پریانکا چوپڑا اور نک جونس کی بیٹی کی چوتھی سالگرہ،تصاویروائرل
اشاعت کی تاریخ: 16th, January 2026 GMT
ہالی ووڈ اور بالی ووڈ کی معروف اداکارہ پریانکا چوپڑا اور امریکی گلوکار نک جونس کی بیٹی مالتی میری چوپڑا جونس نے جمعرات 15 جنوری 2023 کو اپنی چوتھی سالگرہ منائی۔ اس موقع پر پریانکا چوپڑا نے اپنی بیٹی کی سالگرہ کی خوشیوں کی چند جھلکیاں سوشل میڈیا پر شیئر کیں، جبکہ ننھی مالتی کی نانی مدھو چوپڑا نے بھی ایک جذباتی پیغام کے ساتھ نئی تصاویر پوسٹ کیں۔
پریانکا چوپڑا نے انسٹاگرام پر مالتی کی سالگرہ کی پارٹی کی تصاویر شیئر کیں، جہاں ساری سجاوٹ ڈزنی شہزادیوں کے گرد گھومتی نظر آئی۔ خاص طور پر پارٹی کا تھیم سمندر اور جل پریوں پر مبنی تھا، جسے دیکھ کر ننھی مالتی کی پسند صاف جھلکتی ہے۔
تصاویر میں ایک خوبصورت انڈر دی سی سیٹ اپ دکھایا گیا، جس کے نرم رنگوں کے بیک گراؤنڈ پر واضح طور پر لکھا تھا:
“Malti’s 4th Birthday”
سالگرہ کا کیک بھی خاص توجہ کا مرکز رہا، جس پر مالتی کی پسندیدہ ڈزنی شہزادی “ایریل” کا نام نمایاں تھا۔ پریانکا نے اپنی بیٹی کے لیے ایک شاندار مرمیڈ تھیم پارٹی کا اہتمام کیا، جس میں چمکتے ہوئے مرمیڈ اسکیل ڈیزائن، سمندری جال، سیپیاں اور دیگر سجاوٹی اشیاء شامل تھیں، جنہوں نے پورے مقام کو سمندر جیسا ماحول دے دیا۔
پارٹی کو مزید خاص بنانے کے لیے پریانکا نے مہمانوں کے لیے مچھلی کی شکل کے بسکٹس اور گفٹ ہیمپرز بھی تیار کروائے۔ اس کے علاوہ مرمیڈ کی شکل کے غباروں نے سجاوٹ کو مزید دلکش بنا دیا۔ اداکارہ نے تصاویر کے ساتھ مختصر مگر پیارا کیپشن لکھا، “She’s 4!” اور ساتھ ہی نک جونس کو ٹیگ بھی کیا۔
دوسری جانب مدھو چوپڑا نے بھی انسٹاگرام پر مالتی کے ساتھ اپنے خوبصورت لمحات شیئر کیے، جن میں نانی اور نواسی کے درمیان گہرا رشتہ صاف نظر آتا ہے۔ ایک تصویر میں مدھو اور مالتی کو چھٹیوں کے دوران سیر کرتے ہوئے دیکھا جا سکتا ہے۔
مدھو چوپڑا نے اپنی پوسٹ کے ساتھ جذباتی پیغام لکھا،
“تم نے مجھے نانی بنایا اور میری زندگی کو بہت خوبصورت بنا دیا۔ میری ننھی پری، تمہیں چوتھی سالگرہ بہت مبارک ہو۔”
مالتی میری کی سالگرہ کی یہ تصاویر اور پیغامات مداحوں میں بے حد مقبول ہو رہے ہیں، جہاں لوگ ننھی شہزادی کے لیے نیک تمناؤں کا اظہار کر رہے ہیں۔
View this post on Instagram
A post shared by Dr Madhu Akhouri Chopra (@drmadhuakhourichopra)
.
ذریعہ
ذریعہ: Daily Mumtaz
کلیدی لفظ: پریانکا چوپڑا مالتی کی چوپڑا نے کے ساتھ کے لیے
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی