ہر ترقیاتی منصوبے میں بیوٹیفکیشن پلان لازمی ہونا چاہیے، مریم نواز نے اہم ہدایات جاری کردیں
اشاعت کی تاریخ: 20th, January 2026 GMT
وزیراعلیٰ پنجاب مریم نواز کی زیر صدارت اجلاس میں پنجاب اور لاہور ڈیولپمنٹ پلان کی پیشرفت کا جائزہ لیا گیا، جس دوران انہوں نے پنجاب کے تمام شہروں کے داخلی و خارجی راستوں کو سٹی گیٹ ویز میں تبدیل کرنے اور پورے صوبے کا فرسٹ امپریشن بہتر بنانے کا فیصلہ کیا۔
اجلاس میں وزیراعلیٰ نے ہر ترقیاتی پراجیکٹ کی جیو ٹیگنگ اور شہروں کی سجاوٹ کی براہ راست مانیٹرنگ کرنے کا حکم دیا، اور کہاکہ ہر منصوبے میں بیوٹی فکیشن پلان لازمی ہونا چاہیے۔
مزید پڑھیں: مریم نواز کا بڑا اعلان، پنجاب کے 59 شہروں میں ترقیاتی منصوبے شروع
انہوں نے اوور ہیڈ برجز کے نیچے منی پارکس اور پلے ایریاز بنانے، سیوریج اور ڈرینج منصوبوں کی کھدائی کے بعد سڑکوں کی تعمیر و بحالی یقینی بنانے کی ہدایات بھی جاری کیں تاکہ پنجاب کے عوام دھول اور مٹی سے محفوظ رہ سکیں۔
وزیراعلیٰ نے ڈپٹی کمشنرز کو ہدایت کی کہ وہ شہروں میں کھلے مین ہول ڈھانپیں اور ہر ڈویلپمنٹ پراجیکٹ کی جیو ٹیگنگ کریں۔
اجلاس میں بتایا گیا کہ ڈیولپمنٹ پلان کے پہلے فیز کے منصوبے کامیابی سے مکمل ہو چکے ہیں اور دوسرے فیز پر کام جاری ہے۔ ہر ڈی سی آفس میں کنٹرول روم اور مینجمنٹ سیل قائم کرنے کی ہدایات بھی دی گئی ہیں تاکہ منصوبوں کی شفاف مانیٹرنگ ممکن ہو سکے۔ پہلے فیز کے منصوبوں میں 28 کروڑ روپے کے فنڈز کی بچت ہوئی۔
حکام کے مطابق پنجاب ڈیولپمنٹ پراجیکٹ کے تحت سات شہروں میں 23 ارب 40 کروڑ روپے کے ترقیاتی منصوبے جاری ہیں۔ سرگودھا، ڈی جی خان، گجرات اور جھنگ میں سیوریج، ڈسپوزل، ڈرینج اور واٹر اسٹوریج ٹینک تعمیر کیے جائیں گے۔
’جہلم، حافظ آباد اور اوکاڑہ میں ٹرنک سیوریج، نئے ڈسپوزل اور بارش کے پانی کے نکاس کے لیے ڈرینج سسٹم بنایا جائے گا۔ منصوبوں کے لیے 526 مشینری یونٹ فراہم کیے جائیں گے اور فیز دو میں 8 شہروں میں سیوریج، ڈرینج، واٹر ٹینک اور دیگر ترقیاتی کام مکمل کیے جائیں گے۔‘
وزیراعلیٰ مریم نواز نے کہاکہ کھودے گئے گڑھوں کو حفاظتی تار سے ڈھانپنا ضروری ہے اور ہر روڈ پر مین ہول کا لیول اتنا ہموار ہونا چاہیے کہ عوام کو نقصان نہ پہنچے۔
انہوں نے کہاکہ پنجاب بھر میں ترقیاتی منصوبوں کا معیار یکساں ہونا چاہیے اور فٹ پاتھ و سڑکوں کے اطراف یکساں ڈیزائن اور کلر کی ٹائلیں لگائی جائیں۔
وزیراعلیٰ نے ہر شہر میں گرین بیلٹ اور گرین اسپیس بنانے، ایک ہی یوٹیلیٹی کوریڈور بنانے، بجلی کے پولز اور وائرنگ منظم انداز میں لگانے، اور تحصیلوں میں بھی سٹریٹ لائٹس نصب کرنے کی ہدایات دی ہیں۔
انہوں نے کہا کہ اوپن ایئر جم، واکنگ ٹریک، چھوٹے فوڈ کورٹ اور تفریحی مقامات بنائے جائیں اور نجی و سرکاری عمارتوں کے فائر سیفٹی سسٹمز کا آڈٹ بھی کیا جائے۔
مزید پڑھیں: پہلی مرتبہ پنجاب میں ترقیاتی منصوبوں کا محور صرف لاہور یا بڑے شہر نہیں، وزیر اعلیٰ مریم نواز شریف
انہوں نے مزید کہاکہ پی ڈی پی کے تحت نئے مین ہولز لگائے جا رہے ہیں اور کھلے مین ہولز بند کیے جائیں گے، سڑک کھودنے کے بغیر منصوبوں کو مکمل کیا جائے گا، انہوں نے ہدایت کی کہ ہر منصوبے میں بیوٹی فکیشن پلان لازمی ہونا چاہیے۔
’پنجاب کے ہر شہر میں اسٹریٹ لائٹس کی تنصیب اور مین ہولز کو کور کرنا یقینی بنایا جائے گا تاکہ عوام کی سہولت اور ماحول کی بہتری ممکن ہو سکے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بیوٹیفکیشن پلان مریم نواز ہدایات جاری وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: بیوٹیفکیشن پلان مریم نواز ہدایات جاری وی نیوز کیے جائیں گے ہونا چاہیے مریم نواز انہوں نے پنجاب کے
پڑھیں:
ملک کے مختلف علاقوں میں بارشوں کا سلسلہ جاری، پنجاب، خیبرپختونخوا اور کشمیر میں مزید بارش کی پیشگوئی
ملک بھر میں مون سون کا سلسلہ برقرار ہے، جبکہ محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔
محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے۔ اس کے باعث بالائی اور وسطی علاقوں میں بارشوں کا امکان برقرار رہے گا۔
پیش گوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے۔ خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔
Hours of torrential rain have triggered severe flooding in Lahore, submerging thousands of homes and affecting millions in Pakistan’s second-largest city. The extreme monsoon weather has caused widespread damage, according to emergency services. Residents say it is the worst… pic.twitter.com/IYCbDSEg9Y
— Al Arabiya English (@AlArabiya_Eng) July 22, 2026
آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے۔ سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔
محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔
یہ بھی پڑھیں:خیبر میں سیلابی ریلوں سے 6 افراد جاں بحق، ریسکیو 1122 کا بڑا آپریشن مکمل
ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے بارش پاکستان سیلاب محکمہ موسمیات
بھارت سے جنگ اور افغانستان میں کارروائی خارج ازامکان نہیں، وزیردفاع