بھارت: میلے میں خوفناک حادثہ، جھولا ٹوٹنے سے 14 طلبا زخمی
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
بھارت: ریاست مدھیہ پردیش کے ضلع جھابوا میں منعقد ہونے والے ایک مقامی میلے کی خوشیاں اس وقت ماتم میں بدل گئیں جب تفریح کے لیے نصب ایک بڑا جھولا اچانک ٹوٹ کر زمین بوس ہو گیا، جس کے نتیجے میں سرکاری اسکول کے 14 طلبا زخمی ہو گئے۔
بین الاقوامی میڈیا رپورٹس کے مطابق یہ افسوسناک واقعہ پیر کے روز جھابوا میں منعقد ہونے والے ’’مہاراج نو میلو‘‘ کے دوران پیش آیا، جہاں نصب کیا گیا ’’ڈریگن سوئنگ‘‘ نامی جھولا دورانِ آپریشن اچانک اپنا توازن برقرار نہ رکھ سکا اور سوار بچوں سمیت نیچے آ گرا۔ حادثے میں زخمی ہونے والوں میں 13 طالبات اور ایک طالب علم شامل ہیں، جن کا تعلق گورنمنٹ اسکول آف ایکسیلینس سے بتایا گیا ہے۔
غیر ملکی خبر ایجنسی کے مطابق واقعے کے فوراً بعد میلے میں موجود افراد اور انتظامیہ نے امدادی کارروائیاں شروع کیں اور زخمی بچوں کو فوری طور پر جھابوا ڈسٹرکٹ اسپتال منتقل کیا گیا۔
اسپتال میں ابتدائی طبی معائنے کے بعد ضلعی انتظامیہ نے بتایا کہ زیادہ تر طلبا کو معمولی چوٹیں آئی ہیں، تاہم دو طالبات کی حالت تشویشناک قرار دی گئی ہے، جن پر ڈاکٹروں کی خصوصی نگرانی جاری ہے، ضرورت پڑنے پر انہیں آئی سی یو منتقل کیا جا سکتا ہے۔
ضلع کلکٹر نیہا مینا نے اسپتال کا دورہ کیا اور زخمی بچوں سے ملاقات کے بعد میڈیا کو بتایا کہ واقعے کی مکمل تحقیقات کے لیے ایک انتظامی ٹیم کو جائے وقوعہ پر بھیج دیا گیا ہے۔
ان کا کہنا تھا کہ اگر جھولے کے آپریشن یا حفاظتی انتظامات میں کسی قسم کی غفلت ثابت ہوئی تو ذمہ داروں کے خلاف سخت قانونی کارروائی عمل میں لائی جائے گی۔
عینی شاہدین کے مطابق جھولا تیزی سے حرکت میں تھا کہ اچانک اس کا توازن بگڑ گیا اور وہ بچوں سمیت زمین پر آ گرا۔ میلے میں موجود لوگوں نے فوری طور پر زخمی بچوں کو جھولے سے نکالا اور ایمبولینس کی آمد تک ابتدائی امداد فراہم کی۔
ذریعہ
ذریعہ: Jasarat News
پڑھیں:
بلوچستان میں بارشوں سے دو ماہ میں آٹھ افراد جاں بحق ، 17 گھر مکمل تباہ
کوئٹہ:پی ڈی ایم اے نے بلوچستان میں مون سون کے دوران جانی و مالی نقصانات کی رپورٹ جاری کردی، دوماہ کے دوران بارشوں کے باعث چار بچوں سمیت آٹھ افراد جاں بحق ہوگئے۔
رپورٹ کے مطابق کوہلو میں آسمانی بجلی اور دیوار گرنے سے مرد اور خاتون جان کی بازی ہارگئے، خضدار میں آسمانی بجلی اور چھت گرنے سے بچے سمیت دو افراد جاں بحق ہوئے۔
رپورٹ کے مطابق ژوب میں آسمانی بجلی اور چھتیں گرنے سے تین بچوں سمیت چار افراد لقمہ اجل بن گئے، چھتیں گرنے سے 13 بچوں اور دو خواتین سمیت 16افراد زخمی ہوئے۔
پی ڈی ایم اے کی رپورٹ میں مزید کہا گیا ہے کہ بارشوں اور سیلابی ریلوں کے باعث 41 گھروں کو نقصان پہنچا ان میں خضدار، ژوب، ہرنائی اور بارکھان میں 17گھر مکمل تباہ ہوگئے ہوگئے جب کہ 24 کو جزوی نقصان پہنچا۔
بھارت سے جنگ اور افغانستان میں کارروائی خارج ازامکان نہیں، وزیردفاع