ڈونگ فینگ برقی کار ’ویگو‘ پاکستان میں لانچ، قیمت اور فیچرز کیا ہیں؟
اشاعت کی تاریخ: 15th, January 2026 GMT
ڈونگ فینگ موٹر پاکستان نے اپنی نئی الیکٹرک ایس یو وی، ڈونگ فینگ الیکٹریک وہیکل ویگو، پاکستان میں متعارف کرادی، جو مقامی مارکیٹ میں کمپنی کی الیکٹرک گاڑیوں کی لائن اپ میں نیا اضافہ ہے۔
یہ لانچ پاکستان میں ڈونگ فینگ کی الیکٹرک سیگمنٹ میں باقاعدہ انٹری کو ظاہر کرتی ہے، اور شہری خاندانوں کے لیے ایک جدید، ماحول دوست اور کمپیکٹ کراس اوور کا متبادل فراہم کرتی ہے۔
مزید پڑھیں: پاکستان میں سال 2025 کے دوران مہنگی ترین گاڑیاں کون سی لانچ ہوئیں؟
عالمی سطح پر Nammi 06 کے نام سے جانی جانے والی ویگو EV کمپیکٹ SUV ہے، جو شہر کے اندر آمد و رفت اور فیملی استعمال کے لیے ڈیزائن کی گئی ہے۔ اس لانچ کے ذریعے ڈونگ فینگ مقامی مارکیٹ میں سیڈان اور ہیچ بیک ماڈلز کے بعد SUV سیگمنٹ میں بھی اپنی موجودگی مضبوط کرے گا۔
پاکستان میں ڈونگ فینگ کی نمائندگی چاولہ گرین موٹرز کرتی ہے، جو پہلے ہی ڈونگ فینگ Box EV ہیچ بیک اور 007 EV سیڈان کے ذریعے مارکیٹ میں اپنی پہچان بنا چکی ہے۔ ویگو EV کے آنے سے کمپنی کی ملٹی سیگمنٹ الیکٹرک پورٹ فولیو مکمل ہو گئی ہے، جس میں ہیچ بیکس، سیڈان اور اب SUV شامل ہیں۔
ڈونگ فینگ ویگو کی اہم خصوصیاتبیٹری کیپیسٹی: 51.
ڈرائیونگ رینج: قریباً 350 کلومیٹر (WLTP اسٹینڈرڈ)
ویل بیس: 2,715 ملی میٹر
ڈائمینشنز (L×W×H): 4,306 × 1,868 × 1,645 ملی میٹر
اہم فیچرز: 360 ڈگری کیمرہ، لیول 2 ایڈوانسڈ ڈرائیور اسسٹنس سسٹم (ADAS)
مزید پڑھیں: پنجاب کے سرکاری محکموں میں پیٹرول و ڈیزل گاڑیوں کی خریداری پر پابندی عائد
کمپیکٹ ڈیزائن شہر کے راستوں اور طویل شہری سفر کے لیے موزوں ہے، جبکہ جدید حفاظتی اور سہولتی فیچرز اسے ایک محفوظ اور آرام دہ تجربہ فراہم کرتے ہیں۔
ڈونگ فینگ ویگو EV قیمتیںای ون ویرینٹ: 6,999,000 روپے
ای ٹو ویرینٹ: 7,499,999 روپے
دونوں ماڈلز کی بکنگ رقم: 1,200,000 روپے
لانچ کے مطابق، ویگو EV عوام کے لیے Packages Mall میں 16 تا 18 فروری تک نمائش کے لیے دستیاب ہوگی، جبکہ ڈلیوری کی توقع بکنگ کی تصدیق کے بعد فروری کے دوسرے ہفتے میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Box EV ہیچ بیک اور 007 Nammi 06 برقی کار ’ویگو‘ ڈونگ فینگ موٹر پاکستان گاڑی
ذریعہ
ذریعہ: WE News
کلیدی لفظ: برقی کار ویگو گاڑی پاکستان میں ڈونگ فینگ کے لیے ویگو EV
پڑھیں:
بٹ کوائن کی تاریخی گراوٹ، سرمایہ کاروں کے کروڑوں ڈالر ڈوب گئے
دنیا کی سب سے بڑی اور مقبول ترین کرپٹو کرنسی ’بٹ کوائن‘ کی قیمت میں اچانک تاریخی گراوٹ دیکھی گئی ہے، جس کے بعد یہ 70 ہزار ڈالر کی نفسیاتی سطح سے بھی نیچے گر گیا ہے۔
مارکیٹ رپورٹ کے مطابق اس اچانک کمی کے نتیجے میں گزشتہ 24 گھنٹوں کے دوران کرپٹو مارکیٹ سے تقریباً 80 کروڑ (800 ملین) ڈالر مالیت کی لیوریجڈ ٹریڈنگ پوزیشنز یکدم ختم (لیکویڈیٹ) ہو گئی ہیں، جس سے سرمایہ کاروں کو شدید ترین نقصان کا سامنا کرنا پڑا ہے۔
قیمتوں میں گراوٹ اور مارکیٹ کیپٹلائزیشن میں کمیمارکیٹ کے تازہ ترین ڈیٹا کے مطابق منگل کو ’بٹ کوائن‘ کی قیمت گر کر تقریباً 69,400 ڈالر کی کم ترین سطح پرآگئی، جو گزشتہ 24 گھنٹوں کے دوران 4.4 فیصد کی نمایاں ترین کمی کو ظاہر کرتی ہے۔
یہ بھی پڑھیں:ایران امریکا مذاکرات کا دوسرا دور، بٹ کوائن کی قیمت پر کیا اثرات مرتب ہورہے ہیں؟
مارکیٹ کیپٹلائزیشن کے لحاظ سے دنیا کی سرفہرست 10 کرپٹو کرنسیوں میں یہ سب سے بڑی گراوٹ ریکارڈ کی گئی ہے۔ بٹ کوائن کے اس زوال کے اثرات پوری کرپٹو مارکیٹ پر مرتب ہوئے، جس کے باعث مجموعی ڈیجیٹل مارکیٹ ویلیو 3 فیصد سے زیادہ کمی کے بعد تقریباً 2.47 ٹریلین ڈالر تک نیچے آگئی ہے۔
ٹریڈرزکے کروڑوں ڈالر ڈوب گئےکرپٹو مارکیٹ کے اعداد و شمار فراہم کرنے والے معتبر عالمی ادارے ’کوائن گلاس‘ کے مطابق حالیہ فروخت کے شدید دباؤ کی وجہ سے 24 گھنٹوں میں 800 ملین ڈالر کی پوزیشنز مارکیٹ سے آؤٹ ہوئیں۔
ڈیٹا کے مطابق لانگ پوزیشنزمیں تقریباً 700 ملین ڈالر (قیمت بڑھنے کی امید پر لگائے گئے سودے) جبکہ شارٹ پوزیشنز میں تقریباً 100 ملین ڈالر (قیمت گرنے کی امید پر لگائے گئے سودے) شامل ہیں۔
سب سے زیادہ نقصان بٹ کوائن سے منسلک ٹریڈرز کو برداشت کرنا پڑا، جن کی تقریباً 500 ملین ڈالر مالیت کی پوزیشنز ڈوب گئیں، جو کہ مجموعی مارکیٹ لیکویڈیشنز کا سب سے بڑا حصہ ہے۔
’ای ٹی ایف‘ آؤٹ فلو دباؤ میں اضافہکرپٹو کرنسی سے وابستہ مبصرین اور تجزیہ کاروں کے مطابق اس بڑی فروخت کی سب سے بڑی وجہ اسپاٹ بٹ کوائن ایکسچینج ٹریڈ فنڈ (ای ٹی ایف) سے سرمایہ کاروں کا مسلسل پیسہ نکالنا ہے۔
مزید پڑھیں:مشرق وسطیٰ میں کشیدگی کے دوران بٹ کوائن مضبوط، قیمت 80 ہزار ڈالر تک پہنچنے کا امکان
اسپاٹ بٹ کوائن ای ٹی ایف سے مسلسل 11 تجارتی سیشنز سے سرمایہ کا اخراج (نیٹ آؤٹ فلو) ریکارڈ کیا جا رہا ہے، جبکہ اسپاٹ ’ایتھیریم ای ٹی ایف‘ سے بھی مسلسل 15 سیشنز سے سرمایہ نکالا جا رہا ہے۔
کرپٹو تجزیہ کار ’ایمبر سی این‘ کا اس حوالے سے کہنا ہے کہ جب سے اسپاٹ ای ٹی ایف مصنوعات کا آغاز ہوا ہے، بٹ کوائن اور ایتھیریم کی قیمتیں ای ٹی ایف فنڈز کے بہاؤ سے بہت زیادہ منسلک ہو چکی ہیں، یہی وجہ ہے کہ فنڈز کے اخراج کا براہِ راست اور فوری اثر قیمتوں پر پڑ رہا ہے۔
ایتھیریم مارکیٹ میں نسبتاً مستحکمدلچسپ بات یہ ہے کہ اس شدید مندی کے دوران دوسری بڑی کرپٹو کرنسی ’ایتھیریم‘ نے مارکیٹ میں نسبتاً بہتر اور مستحکم کارکردگی دکھائی۔ ایتھیریم کی قیمت تقریباً 1,970 ڈالر کے قریب برقرار رہی اور اس میں بٹ کوائن کے مقابلے میں کم اتار چڑھاؤ دیکھا گیا۔
ماہرینِ معیشت کا کہنا ہے کہ اگر ای ٹی ایف سے سرمایہ کے اخراج کا یہ سلسلہ نہ رکا تو کرپٹو مارکیٹ پر دباؤ برقرار رہ سکتا ہے، یہی وجہ ہے کہ عالمی سرمایہ کار آنے والے چند دنوں میں مارکیٹ کے رجحان پر گہری نظر رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اخراج ای ٹی ایف بٹ کوائن ڈالر سرمایہ کاروں عالمی سرمایہ کرپٹو مارکیٹ گراوٹ ماہرین معیشت ملین ڈالر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ