گوگل نے جی میل صارفین کیلئے بڑی اپ ڈیٹ متعارف کرا دی
اشاعت کی تاریخ: 18th, January 2026 GMT
کیلیفورنیا:(ویب ڈیسک) گوگل نے جی میل صارفین کے لیے ایک اہم اور تاریخی اپ ڈیٹ متعارف کرا دی۔ جس میں صارفین پہلی بار اپنا بنیادی جی میل ایڈریس تبدیل کر سکیں گے۔ یہ فیچر جی میل کی 20 سالہ تاریخ میں پہلی بار پیش کیا جا رہا ہے۔
غیر ملکی خبر رساں ایجنسی کے مطابق نئی اپ ڈیٹ کے تحت صارفین کو ہر 12 ماہ میں ایک بار اپنا بنیادی جی میل ایڈریس تبدیل کرنے کی اجازت ہو گی۔ جبکہ مجموعی طور پر صرف تین بار ایڈریس تبدیل کیا جا سکے گا۔ اس اقدام کا مقصد صارفین کو اپنی ڈیجیٹل شناخت پر زیادہ کنٹرول فراہم کرنا ہے۔
گوگل کی جانب سے یہ اپ ڈیٹ جدید اے آئی فیچرز پر مبنی ایک جامع منصوبے کا حصہ ہے۔ جس میں تصاویر، جی میل اور دیگر سروسز میں جیمنائی اے آئی کا گہرا انضمام شامل ہے۔
سائبر سیکیورٹی ماہرین کے مطابق یہ فیچر آن لائن تحفظ کو بہتر بنانے میں مددگار ثابت ہو سکتا ہے۔ نیا ای میل ایڈریس اختیار کر کے صارفین اسے اہم اکاؤنٹس کے ساتھ منسلک کر سکتے ہیں۔ جس سے غیر ضروری پیغامات، مارکیٹنگ ڈیٹا بیس اور پرانے ای میل ایڈریس سے جڑی ممکنہ ڈیٹا خلاف ورزیوں کے خطرات کم ہو سکتے ہیں۔
ماہرین کا کہنا ہے کہ پرانے ای میل ایڈریس کو کم استعمال ہونے والی سروسز تک محدود رکھا جا سکتا ہے۔ جبکہ جی میل فلٹرز کے ذریعے آنے والے پیغامات کو مؤثر انداز میں منظم کرنا بھی ممکن ہو گا۔
اگرچہ گوگل اسپام سے تحفظ کے مضبوط نظام فراہم کرتا ہے۔ تاہم ماہرین نے صارفین کو محتاط رہنے کا مشورہ دیا ہے۔ کیونکہ کوئی بھی نظام مکمل طور پر فول پروف نہیں ہوتا۔
الفابیٹ کی ملکیت والے گوگل نے تصدیق کی ہے کہ یہ فیچر بتدریج صارفین کو فراہم کیا جا رہا ہے؎۔ لہٰذا اگر کسی صارف کو فی الحال یہ سہولت دستیاب نہیں تو امکان ہے کہ مستقبل قریب میں یہ ان کے اکاؤنٹ میں بھی شامل کر دی جائے گی۔
.
ذریعہ
ذریعہ: Daily Mumtaz
پڑھیں:
10 لاکھ تک بِلا سود قرضہ کیسے حاصل کریں؟ درخواست دینے کا طریقہ جانیے
حکومت نے شہریوں کو اپنے گھروں کی مرمت، بہتری اور توسیع کے لیے مالی معاونت فراہم کرنے کے مقصد سے "اپنی چھت، محفوظ چھت" پروگرام 2026 شروع کر دیا ہے، جس کے تحت اہل افراد کو 5 سے 10 لاکھ روپے تک بلاسود قرضے فراہم کیے جائیں گے۔حکومتی منصوبے کے تحت قرضوں کی فراہمی دو مختلف کیٹیگریز میں کی جائے گی۔ پہلی کیٹیگری میں وہ شہری شامل ہوں گے جو اپنے موجودہ گھروں کی چھتوں کی مرمت یا بنیادی ڈھانچے کو مضبوط بنانا چاہتے ہیں۔ انہیں 5 لاکھ روپے تک بلاسود قرض دیا جائے گا، جس کی واپسی 9 سال کے عرصے میں ماہانہ تقریباً 4 ہزار 700 روپے کی اقساط کی صورت میں کرنا ہوگی۔ دوسری کیٹیگری ان افراد کے لیے ہے جو اپنے گھروں کی توسیع، مثلاً دوسری منزل کی تعمیر، کرنا چاہتے ہیں۔ اس مقصد کے لیے 10 لاکھ روپے تک بلاسود قرض فراہم کیا جائے گا، جس کی واپسی بھی 9 سال میں ماہانہ تقریباً 9 ہزار 300 روپے کی اقساط کے ذریعے کی جائے گی۔ آن لائن درخواست دینے کا طریقہ خواہش مند شہری "اپنی چھت، محفوظ چھت" لون اسکیم کے لیے آن لائن درخواست پنجاب حکومت کے متعلقہ پورٹل acag.punjab.gov.pk کے ذریعے جمع کرا سکتے ہیں۔ درخواست گزاروں کو رجسٹریشن کے لیے اپنی ضروری دستاویزات فراہم کرنا ہوں گی۔ وہ شہری جو آن لائن درخواست دینے کی سہولت استعمال نہیں کر سکتے، وہ اپنی درخواستیں ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع