حافظ نعیم الرحمن کا یکم فروری کوکراچی میں ملین مارچ کا اعلان
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور(نمائندہ جسارت)امیر جماعت اسلامی پاکستان حافظ نعیم الرحمن نے گل پلازہ آتشزدگی واقعے کو سندھ اور کراچی کی بلدیاتی حکومت کی مکمل ناکامی قرار دیتے ہوئے یکم فروری کو کراچی کے مسائل پر اور صوبے پر مسلط حکمرانوں کے خلاف ملین مارچ کا اعلان کیا ہے۔منصورہ میں پریس کانفرنس سے خطاب کرتے ہوئے انہوں نے بتایا کہ پنجاب حکومت 15 فروری تک جمہوریت دشمن بلدیاتی قانون واپس لے بصورت دیگر صوبائی اسمبلی کا گھیراؤ کیا جائے گا۔ پنجاب کے بلدیاتی قانون پر ہونے والے عوام ریفرنڈم کے تاحال 15 لاکھ نتائج مرتب ہوئے ہیں جن کے مطابق99 اعشاریہ7 فیصد لوگوں نے کالے قانون کو مسترد کیا، صوبہ بھر میں نتائج کو مرتب کرنے کا سلسلہ جاری ہے، شدید سردی کے باوجود بڑی تعداد نے رائے کا اظہار کیا گیا ہے، جماعت اسلامی نے زیادہ سے زیادہ لوگوں تک پہنچنے کی کوشش کی ہے ، ضلعی تنظیموں کی جانب سے عوامی ریفرنڈم کی مدت میں توسیع کی بھی اپیل کی جارہی ہے۔ 15 فروری تک بااختیار بلدیاتی نظام کے حق میں آگاہی کا سلسلہ جاری رہے گا۔ اس موقع پر نائب امیر جماعت اسلامی پاکستان لیاقت بلوچ ، امیر جماعت اسلامی پنجاب وسطی جاوید قصوری ، امیر پنجاب شمالی ڈاکٹر طارق سلیم، سیکرٹری جنرل پنجاب جنوبی ثنا اللہ سرانی، سیکرٹری جنرل پنجاب وسطی ڈاکٹر بابر رشید اور سیکرٹری جنرل لاہور اظہر بلال بھی موجود تھے۔حافظ نعیم الرحمن نے گل پلازہ آتشزدگی واقعے پر گہرے دکھ کا اظہار کرتے ہوئے جاں بحق افراد کی مغفرت کے لیے دعا کی اور لواحقین سے اظہار ہمدردی کیا۔ انہوں نے واقعے کو سندھ اور کراچی کی بلدیاتی حکومت کی مکمل ناکامی قرار دیا اور یکم فروری کو کراچی کے مسائل پر اور صوبے پر مسلط حکمرانوں کے خلاف ملین مارچ کا اعلان کیا۔ امیر جماعت اسلامی نے کہا کہ ن لیگ اور پیپلز پارٹی بڑی سیاسی پارٹیاں ہونے کی دعویدار ہیں تاہم یہ پارٹیاں 2 خاندانوں اور چند چودھریوں اور وڈیروں پر مشتمل ہیں، دونوں قومی انتخابات میں بری طرح شکست سے دوچار ہوئیں مگر انہیں زبردستی مسلط کردیا گیا۔ دونوں جمہوریت دشمنی کررہی ہیں ، حکمران پارٹیوں نے عدلیہ ، زراعت ، تعلیم، صحت سمیت تمام شعبوں کو برباد کردیا ہے، کسان سے گندم 2 ہزارروپے فی من کی قیمت پر خریدی گئی اب آٹا 6 ہزارروپے فی من پر فروخت ہورہا ہے، 4ہزارروپے مافیا کھا رہا ہے جو حکومتوں میں شامل ہے۔ حافظ نعیم الرحمن نے کہا کہ پنجاب کا بلدیاتی کالا قانون ن لیگ کی خوفزدگی کی علامت ہے جبکہ گل پلازہ آتشزدگی نے پیپلز پارٹی کی کارکردگی کو آشکار کردیا۔ کراچی کے گمبھیر مسائل اور سندھ کی مخدوش صورت حال کے باوجود بلاول زرداری کو ونڈر بوائے کے طور پر پیش کیا جارہا ہے۔ امیر جماعت اسلامی نے کہا کہ جماعت اسلامی نے نومبر کے اجتماع عام میں نظام بدلنے کی تحریک چلانے کا فیصلہ کیا تھا۔ مؤثر بلدیاتی قانون کی تحریک نظام بدلنے کی ہی جدوجہد کا حصہ ہے۔ انہوں نے کہا کہ ملک میں جاگیردار، وڈیرے، افسرشاہی کا تسلط قائم ہے۔ بیوروکریسی کا نظام انگریز کا دیا گیا ہے ،ملک آزاد ہوگیا، آئین بن گیا لیکن بدقسمتی سے نظام انگریز کا چل رہا ہے۔ سیاسی پارٹیاں مقتدرہ کو راضی کرنے میں لگی رہتی ہیں، عوام کو حق حکمرانی نہیں مل رہا، عوام اگر کسی کو ووٹ دیتے ہیں تو فارم 47 آجاتا ہے۔ ان حالات میں جماعت اسلامی ہی عوامی حقوق کی جدوجہد کررہی ہے۔ جماعت اسلامی شفاف انتخابی نظام اور متناسب نمائندگی کے تحت انتخابات چاہتی ہے ۔جماعت اسلامی مقامی حکومتوں کا بااختیار نظام چاہتی ہے۔ انہوں نے اس امر پر افسوس کا اظہار کیا کہ اسلام آباد میں 5 مرتبہ جبکہ پنجاب میں 4 مرتبہ بلدیاتی انتخابات کے شیڈول میں تبدیلی کی گئی۔ پنجاب کے بلدیاتی قانون میں نچلی سطح پر عوام کے منتخب نمائندوں کی منڈی لگانے کا راستہ کھولا گیا ہے۔ سندھ میں بلدیاتی حکومتوں سمیت پورے نظام پر پی پی اور زرداری خاندان قابض ہے۔ افسوس کہ پی ٹی آئی نے خیبر پختونخوا میں بھی بلدیاتی نمائندوں کو اختیارات نہیں دیے، کوئٹہ میں باربار بلدیاتی انتخابات کو معطل کیا گیا۔ بلدیاتی نظام نہ ہونے کے نتیجے میں نچلی سطح پر سیاسی کارکن کی تربیت نہیں ہوتی۔ جماعت اسلامی مطالبہ کرتی ہے کہ پورے ملک میں بااختیار بلدیاتی نظام قائم کیا جائے۔ پنجاب کے بلدیاتی قانون کو آئین کے مطابق تشکیل دے کر انتخابات کا اعلان کیا جائے۔ فلسطین کی صورتحال پر گفتگو کرتے ہوئے امیر جماعت اسلامی نے کہا کہ ٹرمپ کا غزہ پر بورڈ آف پیس کا اعلان نو آبادیاتی نظام کی نئی شکل ہے، پاکستان کو غزہ پر آئی ایس ایف اور بورڈ آف پیس میں کسی صورت شامل نہیں ہونا چاہیے، پاکستان غزہ پر حماس کی حمایت یافتہ فلسطینیوں پر مشتمل کمیٹی کی حمایت کرے۔ ایک سوال کے جواب میں حافظ نعیم الرحمن نے کہا کہ تحریک تحفظ آئین پاکستان نے اب تک عوام کے ایجنڈے پر بات نہیں کی، اسے عوامی حقوق کا ایجنڈابھی واضح کرنا چاہیے۔ جماعت اسلامی تمام سیاسی قیدیوں کی رہائی چاہتی ہے۔ تحریک تحفظ آئین پاکستان کے جائز مطالبات کی مکمل حمایت کرتے ہیں۔
لاہور: امیر جماعت اسلامی پاکستان حافظ نعیم الرحمن منصورہ میں پریس کانفرنس سے خطاب کررہے ہیں
ذریعہ
ذریعہ: Jasarat News
کلیدی لفظ: حافظ نعیم الرحمن نے امیر جماعت اسلامی جماعت اسلامی نے بلدیاتی قانون کا اعلان
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار