دھند کے باعث پاکستان میں فضائی آپریشن متاثر
اشاعت کی تاریخ: 16th, January 2026 GMT
پاکستان کے مختلف شہروں، بالخصوص کراچی اور لاہور میں شدید دھند کے باعث فضائی آپریشن بری طرح متاثر ہوا ہے۔ کراچی میں گزشتہ چند روز سے غیر معمولی دھند دیکھی جا رہی ہے جس کی وجہ سے جناح انٹرنیشنل ایئرپورٹ پر حدِ نگاہ بعض اوقات 50 میٹر تک رہ گئی ہے۔ شدید دھند کے باعث کئی گھنٹوں تک فلائٹ آپریشن معطل رہا ہے۔ خراب موسم کے باعث آج 12 پروازیں منسوخ ہوئی ہیں جبکہ 94 پروازیں تاخیر کا شکار ہیں۔
یہ بھی پڑھیں:شدید دھند کے باعث ملک کے اہم شاہراہیں بند، سفر متاثر
نجف سے لاہور آنے والی پرواز IA 435 کو اسلام آباد اتار لیا گیا، لاہور-کراچی کی قومی ایئر لائن کی دو پروازیں PK 302 اور PK 303 منسوخ ہوئیں، لاہور سے جدہ اور ابوظہبی جانے والی دو پروازیں بھی منسوخ ہوئیں، کراچی-اسلام آباد کی نجی ایئر لائن کی 2 پروازیں PA 200 اور PA 201 بھی منسوخ ہو چکی ہیں، لاہور سے شارجہ کے درمیان نجی ایئر لائن کی 2 پروازیں منسوخ ہوئیں، اسلام آباد-گلگت کی قومی ایئر لائن کی آج کی چاروں پروازیں منسوخ ہو چکی ہیں۔
کراچی-اسلام آباد کے درمیان 5 پروازیں ایک سے 3 گھنٹے تاخیر کا شکار ہیں، اسلام آباد کی 23 پروازیں ایک سے 13 گھنٹے تک تاخیر کا شکار ہیں۔ لاہور سب سے زیادہ متاثر ہوا، کراچی-لاہور کی سات پروازیں سات گھنٹے تک تاخیر کا شکار ہیں، لاہور ایئرپورٹ کی 30 پروازیں ایک سے 13 گھنٹے تک تاخیر میں ہیں، جبکہ لاہور ایئرپورٹ کی گزشتہ روز کی 5 پروازیں آج چلنے کا امکان ہے۔
کراچی ایئرپورٹ کی 18 پروازیں ایک سے 13 گھنٹے تک تاخیر کا شکار ہیں، پشاور کی 5، فیصل آباد کی 2، کوئٹہ کی 3 اور اسکردو کی 2 پروازیں بھی تاخیر کا شکار ہیں۔
یہ بھی پڑھیں:ملک کے بیشتر علاقوں میں سرد اور خشک موسم، پنجاب، سندھ اور خیبرپختونخوا میں شدید دھند کا امکان
ایئرپورٹ انتظامیہ کے مطابق، مسافروں کو ایئرپورٹ روانہ ہونے سے پہلے اپنی فلائٹ کا سٹیٹس متعلقہ ایئرلائن کے ہیلپ لائن یا ویب سائٹ سے لازمی چیک کرنا چاہیے۔ دھند کے باعث موٹرویز بھی مختلف مقامات پر بند ہیں، لہذا ایئرپورٹ پہنچنے کے لیے اضافی وقت لے کر نکلیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد دھند فلائٹس آپریشن متاثر کراچی لاہور.
ذریعہ
ذریعہ: WE News
کلیدی لفظ: اسلام اباد فلائٹس ا پریشن متاثر کراچی لاہور تاخیر کا شکار ہیں پروازیں ایک سے گھنٹے تک تاخیر دھند کے باعث ایئر لائن کی اسلام آباد
پڑھیں:
قاتل وہیل کا انوکھا طرز عمل: دیوہیکل دشمن کی لاش کو زور دار ٹکریں مارنے کی وجہ کیا ہے؟
سائنس دانوں نے پہلی بار قاتل وہیل (اورکا) کے ایک ایسے غیرمعمولی رویے کا مشاہدہ کیا ہے جس میں وہ مردہ سن فش کو زور دار ٹکر مار کر ٹکڑے ٹکڑے کر دیتی ہیں۔
یہ بھی پڑھیں: لاکھوں سال پرانا وہیل مچھلیوں کا وسیع و عریض قبرستان دریافت، سائنسدان حیران
اے ایف پی کی رپورٹ کے مطابق محققین بتاتے ہیں کہ یہ عمل یا تو خوراک کو چھوٹے حصوں میں تقسیم کرنے کے لیے کیا جاتا ہے یا پھر ممکن ہے کہ اورکا محض تفریح کے لیے ایسا کرتی ہوں۔
امریکی غیر سرکاری تنظیم ’بینیتھ دی ویوز‘ کی جانب سے جاری کی گئی ویڈیو میں دیکھا جا سکتا ہے کہ ایک اورکا وہیل سن فش کی دم کو پکڑے ہوئے ہے جبکہ دوسری پوری طاقت کے ساتھ اس پر حملہ کرتی ہے جس کے نتیجے میں مچھلی کے ٹکڑے بکھر جاتے ہیں۔
محقق کیتھرین آئرس کے مطابق یہ سن فش پہلے ہی مردہ تھی اس لیے یہ شکار کرنے کا عمل نہیں تھا۔
Killer whales: orcas blow fish to bits, study finds.
Video from US-based NGO Beneath The Waves shows an orca holding the tail of a sunfish, while another whale charges with full force into the already dead fish, which explodes into pieces – possibly an attempt to turn the fish… pic.twitter.com/ZK4ZUnSzMH
— AFP News Agency (@AFP) July 23, 2026
انہوں نے بتایا کہ ممکن ہے اورکا وہیل مچھلی کو کھانے میں آسانی کے لیے چھوٹے حصوں میں تقسیم کر رہی ہوں تاہم یہ بھی ممکن ہے کہ وہ صرف کھیل رہی ہوں، کیونکہ اورکا وہیل اپنے شکار کے ساتھ کھیلنے کے لیے مشہور ہیں۔
کیتھرین آئرس نے کہا کہ اورکا اکثر اپنے شکار کو ٹکڑوں میں تقسیم کرکے اپنے گروہ کے دیگر ارکان خصوصاً بچوں اور کم عمر وہیلوں کے ساتھ بھی بانٹتی ہیں۔
یہ غیرمعمولی مناظر سال 2024 اور سال 2025 کے دوران خلیج کیلیفورنیا میں دو مختلف مواقع پر ریکارڈ کیے گئے جن کی تفصیلات سائنسی جریدے فرنٹیئرز اِن ایتھولوجی میں شائع ہونے والی تحقیقی رپورٹ میں پیش کی گئی ہیں۔
مزید پڑھیے: جرمنی میں ساحل پر پھنسے ہمپ بیک وہیل کو بچانے کی دوڑ، ریسکیو آپریشن جاری
تنظیم اوشن کیئر کے ڈائریکٹر برائے سائنس مارک پیٹر سیمنڈز نے اس رویے کو انسانوں کی اجتماعی دعوتوں سے تشبیہ دیتے ہوئے کہا کہ جیسے لوگ کھانے کے دوران سماجی روابط بھی قائم رکھتے ہیں اسی طرح اورکا وہیلوں میں بھی خوراک بانٹنے کا عمل سماجی تعلقات کا حصہ ہو سکتا ہے۔
انہوں نے کہا کہ شاید یہ اسی طرح ہو جیسے کسی رسمی دعوت میں میزبان گوشت کاٹ کر دوسروں میں تقسیم کرتا ہے۔
ماہرین کے مطابق اورکا وہیل دنیا کے ذہین ترین سمندری شکاریوں میں شمار ہوتی ہیں اور شکار کے لیے نہایت پیچیدہ حکمت عملیاں استعمال کرتی ہیں۔
اس سے قبل بھی انہیں برف کے بڑے ٹکڑوں پر موجود سیل مچھلیوں کو گرانے کے لیے اجتماعی طور پر لہریں پیدا کرتے دیکھا جا چکا ہے تاکہ انہیں آسانی سے شکار کیا جا سکے۔
تحقیقی رپورٹس میں یہ بھی سامنے آ چکا ہے کہ بعض اورکا وہیل مردہ سالمن مچھلیوں کو اپنے سروں پر رکھتی ہیں تاہم اس عجیب رویے کی وجہ اب تک معلوم نہیں ہو سکی۔
مزید پڑھیں: ممبئی ساحل پر پھنسا 26 فٹ لمبا وہیل کا بچہ ریسکیو کے باوجود دم توڑ گیا
گزشتہ سال شائع ہونے والی ایک اور تحقیق کے مطابق سیلش سی میں رہنے والی شدید خطرے سے دوچار اورکا وہیلوں کو سمندری گھاس کے ٹکڑے توڑ کر ایک دوسرے کی صفائی اور جسم رگڑنے کے لیے بطور آلے استعمال کرتے بھی دیکھا گیا تھا۔
ویسٹرن آسٹریلیا کی کرٹن یونیورسٹی سے تعلق رکھنے والی سائنس دان ریبی کا ویلارڈ جو اس تحقیق کا حصہ نہیں تھیں نے کہا کہ یہ مشاہدہ ایک بار پھر ثابت کرتا ہے کہ اورکا وہیل انتہائی ذہین مخلوق ہیں۔
انہوں نے کہا کہ امید ہے اس طرح کی تحقیقات لوگوں میں ان طاقتور سمندری شکاریوں کے لیے مزید احترام پیدا کریں گی۔
تحقیق کے مطابق سن فش دنیا کی سب سے بڑی ہڈی والی مچھلیوں میں شمار ہوتی ہے جس کا وزن 2 ہزار کلوگرام تک ہو سکتا ہے۔ اس کا چپٹا جسم اور منفرد ساخت اسے دیگر مچھلیوں سے ممتاز بناتی ہے۔
یہ بھی پڑھیے: پاکستانی سمندر میں وہیل اور ڈولفن کی 27 اقسام کی موجودگی خوش آئند ہے، وفاقی وزیر بحری امور
ماہرین نے واضح کیا کہ سن فش عام طور پر اس طرح ٹکڑوں میں نہیں بکھرتی جس سے اندازہ ہوتا ہے کہ اورکا وہیل کی ٹکر غیرمعمولی طور پر طاقتور تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اورکا وہیل دلچسپ تحقیق سن فش قاتل وہیل کلر وہیل وہیل پر تحقیق وہیل کی سن فش کو ٹکر
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار