قومی اسمبلی کے بعد سینیٹ میں بھی اپوزیشن لیڈر کی تقرری پرمشاورت شروع
اشاعت کی تاریخ: 16th, January 2026 GMT
قومی اسمبلی کے بعد سینیٹ سیکرٹریٹ میں بھی اپوزیشن لیڈر کی تقرری پر مشاورت شروع ہوگئی۔
سینیٹ میں اپوزیشن لیڈر کی تقرری کےلیے اہم اجلاس میں سیکرٹری سینیٹ اور متعلقہ حکام مشاورت میں شریک ہیں، قانونی پہلوؤں کا جائزہ لیا جارہاہے۔
سینیٹ میں اپوزیشن لیڈر کی تقرری کا نوٹیفکیشن بھی جلد جاری کیے جانے کا امکان ہے۔ پی ٹی آئی نےسینیٹ میں علامہ راجہ ناصر عباس کواپوزیشن لیڈرنامزد کیا ہوا ہے۔
قبل ازیں محمود خان اچکزئی کو قومی اسمبلی میں اپوزیشن لیڈر مقرر کردیا گیا ہے۔ اس سلسلے میں اسپیکر قومی اسمبلی نے اپوزیشن لیڈر کی تقرری کا نوٹیفکیشن جاری کر دیا۔ اپوزیشن لیڈر کا عہدہ عمر ایوب خان کی نااہلی کے بعد خالی ہوا تھا۔
.
ذریعہ
ذریعہ: Daily Mumtaz
کلیدی لفظ: اپوزیشن لیڈر کی تقرری قومی اسمبلی سینیٹ میں
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع