سرد موسم میں نزلہ زکام کا مسئلہ، پُراثر کیمیکل سے پاک وکس گھر پر خود تیار کیجئے
اشاعت کی تاریخ: 17th, January 2026 GMT
سردیوں میں نزلہ، کھانسی، جسمانی درد اور بند ناک جیسے مسائل میں وِکس کو عام طور پر فوری آرام کےلیے استعمال کیا جاتا ہے۔
بازار میں بچوں اور بڑوں کے لیے مختلف اقسام کی وِکس دستیاب ہیں، مگر بہت سے افراد کیمیکل سے پاک گھریلو نسخوں کو ترجیح دیتے ہیں۔ اچھی خبر یہ ہے کہ وِکس گھر پر بھی نہایت آسانی سے تیار کی جاسکتی ہے، وہ بھی چند قدرتی اجزاء کی مدد سے۔
وکس گھر پر کیسے تیار کریں؟
گھر پر وِکس بنانے کے لیے کسی پیچیدہ سامان کی ضرورت نہیں۔ اس کے لیے ایک پیالی گھر کا خالص گھی یا کھوپرے کا تیل لیا جاتا ہے، جس میں پانچ سے چھ عدد کافور کی گولیاں شامل کی جاتی ہیں۔ اس کے علاوہ آدھا چائے کا چمچ ہلدی اور آدھا چائے کا چمچ سمندری نمک اس نسخے کو مزید مؤثر بناتا ہے۔
ترکیب کچھ یوں ہے کہ پہلے گھی یا ناریل کے تیل کو پین میں ڈال کر ہلکی آنچ پر گرم کیا جائے۔ اس میں کافور کی گولیاں شامل کریں اور اتنا پکائیں کہ وہ مکمل طور پر پگھل جائیں۔ اس کے بعد ہلدی اور سمندری نمک ڈال کر اچھی طرح مکس کریں۔ جب تمام اجزاء یکجان ہوجائیں تو چولہا بند کر دیں اور آمیزے کو ٹھنڈا ہونے دیں۔ بعد ازاں اسے کسی صاف شیشی میں محفوظ کرلیں۔ اس طرح بغیر کسی کیمیکل کے تیار ہونے والی گھریلو وِکس خاص طور پر بچوں کے لیے محفوظ سمجھی جاتی ہے۔
وکس کے حیرت انگیز فوائد
یہ گھریلو وِکس صرف نزلہ زکام تک محدود فائدہ نہیں رکھتی بلکہ اس کے استعمال کے کئی ایسے طریقے ہیں جو عام طور پر لوگوں کو معلوم نہیں۔
کان میں درد
اگر بلغم کی وجہ سے کان میں درد محسوس ہو تو روئی کے ایک چھوٹے پھائے پر ہلکی سی وِکس لگا کر کان میں رکھ کر سونے سے بلغم پگھلنے لگتا ہے اور درد میں آرام آتا ہے۔
جسم میں حرارت اور آرام
اسی طرح رات کو سونے سے پہلے پیروں اور ہاتھوں کی ہتھیلیوں میں وِکس کی مالش جسم میں حرارت پیدا کرتی ہے، پریشر پوائنٹس کو سکون دیتی ہے اور سردی کے اثرات کم کرنے میں مددگار ثابت ہوتی ہے۔
ناخن کا فنگس دور
ناخنوں میں فنگس کی شکایت ہو تو متاثرہ ناخن کو تراش کر اس پر وِکس کی ہلکی تہہ لگائیں اور موزے پہن لیں۔ اس عمل کو روزانہ دہرایا جائے تو فنگس جلد ختم ہونے لگتا ہے۔
سوجن کم کرنے میں مفید
وِکس سوجن کم کرنے میں بھی مفید سمجھی جاتی ہے کیونکہ یہ خون کی روانی بہتر بنانے میں مدد دیتی ہے۔ متاثرہ حصے پر ہلکے ہاتھ سے مساج کرنے سے درد اور سوجن میں کمی آتی ہے۔ اس کے علاوہ معمولی زخم یا کٹ لگنے کی صورت میں وِکس لگانے سے بیکٹیریا کی افزائش رکتی ہے اور زخم جلد بھرنے میں مدد ملتی ہے۔
قدرتی اجزاء سے تیار کی گئی یہ گھریلو وِکس نہ صرف سستی اور آسان ہے بلکہ روزمرہ کی کئی چھوٹی بڑی پریشانیوں میں ایک مؤثر دیسی حل بھی ثابت ہوسکتی ہے۔
.
ذریعہ
ذریعہ: Express News
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع