کراچی میں بے لگام ہیوی ٹریفک نے مزید 2 جانیں نگل لیں
اشاعت کی تاریخ: 17th, January 2026 GMT
کراچی(نیوز ڈیسک) شہر قائد میں بے لگام ہیوی ٹریفک نے مزید 2 افراد کو موت کی نیند سلا دیا۔
پولیس کے مطابق پورٹ قاسم وائرلیس گیٹ کے قریب ڈمپر نے موٹر سائیکل کو ٹکر مار دی، حادثے میں ایک شہری موقع پر ہی جاں بحق ہوگیا جبکہ اس کی بیوی کو شدید زخمی حالت میں ہسپتال منتقل کر دیا گیا۔
ذرائع نے بتایا کہ حادثے کے بعد ڈرائیور موقع سے فرار ہوگیا جبکہ پولیس نے ڈمپر تحویل میں لے کر تحقیقات شروع کر دیں، جاں بحق شخص کی شناخت راؤ نثار احمد کے نام سے ہوئی۔
دوسرا واقعہ بلدیہ رانا گراؤنڈ میں پیش آیا جہاں واٹر ٹینکر کی ٹکر سے 5 سالہ بچہ جاں بحق ہو گیا، خیال رہے کہ شہر قائد میں رواں سال ہیوی گاڑیوں سے جاں بحق افراد کی تعداد 16 ہوگئی ہے۔
.
ذریعہ
ذریعہ: Daily Mumtaz
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
بھارت سے جنگ اور افغانستان میں کارروائی خارج ازامکان نہیں، وزیردفاع