فرال نے والد کی دوسری شادی کی تیاری کیوں کی؟ فضا علی کے ردعمل نے سب کو چونکا دیا
اشاعت کی تاریخ: 16th, January 2026 GMT
پاکستان کی معروف ٹی وی اداکارہ فضا علی نے اپنی بیٹی فرال کی ویڈیو سوشل میڈیا پر شیئر کی، جس میں وہ اپنے والد فواد فاروق کی دوسری شادی میں شرکت کی تیاری کر رہی تھیں۔ اس ویڈیو نے صارفین کی خصوصی توجہ حاصل کر لی۔
ویڈیو میں فرال نے کہا کہ ہیلو دوستو آئیے میری فٹ چیک کرتے ہیں اس سے پہلے کہ میں پارلر جا کر اپنے والد کی شادی کے لیے تیار ہوں۔ ساتھ ہی انہوں نے والد سے درخواست کی وہ بھی ویڈیو میں آئیں جس کے بعد ان کے والد نے اپنی شادی کا اعلان کیا۔
یہ بھی پڑھیں: فضا علی کا ندا یاسر پر بالواسطہ الزام، طلاق سے متعلق بیان وائرل کرنے کا دعویٰ
فرال کے والد نے کہا ہیلو آپ سب کیسے ہیں؟ آج میں شادی کر رہا ہوں۔ اور میری پرنسس فرال میرے ساتھ چلیں گی۔ اس کے بعد فرال نے شادی کا لباس اور ہاتھوں میں لگی مہندی بھی دکھائی۔
View this post on Instagram
A post shared by Real Fiza Ali (@fiza_aali)
انسٹاگرام پر فضا علی نے لکھا زندگی ہمیشہ سیدھی نہیں ہوتی کبھی کبھی وہ ہمیں ایسے موڑ پر لے آتی ہے جہاں شور نہیں، صرف صبر بولتا ہے۔ آج میری بیٹی فرال اپنے بابا کے لیے خوشی اور معصوم مسکراہٹ کے ساتھ ان کی نئی زندگی کے سفر کی تیاری ریکارڈ کر رہی ہے۔ اس لمحے نے مجھے پھر سے یاد دلایا کہ رشتے بدل سکتے ہیں لیکن عزت، محبت اور والدین کی ذمہ داری کبھی ختم نہیں ہوتی۔
ان کا کہنا تھا کہ ہر کہانی کا انجام لڑائی نہیں ہوتا کبھی کبھی سب سے خوبصورت انجام یہ ہوتا ہے کہ ہم اپنے بچوں کو مثبت سوچ، وقار اور طاقت سکھاتے ہیں۔ دل سے دعا ہے کہ فواد فاروق کی زندگی کا یہ نیا باب سکون، سمجھداری اور خوشیوں سے بھرپور ہو۔ اللہ ہم سب کے لیے آسانیاں اور بہتر راستے لکھے۔
یہ بھی پڑھیں: ’ہم اپنی بیٹیوں کو ڈیٹنگ سکھا رہے ہیں؟‘ فضا علی کی ’لازوال عشق‘ پر کڑی تنقید
سوشل میڈیا صارفین نے فضا علی کی بیٹی کی پرورش کی تعریف کی اور فرال کے اعتماد اور مثبت رویے کو سراہا۔ ایک صارف نے دعا کی کہ ان کے گھر بھی فرال جیسی بااعتماد بیٹی پیدا ہو جبکہ ایک اور صارف نے کہا کہ پتہ چل رہا ہے فرال کی تربیت ایک مضبوط اور باوقار خاتون نے کی ہے۔
واضح رہے کہ فضا علی پاکستان کی مشہور ٹیلی ویژن شخصیت ہیں جنہوں نے پی ٹی وی کے ہٹ ڈرامہ مہندی کے ذریعے لازوال شہرت حاصل کی۔ ان کے دیگر قابل ذکر ڈرامے میں لو، لائف اور لاہور، موم، ساتھ نبھانا ہے، سات سر رشتوں کے، چنری، لگن، زخم وغیرہ شامل ہیں اور وہ اس وقت مارننگ شو کی میزبانی کر رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فرال ویڈیو فضا علی فضا علی بیٹی فضا علی بیٹی فرال.
ذریعہ
ذریعہ: WE News
کلیدی لفظ: فرال ویڈیو فضا علی فضا علی بیٹی فضا علی بیٹی فرال نے والد فضا علی کے لیے
پڑھیں:
پاسدارانِ انقلاب کی دھمکی پر برطانیہ کا بھی سخت ردعمل آگیا
پاسدارانِ انقلاب کے امریکا کی مدد کرنے پر برطانوی اڈوں کو نشانہ بنانے کی دھمکی کے کے بعد برطانیہ کا بھی ردعمل سامنے آگیا ہے جس میں اُس نے کہا ہے کہ وہ اپنے عوام کے دفاع کے لیے پرعزم ہے۔
ایران کے پاسداران انقلاب کی جانب سے امریکی بمبار طیاروں کو برطانیہ کے اڈوں سے پرواز کرنے کی اجازت دینے کے حوالے سے وارننگ جاری کی گئی تھی جس کے بعد برطانیہ نے جمعرات کو کہا کہ اس کی مسلح افواج ملک کو کسی بھی حملے سے بچانے کے لیے تیار ہیں۔
حکومتی ترجمان نے کہا کہ ہماری مسلح افواج برطانیہ کو کسی بھی قسم کے حملوں سے محفوظ رکھنے کے لیے تیار ہیں، چاہے وہ ہماری سرزمین پر ہو یا بیرون ملک سے۔ برطانیہ اپنے دفاع کے لیے 24 گھنٹے تیار ہے۔
انہوں نے مزید کہا کہ اس میں رائل نیوی، برٹش آرمی اور رائل ایئر فورس کے اثاثوں کی طرف سے فراہم کردہ فضائی اور میزائل دفاع کے لیے ایک تہہ دار نقطہ نظر کو چلانا شامل ہے، جو ہمارے نیٹو اتحادیوں کے ساتھ مل کر کام کر رہے ہیں۔
ایران کی جانب سے یہ انتباہ اس وقت سامنے آیا جب برطانیہ کے نئے وزیر اعظم اینڈی برنہم کو گزشتہ ہفتے برطانیہ کے ایک موجودہ معاہدے کو دوبارہ فعال کرنے پر مطلع کیا گیا تھا جس میں امریکا کو برطانوی اڈے استعمال کرنے کی اجازت دی گئی تھی۔
بھارت سے جنگ اور افغانستان میں کارروائی خارج ازامکان نہیں، وزیردفاع