پاکستان بحرین کیساتھ اقتصادی تعاون، روابط کے فروغ کیلئے پر عزم:زرداری، بحرینی وزیر داخلہ کی ملاقات
اشاعت کی تاریخ: 16th, January 2026 GMT
اسلام آباد (نمائندہ خصوصی) صدر آصف علی زرداری نے مملکتِ بحرین کے اکنامک ڈیولپمنٹ بورڈ کے ہیڈکوارٹر میں منعقدہ استقبالیہ سے خطاب کرتے ہوئے بحرین کے ساتھ اقتصادی تعاون، سرمایہ کاری شراکت داریوں اور ادارہ جاتی روابط کے فروغ کے لیے پاکستان کے عزم پر زور دیا۔ اپنے خطاب میں صدر نے دورے کے دوران پرتپاک میزبانی پر شاہ حمد بن عیسیٰ آل خلیفہ اور شہزادہ سلمان بن حمد آل خلیفہ، ولی عہد اور وزیرِ اعظم، کا شکریہ ادا کیا۔ انہوں نے شاہ کی جانب سے شیخ عیسیٰ ایوارڈ عطا کیے جانے پر بھی اظہارِ تشکر کیا اور اسے دونوں ممالک کے درمیان دوطرفہ تعلقات کی گہرائی اور باہمی احترام کی عکاسی قرار دیا۔ صدر نے کہا کہ یہ استقبالیہ پاکستان اور بحرین کے قریبی اور دیرینہ دوستانہ تعلقات کا مظہر ہے۔ بحرین کی ایک کھلی اور سرمایہ کار دوست معیشت کے طور پر کامیاب حیثیت، تیزی سے بدلتے ہوئے عالمی ماحول میں قابلِ قدر اسباق فراہم کرتی ہے۔ جب بحرین کے وزیرِ خزانہ نے اقتصادی ترقی پر بریفنگ شروع کی تو صدر نے ہلکے پھلکے انداز میں منامہ کے افق کی جانب اشارہ کرتے ہوئے کہا کہ ترقی ان کے سامنے واضح طور پر نظر آ رہی ہے اور کسی وضاحت کی محتاج نہیں۔ صدر نے کہا کہ اکنامک ڈیولپمنٹ بورڈ بحرین کی اقتصادی حکمتِ عملی کی تشکیل، غیر ملکی سرمایہ کاری کے فروغ اور اہم شعبہ جات میں تنوع کی حمایت میں مرکزی کردار ادا کر رہا ہے۔ صدر زرداری نے کہا کہ پالیسی ہم آہنگی اور سرمایہ کاروں کی سہولت کاری پر مبنی ای ڈی بی کا ماڈل پائیدار اور جامع ترقی کے خواہاں ممالک کے لیے ایک مفید حوالہ فراہم کرتا ہے۔ انہوں نے کہا کہ پاکستان بحرین کے ترقیاتی سفر کو تحسین کی نگاہ سے دیکھتا ہے اور دونوں معیشتوں کے درمیان مضبوط تکمیلی پہلو موجود ہیں۔ پاکستان میں جاری اقتصادی اصلاحات کو اجاگر کرتے ہوئے صدر نے کہا کہ ملک استحکام، ڈیجیٹل جدید کاری اور سرمایہ کاری پر مبنی ترقی کی راہ پر گامزن ہے۔ انہوں نے سپیشل انویسٹمنٹ فسیلیٹیشن کونسل کا حوالہ دیا جو سرمایہ کاروں کے لیے ایک مربوط پلیٹ فارم ہے اور جس کے ترجیحی شعبہ جات میں زراعت، انفارمیشن ٹیکنالوجی، توانائی، معدنیات، لاجسٹکس اور سیاحت شامل ہیں۔ صدر نے زراعت اور غذائی تحفظ، انفارمیشن ٹیکنالوجی اور ڈیجیٹل خدمات، قابلِ تجدید توانائی اور لاجسٹکس کو پاکستان اور بحرین کے درمیان تعاون کے امید افزا شعبے قرار دیا۔ انہوں نے پاکستان کی سٹریٹجک جغرافیائی حیثیت پر بھی زور دیا جو جنوبی ایشیا، وسطی ایشیا، چین اور مشرقِ وسطیٰ کو جوڑتی ہے، اور جو بحرین کی مالی مہارت اور ریگولیٹری فریم ورک کی تکمیل کرتی ہے۔ اندرونی سلامتی کے استحکام اور ہمسایہ ممالک کے ساتھ پرامن تعلقات کے فروغ کے لیے پاکستان کے عزم کا اعادہ کیا، ساتھ ہی قومی مفادات کے تحفظ پر بھی زور دیا۔ درےں اثناءصدر آصف علی زرداری اور بحرینی وزیر داخلہ کی ملاقات ہوئی جس مےں، سیکیورٹی تعاون پر تبادلہ خیال کیا گیا، پاکستان اور بحرین کے درمیان انسداد دہشتگردی تعاون مزید مضبوط بنانے پر اتفاق کیا گیا، بحرینی وزیر داخلہ نے محسن نقوی کے دونوں ممالک کے مابین تعلقات کو فروغ دینے کے حوالے سے صدر زرداری کے سامنے خصوصی ذکر کیا، پاکستان، بحرین کا منشیات سمگلنگ کے خلاف مشترکہ اقدامات پر اتفاق کیا گیا، دونوں ممالک کا منظم جرائم کے خلاف مشترکہ حکمتِ عملی پر زور دےا، سکیورٹی تعاون بڑھانے کے لیے عملی اقدامات جاری رکھنے پر اتفاق کیا گیا۔
.
ذریعہ
ذریعہ: Nawaiwaqt
کلیدی لفظ: کے درمیان اور بحرین نے کہا کہ ممالک کے انہوں نے بحرین کے بحرین کی کے فروغ کیا گیا کے لیے
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
تحریکِ تحفظِ آئینِ پاکستان کا پارلیمنٹ ہائوس سے دھرنا ختم