شناختی کارڈ کی تصویر کیسے تبدیل کریں؟ نادرا نے بتادیا
اشاعت کی تاریخ: 16th, January 2026 GMT
ویب ڈیسک : نادرا نے شہریوں کو پاک آئی ڈی موبائل ایپ کے ذریعے اپنے کمپیوٹرائزڈ قومی شناختی کارڈ (CNIC) پر تصویر تبدیل یا اپ ڈیٹ کرنے کی سہولت فراہم کر دی ہے۔
نیشنل ڈیٹا بیس اینڈ رجسٹریشن اتھارٹی کے مطابق اب شہری بغیر کسی رجسٹریشن سینٹر جائے خود ہی اپنی شناختی کارڈ کی تصویر اپ ڈیٹ کر سکتے ہیں۔ نادرا نے یہ معلومات سوشل میڈیا پر ایک شہری کے سوال کے جواب میں فراہم کیں، جس میں پوچھا گیا تھا کہ کیا شناختی کارڈ کی تصویر تبدیل کی جا سکتی ہے اور اس کا طریقہ کار کیا ہے۔ نادرا نےاپنے جواب میں بتایا کہ صارفین اپنے پاک آئی ڈی اکاؤنٹ میں لاگ اِن ہو کر “Update Card” کے آپشن کو منتخب کریں اور شناختی کارڈ کی تصویر تبدیل کرنے کی درخواست جمع کروائیں۔
لاہور میں 187 ٹریفک حادثات؛ 217 افراد زخمی
تصویر لینے سے متعلق ہدایات
نادرا کی جانب سے جاری کردہ ہدایات کے مطابق، ایپ کے ذریعے تصویر بناتے وقت درج ذیل نکات پر عمل کریں.
پنجاب میں پتنگ بازی پر پابندی ؛ خلاف ورزی پر قید اور جرمانے ہوں گے ؛ محکمہ داخلہ پنجاب
مرد حضرات ٹوپی یا پگڑی پہن سکتے ہیں، بشرطیکہ چہرہ مکمل طور پر واضح ہو۔ خواتین حجاب کے ساتھ تصویر لے سکتی ہیں، لیکن چہرہ اور ٹھوڑی واضح نظر آنی چاہیے۔ اس بات کو یقینی بنائیں کہ چہرہ اسکرین پر دکھائے گئے دائرے کے اندر ہو۔ جب اسکرین پر موجود دائرہ سبز ہو جائے تو تصویر مکمل ہو جاتی ہے۔ تصویر لیتے وقت پرسکون رہیں اور حرکت نہ کریں۔
نادرا کے مطابق اس اقدام کا مقصد پاک آئی ڈی موبائل ایپ کے ذریعے ڈیجیٹل سہولیات فراہم کر کے شہریوں کے لیے مزید آسانی پیدا کرنا ہے۔
اقرار الحسن کا ’عوام راج ‘تحریک کا اعلان
ذریعہ
ذریعہ: City 42
کلیدی لفظ: شناختی کارڈ کی تصویر
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع