’بدل دو نظام‘ مہم: عوام کی بڑی تعداد جماعت اسلامی میں شامل ہونے لگی
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی ضلع غربی یوسی 7 کے تحت ڈبہ موڑ پر ایک عظیم الشان “ممبر سازی کیمپ” لگایا گیا، جس میں شہریوں کی بڑی تعداد نے جوش و خروش کے ساتھ شرکت کرتے ہوئے جماعت اسلامی کی ممبر شپ اختیار کی۔ اس موقع پر امیر ضلع غربی مدثر انصاری اور ڈپٹی جنرل سیکرٹری جاوید مجاہد نے شرکا سے خطاب کیا اور ملک گیر مہم “بدل دو نظام” کے اغراض و مقاصد پر روشنی ڈالی۔ امیر ضلع غربی مدثر انصاری نے اپنے خطاب میں کہا کہ موجودہ ظالمانہ نظام نے عوام کا جینا محال کر دیا ہے۔ بجلی، گیس کے بلوں اور مہنگائی نے عام آدمی کی کمر توڑ دی ہے۔ انہوں نے کہا کہ جماعت اسلامی کی ممبر سازی مہم دراصل اس فرسودہ نظام کے خلاف ایک عوامی ریفرنڈم ہے، عوام اب ان سیاسی پنڈتوں سے اکتا چکے ہیں جنہوں نے دہائیوں سے ملک کو لوٹ کر اپنے اثاثے بیرونِ ملک بنائے۔ مدثر انصاری نے مزید کہا کہ “بدل دو نظام” مہم کا مقصد صرف چہرے بدلنا نہیں بلکہ اقتدار کی نچلی سطح پر منتقلی اور حقیقی اسلامی و فلاحی ریاست کا قیام ہے۔ڈپٹی جنرل سیکرٹری جاوید مجاہد نے اس موقع پر گفتگو کرتے ہوئے کہا کہ ڈبہ موڑ پر شہریوں کا بڑی تعداد میں رجوع کرنا ثابت کرتا ہے کہ کراچی کا مستقبل جماعت اسلامی سے وابستہ ہے۔ نوجوان، بزرگ اور ہر مکتب فکر کے لوگ ممبر شپ فارم بھر کر اس قافلے کا حصہ بن رہے ہیں جو ملک میں حقیقی تبدیلی کا علمبردار ہے۔کیمپ کے دوران بڑی تعداد میں عوام نے ممبر شپ فارم پر کیے اور اس عزم کا اظہار کیا کہ وہ گھر گھر جا کر حافظ نعیم الرحمن کا پیغام پہنچائیں گے۔ کیمپ میں موجود شہریوں کا کہنا تھا کہ جماعت اسلامی ہی وہ واحد جماعت ہے جو عوام کے دکھ سکھ میں ساتھ کھڑی ہوتی ہے اور جس کا دامن کرپشن سے پاک ہے۔اس موقع پرصدر جماعت اسلامی یوتھ ضلع غربی زبیر نواز،جنرل سیکرٹری سیف شاہ نائب صدر اسامہ شکیل ودیگر ضلعی وعلاقائی ذمے داران بھی موجود تھے۔
ذریعہ
ذریعہ: Jasarat News
کلیدی لفظ: جماعت اسلامی بڑی تعداد کہا کہ
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا