کوئٹہ، علماء، مشائخ و عمائدین کانفرنس کے تصویری مناظر

اشاعت کی تاریخ: 20th, January 2026 GMT

کانفرنس کرتے ہوئے مقررین نے کہا کہ امریکہ اور اسرائیل اس وقت ایران کو بہانہ بنا کر مشرقی ممالک میں انتشار پیدا کرنا چاہتے ہیں۔ امت مسلمہ کو دشمنوں کی سازش سمجھ کر اتحاد و اتفاق کا مظاہرہ کرنا ہوگا۔ چھوٹی تصاویر تصاویر کی فہرست سلائیڈ شو

ادارہ اسلامی کیجانب سے علماء، مشائخ و عمائدین کانفرنس منعقد

اسلام ٹائمز۔ بلوچستان کے علماء، مشائخ اور عمائدین نے پاکستان کے ہمسایہ ملک اسلامی جمہوریہ ایران کے داخلی امور میں امریکہ اور اسرائیل کی مداخلت کے خلاف شدید مذمت کی ہے۔ ادارہ امور اسلامی کی جانب سے گزشتہ روز بلوچستان کے صوبائی دارالحکومت کوئٹہ میں علماء، مشائخ اور عمائدین کانفرنس کا انعقاد کیا گیا۔ جس میں مختلف مسالک سے تعلق رکھنے والے علماء کرام اور سیاسی و سماجی رہنماؤں نے شرکت کی۔ کانفرنس میں ادارہ اسلامی کے صدر علامہ محمد جمعہ اسدی، مجلس علماء مکتب اہلبیت کے رہنماء علامہ سید ہاشم موسوی، سابق گورنر بلوچستان ملک عبدالولی کاکڑ، مجلس وحدت مسلمین کے شیخ ولایت حسین جعفری، جمعیت علماء اسلام نظریاتی کے مولانا عبدالقادر لونی اور جماعت اسلامی کے قاری عطاء الرحمان سمیت دیگر علماء کرام و عمائدین نے شرکت کیں۔ کانفرنس کرتے ہوئے مقررین نے کہا کہ امریکہ اور اسرائیل اس وقت ایران کو بہانہ بنا کر مشرقی ممالک میں انتشار پیدا کرنا چاہتے ہیں۔ امت مسلمہ کو دشمنوں کی سازش سمجھ کر اتحاد و اتفاق کا مظاہرہ کرنا ہوگا۔ اس تقریب میں علماء و عمائدین نے امت مسلمہ کی اتحاد اور یکجہتی پر زور دیتے ہوئے امریکا و اسرائیل کے جمہوری اسلامی ایران کے خلاف مذموم عزائم کی شدید مذمت کی اور کہا گیا کے امریکا اور اسرائیل کیلئے ایران بہانہ اور پاکستان نشانہ ہے۔ اس لیے امت مسلمہ کو متحد ہوکر امریکا اور اسرائیل کے مقابلے میں قیام کرنا چاہئے۔.

ذریعہ

ذریعہ: Islam Times

کلیدی لفظ: مشائخ و عمائدین کانفرنس منعقد ادارہ اسلامی کیجانب سے علماء اور اسرائیل

پڑھیں:

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔

کوئٹہ، علماء، مشائخ و عمائدین کانفرنس کے تصویری مناظر

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر