ٹی20 ورلڈ کپ 2026، آئی سی سی پاکستانی نژاد کھلاڑیوں اور آفیشلز کے ویزا کلیئرنس کے لیے متحرک
اشاعت کی تاریخ: 18th, January 2026 GMT
انٹرنیشنل کرکٹ کونسل (آئی سی سی) نے ورلڈ کپ 2026 کے پیشِ نظر بھارت میں ہونے والے ٹی20 ورلڈ کپ کے لیے پاکستان نژاد کھلاڑیوں اور آفیشلز کے ویزا کلیئرنس کے معاملے کو حل کرنے کی کوشش کررہی ہے۔
یہ بھی پڑھیں: انڈیا کا ٹی20 ورلڈکپ کے لیے پاکستانی نژاد غیرملکی کھلاڑیوں کو ویزا دینے سے انکار
جے شاہ کی قیادت میں آئی سی سی اس بات کو یقینی بنانے کے لیے سرگرم عمل ہے کہ پاکستانی نژاد کھلاڑی اور افسران کو بروقت بھارتی ویزے مل جائیں، کیونکہ یہ ٹورنامنٹ فروری سے مارچ تک بھارت اور سری لنکا میں مشترکہ طور پر منعقد ہوگا۔
میڈیا رپورٹ کے مطابق آئی سی سی مختلف بین الاقوامی اسکواڈز میں شامل تقریباً 42 ایسے کھلاڑیوں اور افسران کے ویزا عمل کو مربوط کر رہا ہے جو پاکستانی شہریت یا پاکستانی نسل سے تعلق رکھتے ہیں۔
کئی فل ممبر اور ایسوسی ایٹ ممالک کی ٹیموں میں پاکستانی نژاد کھلاڑی شامل ہیں، مثال کے طور پر انگلینڈ کی ٹیم میں اسپنرز عادل رشید اور ریحان احمد کے ساتھ فاسٹ بولر ثاقب محمود شامل ہیں، جبکہ امریکا کی ٹیم میں علی خان اور شایان جہانگیر شامل ہیں۔
یہ بھی پڑھیں: ٹی20 ورلڈ کپ، آئی سی سی کا وفد بنگلہ دیش کو بھارت میں کھیلنے پر قائل نہ کر سکا
نیدرلینڈز کے اسکواڈ میں ذوالفقار ثاقب جبکہ کینیڈا کی ٹیم میں اسٹاف ممبر شاہ سلیم ظفر شامل ہیں۔ انگلینڈ اور نیدرلینڈز کے کھلاڑیوں اور بعض آفیشلز کے ویزے پہلے ہی کلیئر ہوچکے ہیں۔
آئی سی سی ویزا درخواستوں کو بروقت اور فعال انداز میں سنبھال رہا ہے تاکہ آخری لمحات میں کسی بھی قسم کی پیچیدگی پیدا نہ ہو۔ اس مقصد کے لیے مختلف ممالک میں بھارتی ہائی کمیشنز کے ساتھ مسلسل رابطہ برقرار رکھا جارہا ہے، تاکہ باقی کھلاڑیوں اور معاون عملے کی درخواستیں بھی بغیر کسی غیر ضروری تاخیر کے مکمل ہوں۔
یہ اقدام اس وقت سامنے آیا جب کچھ امریکی کرکٹرز جن میں علی خان، شایان جہانگیر، محمد محسن اور احسان عادل ویزا کلیئرنس کے منتظر ہیں، جس پر سوشل میڈیا پر تشویش کا اظہار کیا گیا تھا۔
یہ بھی پڑھیں: کرکٹ میں بھارت کا سیاسی طرز عمل، قومی کرکٹرز نے آئی سی سی کی خاموشی پر سوالات اٹھا دیے
اگرچہ پاکستان کرکٹ ٹیم پی سی بی کی بھارت سفر سے انکار کے باعث اپنے تمام میچ سری لنکا میں کھیلے گی، تاہم آئی سی سی کی مداخلت دیگر ٹیموں کے پاکستانی نژاد کھلاڑیوں کی شرکت کو ممکن بنانے کی کوششوں کی عکاس ہے، تاکہ اس بڑے ایونٹ سے قبل کسی بھی سفارتی یا لاجسٹک مسئلے سے بچا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی امریکا انگلینڈ بھارت ٹی 20ورلڈ کپ ریحان احمد عادل رشید مداخلت ویزے یو اے ای.
ذریعہ
ذریعہ: WE News
کلیدی لفظ: امریکا انگلینڈ بھارت ٹی 20ورلڈ کپ مداخلت ویزے یو اے ای پاکستانی نژاد کھلاڑیوں اور شامل ہیں ٹی20 ورلڈ ورلڈ کپ کی ٹیم کے لیے
پڑھیں:
پاکستان اور اٹلی کے درمیان سفارتی پاسپورٹ ہولڈرز کے لیے ویزا فری سفر کا نیا معاہدہ
پاکستان اور اٹلی نے باہمی تعلقات کو مزید مضبوط بناتے ہوئے سفارتی پاسپورٹ رکھنے والوں کے لیے ویزا کی شرط ختم کرنے کے ایک تاریخی معاہدے پر دستخط کر دیے ہیں۔ اس معاہدے کو دونوں ممالک کے سفارتی تعلقات میں ایک انتہائی اہم موڑ قرار دیا جا رہا ہے۔
معاہدے پر دستخط کی تقریب اور اہم ملاقاتاٹلی کے دارلحکومت روم میں منعقدہ ایک پروقار تقریب کے دوران اٹلی میں تعینات پاکستانی سفیر علی جاوید اور اٹلی کی وزارتِ خارجہ کے سیکریٹری جنرل ریکارڈو گوارگلیا نے اس اہم معاہدے پر دستخط کیے۔
یہ بھی پڑھیں:پاکستان اٹلی سے دفاعی تعاون کے فروغ اور باہمی تجربے سے مستفید ہونا چاہتا ہے، وزیردفاع
دستخطی تقریب سے قبل دونوں اعلیٰ حکام کے درمیان ایک تفصیلی دو طرفہ ملاقات بھی ہوئی، جس میں باہمی دلچسپی کے امور، علاقائی صورتحال اور بین الاقوامی فورمز، خصوصاً اقوام متحدہ اور یورپی یونین میں تعاون کا تفصیلی جائزہ لیا گیا۔
باہمی اعتماد اور سفارتی وفود کا تبادلہسرکاری بیان کے مطابق دونوں فریقین نے وسعت اور مثبت سمت پر گامزن پاک، اٹلی تعلقات پراطمینان کا اظہار کیا۔ حکام کا کہنا ہے کہ یہ نیا معاہدہ دونوں ممالک کے درمیان موجود گہرے باہمی اعتماد، لازوال دوستی اور قریبی تعاون کی واضح علامت ہے۔ اس اقدام سے سرکاری اور سفارتی وفود کے تبادلوں میں حائل رکاوٹیں دور ہوں گی اور عوامی و حکومتی سطح پر روابط کو مزید فروغ ملے گا۔
پاک، اٹلی تعلقات کا تاریخی فریم ورکپاکستان اور اٹلی کے درمیان طویل عرصے سے مختلف شعبوں میں قریبی تعاون جاری ہے۔ اس وقت دونوں ممالک کے مابین 15 سرکاری معاہدے نافذ العمل ہیں، جو سیاحت، ثقافت، سائنس و ٹیکنالوجی، کھیل، اعلیٰ دفاعی تعلیم اور انسدادِ منشیات جیسے شعبوں کا احاطہ کرتے ہیں۔ اس کے علاوہ، دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (ایم او یوز) بھی فعال ہیں۔
مزید پڑھیں:پاکستانی طالب علم اٹلی میں مفت اسکالرشپ اور لاکھوں روپے کیسے حاصل کرسکتے ہیں؟
دو طرفہ تعلقات کے اہم فریم ورک میں 2009 کا دفاعی تعاون معاہدہ، 2013 میں قائم کیا گیا اسٹریٹجک انگیجمنٹ پلان اور 2005 میں تشکیل دی گئی مشترکہ اقتصادی کمیشن شامل ہیں۔
اس سے قبل 1997 کا سرمایہ کاری تحفظ معاہدہ، 1983 کا دوہری شہریت کا معاہدہ اور 1972 کا حوالگیِ مجرمان معاہدہ بھی دونوں ممالک کے تعلقات میں اہم سنگِ میل سمجھے جاتے ہیں۔
پاکستانیوں کے لیے ’لیبر مائیگریشن‘ معاہدہ اور ملازمتیںرپورٹ کے مطابق 7 مئی 2025 کو اسلام آباد میں دونوں ممالک کے درمیان ’لیبر موبیلٹی اینڈ مائیگریشن‘ کی ایک اہم ترین یادداشت پر دستخط کیے گئے تھے۔ یہ کسی بھی یورپی ملک کے ساتھ پاکستان کا پہلا باضابطہ لیبر معاہدہ تھا، جس کے تحت پاکستانی ہنر مندوں کے لیے اٹلی میں 10,500 مخصوص ملازمتوں کے مواقع فراہم کیے گئے ہیں، جو پاکستانی افرادی قوت کے لیے ایک بڑی کامیابی ہے۔
سال 2026 کے اختتام پر اہم مذاکرات کی تیاریملاقات کے دوران سفیر علی جاوید نے سیکریٹری جنرل ریکارڈو گوارگلیا کو پاکستان کے دورے کی دعوت دی تاکہ دونوں ممالک کے درمیان ’دو طرفہ سیاسی مشاورت‘ کے ساتویں دور کا انعقاد کیا جا سکے۔ انہوں نے بتایا کہ پاکستان سال 2026 کی آخری سہ ماہی میں ان مذاکرات کی میزبانی کے لیے مکمل طور پر تیار ہے۔
اس کے ساتھ ہی انہوں نے اسلام آباد میں اٹلی کے نئے تعمیر شدہ سفارت خانے کے جلد افتتاح کی خواہش کا بھی اظہار کیا، جو کہ دنیا بھر میں اٹلی کا سب سے بڑا سفارتی مشن ہوگا۔ یہ تمام اقدامات مستقبل میں دونوں ممالک کو معاشی، سفارتی اور عوامی سطح پر ایک دوسرے کے مزید قریب لے آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی اہم مذاکرات پاسپورٹ پاکستان علی جاوید لیبر مائیگریشن معاہدہ ملازمین
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ