سردی میں اضافے پر وزیر پیٹرولیم کی گھریلو صارفین کو فوری ریلیف کی ہدایت
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیر پیٹرولیم علی پرویز ملک نے سردیوں میں گیس کی طلب میں اضافے کے باعث فراہمی میں کمی کا نوٹس لیتے ہوئے گھریلو صارفین کو فوری ریلیف فراہم کرنے کی ہدایت کی ہے۔
علی پرویز ملک نے کہا کہ گھریلو شعبے کو صنعت سے اضافی گیس منتقل کرنے کے آپشن پر غور کیا جا رہا ہے اور پیٹرولیم ڈویژن میں روزانہ صبح 10 بجے گیس کی صورتحال کی مانیٹرنگ کی جاتی ہے تاکہ ضرورت کے مطابق فوری اقدامات کیے جا سکیں۔
سوئی ناردرن گیس کمپنی نے تصدیق کی ہے کہ 6 جنوری سے گھریلو گیس سپلائی 691 ایم ایم سی ایف ڈی سے بڑھا کر 746 ایم ایم سی ایف ڈی کر دی گئی ہے جبکہ شیوَا فیلڈ کی پیداوار 55 ایم ایم سی ایف ڈی سے بڑھا کر 65 ایم ایم سی ایف ڈی کر دی گئی ہے۔
اسی طرح سوئی سدرن گیس کمپنی نے بتایا کہ دو گیس فیلڈز کی بحالی کے بعد گھریلو صارفین کو گزشتہ سال کے مقابلے میں 39 ایم ایم سی ایف ڈی اضافی گیس فراہم کی جا رہی ہے، صنعتی شعبے کو گیس کی بندش ایک سے دو دن کرنے پر مشاورت بھی جاری ہے تاکہ گھریلو صارفین کی ضروریات کو ترجیح دی جا سکے۔
پیٹرولیم ڈویژن کے مطابق یہ اقدامات سردیوں میں بڑھتی ہوئی گیس کی طلب کے پیش نظر فوری ریلیف فراہم کرنے اور ملک بھر میں گیس سپلائی کے توازن کو برقرار رکھنے کے لیے اٹھائے گئے ہیں۔
ذریعہ
ذریعہ: Jasarat News
کلیدی لفظ: ایم ایم سی ایف ڈی گھریلو صارفین گیس کی
پڑھیں:
صدر مملکت سے بلوچستان کے صوبائی وزراء کی ملاقات، مجموعی صورتحال پر تبادلہ خیال
کراچی:صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی