8ماہ میں کوئی غیر قانونی طو ر امریکا نہیں آیا‘ ٹرمپ کا دعویٰ
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل ڈیسک) امریکی صدر ڈونلڈ ٹرمپ نے کہا ہے کہ 8 ماہ کے دوران امریکا میں کوئی غیر قانونی طورپر داخل نہیں ہوا۔پام بیچ میں تقریب سے خطاب میں امریکی صدر نے کہا کہ ان کی انتظامیہ نے غیرقانونی تارکین وطن کو امریکامیں آنے سے روک دیا ہے۔ انہوں نے دعویٰ کیا کہ ایک سال پہلے معیشت بے جان تھی لیکن آج کروڑوں کی سرمایہ کاری ہورہی ہے۔ ٹرمپ نے خلیجی ممالک کے ساتھ اقتصادی تعلقات میں اضافے کا بھی اعلان کیا۔ انہوں نے کہا کہ سعودی عرب، قطر اور متحدہ عرب امارات نے امریکا میں 2 ہزار ارب ڈالر کی سرمایہ کاری کرنے کا عزم ظاہر کیا ہے، جس سے امریکی معیشت اور روزگار کے مواقع میں نمایاں بہتری متوقع ہے۔ سیاسی تجزیہ کاروں کا کہنا ہے کہ صدر ٹرمپ نے اپنے خطاب میں ملکی اور بین الاقوامی سطح پر اپنے اقدامات کی کامیابیوں کو اجاگر کیا، جبکہ ملکی سرحدی سیکورٹی، عالمی معیشت میں سرمایہ کاری اور خطے میں امن قائم رکھنے کی کوششیں ان کے خطاب کا مرکزی محور رہیں۔ ٹرمپ کے دعوے کے مطابق امریکا میں غیر قانونی تارکین وطن کی آمد میں کمی اور سرمایہ کاری کے بڑے منصوبے امریکا کی موجودہ اقتصادی اور سیاسی حکمت عملی کو مزید مستحکم کریں گے۔
ذریعہ
ذریعہ: Jasarat News
کلیدی لفظ: سرمایہ کاری
پڑھیں:
نواز شریف این او سی لے کر گلگت بلتستان گئے، راناثنا
وزیر اعظم کے مشیر برائے سیاسی امور رانا ثنا اللّٰہ نے کہا ہے کہ نواز شریف گلگت بلتستان کے الیکشن کمیشن سے این او سی لیکر وہاں گئے تھے، کوئی حکومتی وزیر گلگت بلتستان نہیں گیا نہ کسی نے وہاں مہم چلائی۔
پروگرام آج شاہ زیب خانزادہ کے ساتھ میں بات کرتے ہوئے رانا ثنا اللّٰہ نے کہا کہ پی ٹی آئی کے چیئرمین گوہر خان گلگت بلتستان میں جلسے کر رہے ہیں، میٹنگز کر رہے ہیں انہیں تو کوئی نہیں روک رہا۔
رانا ثنا نے کہا کہ اگر بیرسٹر گوہر خان اجازت لیکر جا سکتے ہیں تو سلمان اکرام راجا کو بھی ایسا ہی کرنا چاہیے۔
انہوں نے مزید کہا کہ گلگت بلتستان میں پی ٹی آئی کا کوئی اُمیدوار مقابلے میں ہے ہی نہیں، وہاں صاف، شفاف اور کریڈیبل انتخابات ہونگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ