بین الاقوامی سمندری تحفظ کا تاریخی معاہدہ 17 جنوری سے نافذ العمل
اشاعت کی تاریخ: 16th, January 2026 GMT
2 دہائیوں پر محیط طویل مذاکرات کے بعد سمندری حیات کے تحفظ سے متعلق ایک اہم عالمی معاہدہ ہفتہ 17 جنوری سے نافذ العمل ہو جائے گا۔
یہ بھی پڑھیں: پاکستان نے اقوام متحدہ کے تحت سمندری حیاتیاتی تنوع کے تحفظ کے معاہدے پر دستخط کردیے
ماہرین کے مطابق یہ معاہدہ آئندہ برسوں میں سمندری ماحولیاتی نظام کو محفوظ بنانے کی کوششوں میں ایک سنگ میل ثابت ہو سکتا ہے۔
اس معاہدے کو ملکی حدود سے ماورا حیاتیاتی تنوع کا نام دیا گیا ہے جس کی پابندی اس پر دستخط کرنے والے ممالک پر قانونی طور پر لازم ہو گی۔
یہ معاہدہ ان سمندری علاقوں اور بین الاقوامی سمندری تہہ پر لاگو ہو گا جو کسی بھی ملک کی بحری حدود میں شامل نہیں۔
دنیا کے سمندروں کی سطح کا 2 تہائی سے زائد حصہ اور زمین پر موجود حیاتیاتی زندگی کا تقریباً 90 فیصد انہی علاقوں پر مشتمل ہے کیونکہ سمندر کی گہرائی میں زندگی کی بے شمار اقسام پائی جاتی ہیں۔
بی بی این جے کیوں اہم ہے؟اس معاہدے کا بنیادی مقصد کھلے سمندروں اور بین الاقوامی سمندری تہہ کو اس انداز میں منظم کرنا ہے کہ ان کا استعمال پوری انسانیت کے فائدے کے لیے پائیدار بنیادوں پر ہو سکے۔
یہ اپنی نوعیت کا پہلا عالمی سمندری معاہدہ ہے جو جامع سمندری انتظام کو ممکن بناتا ہے جس میں مقامی آبادیوں اور خواتین و مردوں کے درمیان توازن کو یقینی بنانے سے متعلق خصوصی شقیں بھی شامل ہیں۔
مزید پڑھیے: وزارتِ بحری امور کا سمندری کچھوؤں کے تحفظ کے لیے 9 کروڑ روپے کا منصوبہ
ماہرین کو امید ہے کہ معاہدے کے مکمل نفاذ کے بعد یہ موسمیاتی تبدیلی، حیاتیاتی تنوع کے نقصان اور سمندری آلودگی جیسے عالمی ماحولیاتی بحرانوں سے نمٹنے میں اہم کردار ادا کرے گا۔
عالمی ردعمل اور قانونی حیثیتمعاہدے پر ہونے والے مذاکرات میں تنزانیہ کی نمائندگی کرنے والے سفارتکار مزی علی حاجی کا کہنا ہے کہ یہ معاہدہ بین الاقوامی پانیوں کے تحفظ کی جانب ایک بڑا قدم ہے۔
ان کے مطابق اب کھلے سمندروں میں ہونے والی سرگرمیوں پر واضح کنٹرول ہو گا اور آلودگی یا خلاف ورزی کی صورت میں ذمہ داروں کو اس کی قیمت چکانا پڑے گی۔
یہ معاہدہ سمندری قانون سے متعلق اقوام متحدہ کے کنونشن کو مزید مضبوط بناتا ہے جو سنہ 1994 سے سمندروں اور سمندری تہہ کے تحفظ اور استحصال کو روکنے کے لیے اصول و ضوابط مرتب کر رہا ہے۔
بی بی این جے اس فریم ورک میں موجود قانونی خلا کو پُر کرتا ہے اور سمندری انتظام کو موسمیاتی تبدیلی اور پائیدار ترقی کے عالمی اہداف سے ہم آہنگ کرتا ہے۔
نافذ العمل ہونے کا مطلب کیا ہے؟معاہدے کے نفاذ کے بعد اس پر دستخط کرنے والے 81 ممالک کے لیے اس کی پابندی قانونی طور پر لازم ہو گی اور انہیں اسے اپنی قومی قانون سازی کا حصہ بنانا ہو گا۔
یہ معاہدہ اس وقت نافذ ہو رہا ہے جب کم از کم 60 ممالک اس کی توثیق کر چکے ہیں اور اس شرط کے پورا ہونے کے بعد درکار 120 دن کی مدت بھی مکمل ہو چکی ہے۔
کون سے ممالک شامل ہیں؟کئی بڑی معیشتیں اس معاہدے کی توثیق کر چکی ہیں جن میں چین، جرمنی، جاپان، فرانس اور برازیل شامل ہیں۔
مزید پڑھیں: طاقتور بحریہ سمندری تجارت کے تحفظ کی ضامن ہے، وزیر دفاع خواجہ آصف
خصوصاً چین کا کردار اہم سمجھا جا رہا ہے کیونکہ اس کی معیشت میں جہاز سازی، آبی زراعت، ماہی گیری اور ساحلی تیل و گیس کی صنعت نمایاں حیثیت رکھتی ہے۔ چین نے 2023 میں تقریباً 155 ارب ڈالر کی سمندری مصنوعات برآمد کیں۔
تاہم امریکا، بھارت، برطانیہ اور روس تاحال اس معاہدے میں مکمل طور پر شامل نہیں ہوئے۔
امریکا نے سنہ 2023 میں معاہدہ اپنایا،مگر سینیٹ کی منظوری ابھی باقی ہے۔
بھارت نے سنہ 2024 میں دستخط کیے تاہم ملکی قانون سازی مکمل نہیں ہوئی۔
برطانیہ نے سنہ 2025 میں قانون سازی پیش کی لیکن پارلیمنٹ نے توثیق نہیں کی۔
روس نے معاہدہ نہ اپنایا اور نہ منظور کیا اس کی وجہ موجودہ انتظامی ڈھانچے اور بین الاقوامی پانیوں میں بحری آزادی کو برقرار رکھنا بتائی گئی ہے۔
آگے کا راستہمزی علی حاجی کے مطابق چند بڑی معیشتوں کی عدم شمولیت کے باوجود معاہدے کے اثرات حوصلہ افزا ہیں۔
ان کا کہنا ہے کہ ترقی پذیر اور جزیرہ نما ممالک کو بڑے ممالک کی حمایت درکار ہے اور توقع ہے کہ وقت کے ساتھ مزید ریاستیں اس معاہدے کا حصہ بنیں گی کیونکہ کھلے سمندروں کا تحفظ سب کی مشترکہ ذمہ داری ہے۔
ماہرین کے مطابق بی بی این جے کی کامیابی کا دارومدار اس پر عملدرآمد پر ہو گا جس کے لیے خلاف ورزی کرنے والوں کے خلاف مؤثر کارروائی ناگزیر ہے۔
یہ بھی پڑھیے: سینٹ مارٹن جزیرہ کا ماحولیاتی تحفظ، بنگلہ دیش کا سیاحت محدود کرنے کا فیصلہ
معاہدے کے متن کے مطابق اس کے نفاذ کے ایک سال کے اندر پہلا باضابطہ اجلاس منعقد کیا جائے گا تاکہ پیشرفت اور عملدرآمد کا جائزہ لیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سمندری تحفظ سمندری تحفظ کا عالمی معاہدہ سمندری معاہدے کا نفاذ.
ذریعہ
ذریعہ: WE News
کلیدی لفظ: سمندری تحفظ کا عالمی معاہدہ سمندری معاہدے کا نفاذ بین الاقوامی معاہدے کے یہ معاہدہ اس معاہدے کے مطابق کے تحفظ کے لیے کے بعد
پڑھیں:
نابالغ بچے کا نان نفقہ کسی معاہدے سے ختم نہیں کیا جا سکتا: لاہور ہائیکورٹ
لاہور ہائی کورٹ---فائل فوٹولاہور ہائی کورٹ نے قرار دیا ہے کہ باپ نابالغ بچے کے مستقبل کے نان نفقے کا حق کسی معاہدے یا رضامندی نامے کے ذریعے ختم نہیں کر سکتا۔
لاہور ہائی کورٹ کے جسٹس محسن اختر کیانی نے درخواست پر تفصیلی تحریری فیصلہ جاری کر دیا۔
عدالت نے معاہدے کی بنیاد پر بچے کا نان نفقہ ختم کرنے سے متعلق باپ کی اپیل خارج کرتے ہوئے ٹرائل کورٹ، فیملی کورٹ اور اپیلٹ کورٹ کے فیصلے برقرار رکھے ہیں۔
عدالت نے اپنے فیصلے میں کہا کہ درخواست گزار کے مطابق بورڈنگ کارڈ جاری ہونے کے بعد اچانک آف لوڈ کیا گیا اور صرف اس خدشے پر سفر سے روکا گیا کہ شاید دبئی سے واپس نہ آئے۔
عدالتی فیصلے کے مطابق فریقین کی شادی 2002ء میں ہوئی تھی جبکہ 2005ء میں طلاق ہو گئی، طلاق کے بعد خاندان کے بڑوں نے دونوں فریقین کے درمیان ایک معاہدہ کروایا جس کے تحت شوہر بچے کے نان نفقے کے حوالے سے 60 ہزار روپے ادا کرے گا۔
عدالتی حکم نامے کے مطابق خاتون نے 2019ء میں بچے کے نان نفقے کا دعویٰ دائر کیا جس پر درخواست گزار نے مؤقف اختیار کیا کہ معاہدے کے باوجود دعویٰ دائر کرنا غیر قانونی ہے تاہم عدالت نے قرار دیا کہ مالی تنگی بھی باپ کی نان نفقے کی ذمے داری ختم نہیں کر سکتی اور نابالغ بچے کا نان نفقہ باپ پر مستقل جاری رہنے والا فریضہ ہے۔
فیصلے میں کہا گیا ہے کہ کسی نجی معاہدے یا رضامندی نامے کے ذریعے نابالغ بچے کا نان نفقے کا حق ختم نہیں کیا جا سکتا۔
عدالت نے واضح کیا ہے کہ نان نفقہ باپ پر صرف قانونی ہی نہیں بلکہ اخلاقی اور مذہبی ذمے داری بھی ہے جبکہ غیر ادا شدہ نان نفقہ باپ پر قابلِ نفاذ قرض ہے جو ختم نہیں ہو سکتا۔
لاہور ہائی کورٹ نے باپ کی درخواست خارج کرتے ہوئے فیصلے کی کاپی لاء اینڈ جسٹس کمیشن اور وزارتِ قانون و انصاف کو بھی بھیجنے کا حکم دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ