کیا اقرارالحسن کے بعد شاہد آفریدی بھی سیاسی میدان میں قدم رکھنے والے ہیں؟ سابق کپتان نے خود بتا دیا
اشاعت کی تاریخ: 17th, January 2026 GMT
قومی کرکٹ ٹیم کے سابق کپتان اور نامور آل راؤنڈر شاہد آفریدی نے کہا ہے کہ ماضی میں انہیں کئی بار سرکاری عہدوں کی پیشکش ہو چکی ہے، تاہم ان کا فی الحال سیاست میں آنے کا کوئی ارادہ نہیں۔
’بوم بوم‘ کے نام سے جانے والے معروف کرکٹر اب کراچی سے اسلام آباد منتقل ہو چکے ہیں، اور انہوں نے خود اس بات کی تصدیق بھی کردی ہے۔
مزید پڑھیں: سیاستدان بننا ہے یا نہیں؟ شاہد آفریدی نے بالآخر حتمی فیصلہ کرلیا
اسلام آباد میں اپنی نئی رہائش گاہ پر میڈیا سے گفتگو کرتے ہوئے شاہد آفریدی کا کہنا تھا کہ وہ پاکستان کو تیزی سے آگے بڑھتا دیکھنا چاہتے ہیں، تاہم ان کے نزدیک ترقی کا اصل راز پالیسیوں اور نظام میں تسلسل ہے۔
انہوں نے بتایا کہ چند ذاتی وجوہات کی بنا پر انہوں نے کراچی چھوڑ کر اسلام آباد میں مستقل سکونت اختیار کی ہے۔
سابق کپتان کے مطابق پاکستان اور پاکستانی کرکٹ نے انہیں عالمی سطح پر پہچان، عزت اور مقام دیا، اب ان کی خواہش ہے کہ وہ کسی نہ کسی صورت ملک اور کرکٹ کو اس کا قرض اتار سکیں۔
شاہد آفریدی نے واضح کیا کہ فی الحال سیاست میں شمولیت کا کوئی ارادہ نہیں، ان کا ماننا ہے کہ منتخب حکومت کو اپنی آئینی مدت پوری کرنے کا موقع ملنا چاہیے۔ اسی طرح چیف جسٹس، آرمی چیف اور دیگر اہم آئینی عہدوں پر فائز شخصیات کو بھی اپنی مدت مکمل کرنے دی جانی چاہیے۔
انہوں نے یہ بھی انکشاف کیاکہ ماضی میں انہیں اہم سرکاری عہدوں کی پیشکش ہو چکی ہے، تاہم وہ ہمیشہ ایسی ذمہ داریوں سے دور رہے کیونکہ محض علامتی یا نمائشی عہدے ان کے لیے پرکشش نہیں۔
ان کا کہنا تھا کہ جمہوری نظام، پالیسیوں اور ریاستی اداروں میں تسلسل ہی کسی بھی ملک کی مضبوط بنیاد ہوتا ہے۔ اگر ادارے اپنی آئینی مدت مکمل کریں تو پالیسیاں قائم رہتی ہیں اور ترقی کے ثمرات جلد عوام تک پہنچتے ہیں۔
مزید پڑھیں: فواد چوہدری نے شاہد آفریدی کو ڈفر کہہ دیا، اصل معاملہ کیا ہے؟
واضح رہے کہ شاہد آفریدی کے حوالے سے ماضی میں بھی یہ خبریں گردش کرتی رہی ہیں وہ سیاسی میدان میں قدم رکھنے کا فیصلہ کر چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد منتقل آل راؤنڈر سیاست شاہد آفریدی عہدوں کی پیشکش کرکٹر وی نیوز.
ذریعہ
ذریعہ: WE News
کلیدی لفظ: اسلام ا باد منتقل سیاست شاہد ا فریدی عہدوں کی پیشکش کرکٹر وی نیوز شاہد ا فریدی شاہد آفریدی انہوں نے
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا