کراچی میں پارک سے مبینہ طور پر اغوا ہونے والا تین سالہ بچہ 4 روز بعد بازیاب
اشاعت کی تاریخ: 15th, January 2026 GMT
نارتھ ناظم آباد کے فیملی پارک سے 11 جنوری کو مبینہ طور پر اغوا کیے جانے والا بچہ بازیاب ہوگیا۔
ایکسپریس نیوز کے مطابق ڈی ایس پی ناظم آباد کمال نسیم نے نارتھ ناظم آباد بلاک ایف الفتح فیملی پارک سے اغوا کیے جانے والے 3 سالہ انس کو بازیاب کرانے کے بعد اپنے عہدے کا چارج چھوڑ دیا،
ڈی ایس پی کمال نسیم کو ڈی آئی جی ویسٹ نے بچے کی بازیابی کے لیے بنائی گئی ٹیم کا سربراہ مقرر کیا تھا جبکہ آئی جی سندھ کی جانب عہدے سے ہٹائے گئے 5 ڈی ایس پیز میں ان کا نام بھی شامل تھا۔
کمسن بچہ 11 جنوری بروز اتوار کو نارتھ ناظم آباد کے بلاک ایف میں واقع فتح پارک سے اغوا ہوا تھا جس کا مقدمہ حیدری تھانے میں گزشتہ روز کزن کی مدعیت میں درج کیا گیا۔
مزید پڑھیںپنجاب پولیس کی راجن پور میں کچے کے ڈاکوؤں کے خلاف بڑی کامیابی، 3 مغوی بازیاب
شاہ لطیف ٹاؤن سے اغوا کیے جانے والے کمسن مغوی بچے کو بازیاب کرالیا گیا
بھائیوں کے سامنے بہن اغوا، بااثر زمیندار کی ڈیرے پر لے جاکر لڑکی کیساتھ زیادتی
ایس ایچ او حیدری عارف کے مطابق بچے کے اہل خانہ کو کال موصول ہونے پر انھوں نے فوری طور پر پولیس سے رابطہ کیا جس پر پولیس نے فوری کارروائی کرتے ہوئے کمسن انس کو لیاقت آباد کے علاقے سے بحفاظت بازیاب کرلیا۔
بچے کی بازیابی پر اہلخانہ کی جانب خوشی کا اظہار کیا گیا، پولیس نے کمسن بچے کی بازیابی کے بعد قانونی کارروائی کے بعد بچہ اہلخانہ کے حوالے کر دیا۔
ایس ایس پی سینٹرل ذیشان صدیقی نے بچے کی بازیابی پر ٹیم کو مبارک باد پیش کی جبکہ والدین نے بھی پولیس کا شکریہ ادا کیا ہے۔
.
ذریعہ
ذریعہ: Express News
کلیدی لفظ: بچے کی بازیابی پارک سے
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ