جاپان نے ’بیرل رول‘ صلاحیت سے لیس نیا اینٹی شپ میزائل متعارف کرا دیا
اشاعت کی تاریخ: 20th, January 2026 GMT
علاقائی کشیدگی اور بدلتی ہوئی جیو اسٹریٹجک صورتحال کے تناظر میں جاپان نے ایک نیا جدید اینٹی شپ میزائل متعارف کرا دیا ہے جو دشمن کے دفاعی نظام کو چکمہ دینے کے لیے ’بیرل رول‘ جیسی منفرد صلاحیت رکھتا ہے۔
یہ بھی پڑھیں: جاپان نے پاکستانی اساتذہ کے لیے ٹریننگ اسکالرشپ پروگرام کا اعلان کر دیا
جاپانی حکام کے مطابق اس نئے طویل فاصلے تک مار کرنے والے اینٹی شپ کروز میزائل کا حال ہی میں تجربہ کیا گیا ہے جسے ’آئی لینڈ ڈیفنس میزائل‘ یا ’نیو ایس ایس ایم‘ کا نام دیا گیا ہے۔
جاری کی گئی ویڈیو میں میزائل کو فضا میں متعدد بیرل رولز کرتے دیکھا جا سکتا ہے جو اسے دشمن کے دفاعی نظام اور قریبی گن سسٹمز سے بچ نکلنے میں مدد دیتے ہیں۔
نیو ایس ایس ایم پر کام سنہ 2023 سے جاری ہے اور چین کے ساتھ تائیوان سے متعلق حالیہ کشیدگی کے باعث اس میزائل کی آزمائش کو نہایت اہم قرار دیا جا رہا ہے۔ یہ میزائل جدید کروز میزائلوں کے ایک ماڈیولر خاندان کی پہلی کڑی ہوگا۔
نیو ایس ایس ایم کی نمایاں خصوصیاتموجودہ ڈیزائن کے مطابق نیو ایس ایس ایم میں ایک XKJ301-1 ٹربوفین انجن نصب ہے جو KHI کے KJ300 ڈیزائن پر مبنی ہے۔
مزید پڑھیے: غیر معمولی ذہین اور پینٹنگ کی شوقین جاپانی چمپینزی 49 برس کی عمر میں چل بسی
میزائل کو آخری مرحلے میں اسپائرل اور بیرل رول حرکات انجام دینے کی صلاحیت دی گئی ہے، جس کا مقصد قریبی دفاعی ہتھیاروں سے بچاؤ ہے۔
اگرچہ اس کی حتمی رینج کا باضابطہ اعلان نہیں کیا گیا لیکن حکام کے مطابق اس کی مار موجودہ ٹائپ 12 اینٹی شپ میزائل سے زیادہ ہوگی جس کا اپ گریڈڈ ورژن 560 سے 620 میل تک ہدف کو نشانہ بنا سکتا ہے۔
یہ طویل فاصلے تک مار کرنے والا میزائل زمین، بحری جہاز اور طیاروں سے لانچ کیا جا سکے گا، جن میں ایف-2 لڑاکا طیارے اور پی-1 میری ٹائم پٹرول طیارہ شامل ہیں۔
نیو ایس ایس ایم میں اسٹیلتھ خصوصیات بھی شامل کی گئی ہیں، جن میں زاویہ دار کنارے، دانت دار پینلز، چین لائن اور ’ایس‘ شکل کا ڈیزائن شامل ہے جو جدید اسٹیلتھ میزائلوں کی پہچان سمجھا جاتا ہے۔
جاپانی حکام کے مطابق میزائل کے فلائٹ ٹیسٹس جاری ہیں جبکہ اس کی بڑے پیمانے پر پیداوارسنہ 2027 میں شروع ہونے کی توقع ہے۔
مزید پڑھیں: جاپان کے ایٹمی پروگرام کے افسر کا حساس معلومات پر مبنی اسمارٹ فون چین میں گم ہوگیا
یہ میزائل جاپان کی دفاعی صلاحیتوں میں ایک اہم اضافہ تصور کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جاپان جاپان کا ینٹی شپ میزائل ینٹی شپ میزائل.
ذریعہ
ذریعہ: WE News
کلیدی لفظ: جاپان جاپان کا ینٹی شپ میزائل ینٹی شپ میزائل نیو ایس ایس ایم اینٹی شپ کے مطابق
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم