی کا امکان سردی کی کے لیے گیا ہے
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا