جرمنی: گھر میں ہوئی عجیب چوری نے پولیس کو بھی حیران کردیا
اشاعت کی تاریخ: 16th, January 2026 GMT
ڈی ڈبلیو کی رپورٹ کے مطابق مشرقی جرمنی کے ایک چھوٹے سے شہر میں پیش آنے والے چوری کے ایک عجیب واقعے نے نہ صرف گھر کے مالک بلکہ مقامی پولیس کو بھی حیرت میں ڈال دیا۔
یہ بھی پڑھیں: چوری کا انوکھا واقعہ: واردات کے دوران چور ایگزاسٹ فین کے سوراخ میں پھنس گیا
چوروں نے ایک رہائشی فلیٹ کا دروازہ زبردستی توڑا مگر جاتے ہوئے صرف 3 یورو مالیت کی ساسیجز لے کر روانہ ہو گئے۔
رپورٹس کے مطابق یہ واقعہ مشرقی جرمنی کے شہر زوئمرڈا میں پیش آیا جو لائپزگ سے مغرب کی جانب واقع ہے۔ پولیس کے مطابق نامعلوم تعداد میں چور ایک عمارت کے ایک فلیٹ میں اس وقت داخل ہوئے جب اس کا 29 سالہ مالک گھر پر موجود نہیں تھا۔
پولیس نے بتایا کہ چوری کے بعد فلیٹ کے مالک نے صرف ایک چیز کے غائب ہونے کی تصدیق کی اور وہ تھا شیشے کے مرتبان میں رکھا ہوا ساسیجز یا ہاٹ ڈاگز کا پیکٹ جس کی قیمت مقامی دکانوں میں تقریباً 3 یورو بنتی ہے۔
حیرت انگیز طور پر دروازہ توڑنے سے ہونے والا نقصان چوری کیے گئے سامان کی قیمت سے کہیں زیادہ ہے۔
پولیس کا کہنا ہے کہ چوروں نے جس نقصان کا باعث بنے وہ اس چیز کی مالیت سے کئی گنا زیادہ ہے جو وہ ساتھ لے گئے۔
مزید پڑھیے: گوبر چوری کا الزام، خاتون نے دو بھائیوں پر مقدمہ درج کرا دیا
اگرچہ مسروقہ سامان کی قیمت نہایت معمولی ہے پولیس نے واضح کیا ہے کہ یہ واقعہ قانون شکنی کا ایک سنجیدہ معاملہ ہے اور اس کی مکمل تحقیقات جاری ہیں۔
جرمن خبر رساں ادارے ڈی پی اے کے مطابق اس انوکھے واقعے نے کئی سوالات کو جنم دیا ہے۔ کیا چور بھوک کا شکار تھے؟ کیا وہ نشے کی حالت میں تھے؟ یا پھر فلیٹ میں انہیں کوئی ایسی قیمتی چیز نظر ہی نہیں آئی جسے وہ چوری کرنے کے قابل سمجھتے؟
مزید پڑھیں: ٹریکٹر ٹرالر سے لاکھوں سکے چوری کرنے والے ملزمان کے ساتھ اب کیا ہوگا؟
تقریباً 18 ہزار آبادی پر مشتمل اس چھوٹے سے شہر میں پیش آنے والا یہ واقعہ اب مقامی سطح پر خاصی توجہ حاصل کر رہا ہے جہاں لوگ حیران ہیں کہ اتنی معمولی چیز کے لیے دروازہ توڑنے کی آخر کیا وجہ ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمنی جرمنی میں عجیب چوری چوری کی عجیب واردات عجیب چوری.
ذریعہ
ذریعہ: WE News
کلیدی لفظ: جرمنی میں عجیب چوری چوری کی عجیب واردات عجیب چوری کے مطابق
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا