جنید صفدر کی دوسری شادی کی تقریبات آج سے شروع، سوشل میڈیا پر چرچے
اشاعت کی تاریخ: 16th, January 2026 GMT
وزیراعلیٰ پنجاب مریم نواز شریف کے بیٹے جنید صفدر کی دوسری شادی کی تقریبات آج سے بھرپور انداز میں شروع ہوگئی ہیں، جس نے شوبز اور سیاسی حلقوں کے ساتھ ساتھ سوشل میڈیا پر بھی خاص توجہ حاصل کرلی ہے۔
جنید صفدر کا رشتہ شانزے علی روحیل سے طے پایا ہے، جو مسلم لیگ (ن) کے سینئر رہنما اور سابق رکن قومی اسمبلی شیخ روحیل اصغر کی پوتی ہیں۔ شادی کی تقریبات 16، 17 اور 18 جنوری 2026 کو جاتی عمرہ میں منعقد ہوں گی، جہاں مہندی، بارات اور ولیمہ جیسی روایتی رسومات ادا کی جائیں گی۔
اطلاعات کے مطابق آج رات جاتی عمرہ میں جنید صفدر اور شانزے علی روحیل کی مہندی کی تقریب رکھی گئی ہے، جس میں شریف خاندان اور شیخ روحیل اصغر خاندان کے اہلخانہ اور قریبی عزیز و اقارب شرکت کررہے ہیں۔ مہندی کی تقریب میں معروف رقاص وہاب شاہ کو بھی مدعو کیا گیا ہے، جو اس فنکشن میں پرفارم بھی کریں گے۔
تقریب میں تقریباً 350 مہمانوں کے لیے دعوتِ ضیافت کا اہتمام کیا گیا ہے، جبکہ شریف خاندان کی جانب سے روایتی اور دیسی پکوان بھی تیار کیے جا رہے ہیں تاکہ مہمانوں کو شاندار ذائقے کا بھرپور اہتمام فراہم کیا جا سکے۔
یاد رہے کہ سوشل میڈیا پر شادی کا ڈیزائن شدہ کارڈ بھی وائرل ہوچکا ہے، جس میں ولیمے کی تقریب 18 جنوری 2026 بروز اتوار کو دوپہر 1 بجے جاتی عمرہ شریف فارمز میں منعقد ہونے کا اعلان درج ہے۔
واضح رہے کہ یہ جنید صفدر کی دوسری شادی ہے، اس سے قبل ان کی شادی معروف بزنس مین سیف الرحمٰن کی صاحبزادی سے ہوئی تھی جو 2023 میں طلاق پر ختم ہوئی۔
سوشل میڈیا صارفین شادی کی شوخی، تشہیری کارڈ اور فنکشن کی تفصیلات پر تبصرے کر رہے ہیں، جبکہ سیاسی مبصر شریف خاندان اور شیخ روحیل کے قریبی اقتصادی و سماجی روابط پر بھی دلچسپی ظاہر کر رہے ہیں۔
.
ذریعہ
ذریعہ: Express News
کلیدی لفظ: سوشل میڈیا کی تقریب شادی کی رہے ہیں
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی