پاکستان-آسٹریلیا ٹی20 کے لیے میچ کے اوقات تبدیل، اب میچ کب شروع ہوں گے؟
اشاعت کی تاریخ: 16th, January 2026 GMT
لاہور میں کھیلی جانے والی پاکستان اور آسٹریلیا کے درمیان آئندہ ٹی20 انٹرنیشنل سیریز کے میچز کے آغاز کے وقت میں تبدیلی کر دی گئی ہے۔
شدید موسمی حالات کے باعث اب میچز شام 6 بجے کے بجائے 4 بجے شروع ہوں گے۔
یہ بھی پڑھیں:
نظرثانی شدہ شیڈول کے مطابق ٹاس 3 بج کر 30 منٹ پر ہوگا جبکہ پہلی گیند 4 بجے کرائی جائے گی۔
اس سے قبل ٹاس ساڑھے 5 بجے اور میچ شام 6 بجے شروع ہونا تھا، شیڈول میں یہ تبدیلی شہر میں دھند کے باعث ممکنہ خلل سے بچنے کے لیے کی گئی ہے۔
???? Pakistan vs Australia T20 matches will now start at 4:00 PM instead of 6:00 PM.
— junaiz (@dhillow_) January 16, 2026
پاکستان کرکٹ بورڈ نے آسٹریلیا کے دورۂ پاکستان کے لیے ٹی20 سیریز کے شیڈول کی تصدیق کرتے ہوئے بتایا ہے کہ 3 میچوں پر مشتمل یہ سیریز 29 جنوری، 31 جنوری اور 1 فروری کو قذافی اسٹیڈیم لاہور میں کھیلی جائے گی۔
آسٹریلوی ٹی20 اسکواڈ بدھ 28 جنوری کو لاہور پہنچے گا۔
مزید پڑھیں:
یہ سیریز دونوں ٹیموں کے لیے آئی سی سی مینز ٹی20 ورلڈ کپ 2026 سے قبل اہم تیاری ثابت ہوگی، ورلڈ کپ میں پاکستان کو گروپ اے جبکہ آسٹریلیا کو گروپ بی میں رکھا گیا ہے۔
یہ 2022 کے بعد آسٹریلیا کا پاکستان کا تیسرا دورہ ہوگا۔ اس سے قبل دونوں ٹیمیں ٹیسٹ، ون ڈے اور ٹی20 میچز کے علاوہ چیمپیئنز ٹرافی 2025 کے دوران بھی پاکستان میں مدمقابل آچکی ہیں۔
دوسری جانب سیریز کے ٹکٹس اس وقت آن لائن دستیاب ہیں، جبکہ پیر 19 جنوری سے صبح 10 بجے کے بعد نامزد مراکز پر فزیکل ٹکٹس کی فروخت بھی شروع کر دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا پاکستان پاکستان کرکٹ بورڈ ٹی20 ٹیسٹ ون ڈے
ذریعہ
ذریعہ: WE News
کلیدی لفظ: ا سٹریلیا پاکستان پاکستان کرکٹ بورڈ ٹی20 ٹیسٹ ون ڈے کے لیے
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی