گل پلازہ میں آتشزدگی پر وزیراعلیٰ سندھ کو رپورٹ پیش
اشاعت کی تاریخ: 18th, January 2026 GMT
فائل فوٹو
وزیراعلیٰ سندھ سید مراد علی شاہ کو گل پلازہ میں آتشزدگی پر کمشنر کراچی اور ڈی سی ساؤتھ نے رپورٹ پیش کردی۔
وزیراعلیٰ کو بریفنگ میں بتایا گیا ہے کہ گل پلازا میں آگ لگنے کا واقعہ رات 9:45 سے 10:15 بجے کے درمیان پیش آیا، آگ لگنے سے 1200 سے زائد دکانیں جل گئیں۔
بریفنگ مین بتایا گیا کہ تمام زخمیوں کو سول اسپتال کراچی کے برنس وارڈ منتقل کیا گیا ہے، امدادی کارروائی میں 22 فائر بریگیڈ کی گاڑیاں، 10واٹر باؤزرز اور 4 اسنارکل گاڑیاں شامل ہیں۔
تین منزلہ عمارت میں ایک ہزار سے زائد دکانیں موجود ہیں، گراؤنڈ اور میزنائن فلور مکمل طور پر جل گئے۔
وزیراعلیٰ سندھ کو بریفنگ میں بتایا گیا کہ آگ پر 60 سے 70 فیصد قابو پا لیا گیا ہے، حادثے میں 6 افراد جاں بحق ہوئے ہیں۔
وزیراعلیٰ سندھ نے آتشزدگی میں قیمتی انسانی جانوں کے ضیاع پر گہرے دکھ کا اظہار کرتے ہوئے جاں بحق افراد کے لواحقین سے دلی ہمدردی اور تعزیت کا اظہار کیا۔
مراد علی شاہ نے آگ بجھانے کے دوران شہید ہونے والے فائر فائٹر کی قربانی کو خراجِ عقیدت پیش کیا، انہوں نے کہا کہ فائر فائٹرز نے اپنی جان خطرے میں ڈال کر شہریوں کی زندگیاں بچائیں۔
وزیراعلیٰ سندھ نے کہا کہ انتظامیہ اور پولیس آگ کے مکمل خاتمے اور صورتحال کے معمول پر آنے تک کام کرتی رہے۔
وزیراعلیٰ سندھ نے واقعے کی وجوہات جاننے کے لیے تحقیقات کا حکم دیا اور کہا کہ آئندہ ایسے واقعات سے بچاؤ کے لیے حفاظتی اقدامات مزید مؤثر بنائے جائیں۔
.
ذریعہ
ذریعہ: Jang News
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع