گل پلازہ آتشزدگی، 26 جاں بحق، 81 افراد لاپتا، لاشوں کی شناخت کے لیے ڈی این اے معائنے جاری
اشاعت کی تاریخ: 20th, January 2026 GMT
کراچی کے مصروف تجارتی علاقے ایم اے جناح روڈ پر واقع گل پلازہ میں 17 جنوری کی شب لگنے والی خوفناک آگ نے شہر کو ہلا کر رکھ دیا۔
چیف فائر آفیسر کے مطابق آگ پر 34 گھنٹوں کی مسلسل جدوجہد کے بعد قابو پا لیا گیا، تاہم عمارت اب بھی ساختی طور پر کمزور اور غیر محفوظ قرار دی گئی ہے۔
یہ بھی پڑھیے: اندھیرا، دھواں اور بند دروازے، سانحہ گل پلازہ کیسے پیش آیا؟ ہوشربا انکشافات
ریسکیو ادارے، پاک فوج، رینجرز اور سول انتظامیہ کی مدد سے لاپتہ افراد کی تلاش کا عمل انتہائی احتیاط کے ساتھ جاری ہے۔ حکام کے مطابق اب تک 26 لاشیں نکالی جا چکی ہیں جبکہ ڈی سی آفس میں قائم ہیلپ ڈیسک کے مطابق 81 افراد لاپتا ہیں۔ شناخت کے لیے ڈی این اے سیمپلز لینے کا عمل شروع ہو چکا ہے۔
حادثے کے بعد آگ بجھاتے ہوئے عمارت گرنے سے فائر فائٹر فرقان علی جان کی بازی ہار گئے تھے۔ میئر کراچی مرتضیٰ وہاب نے ناظم آباد فائر اسٹیشن کو شہید فرقان کے نام سے منسوب کرنے، بیوہ کو ملازمت اور بچوں کی تعلیم کے اخراجات اٹھانے کا اعلان کیا ہے۔
عینی شاہدین اور متاثرہ افراد نے انکشاف کیا کہ عمارت کے 26 میں سے 24 دروازے رات 10 بجے کے بعد بند تھے، جس سے عمارت موت کا جال بن گئی۔ ایمرجنسی اخراج کے راستے بھی موجود نہیں تھے۔
یہ بھی پڑھیے: گل پلازہ میں ہولناک آتشزدگی، قرآن پاک کے نسخے مکمل طور پر محفوظ رہے
ایس بی سی اے کے مطابق گل پلازہ میں غیر قانونی تعمیرات، زائد دکانیں اور گزرگاہوں پر قبضے تھے، جس نے ریسکیو کام کو شدید متاثر کیا۔
وزیراعلیٰ سندھ سید مراد علی شاہ نے جاں بحق افراد کے لواحقین کے لیے 1 کروڑ روپے فی خاندان معاوضے کا اعلان کیا ہے، جبکہ تحقیقات اور امدادی کارروائیاں جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
gul plaza karachi fire فائر فائٹر کراچی گل پلازہ.
ذریعہ
ذریعہ: WE News
کلیدی لفظ: فائر فائٹر کراچی گل پلازہ گل پلازہ کے مطابق کے لیے
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ