صحتیاب ہوا تو خاندان کے لیے کما سکوں گا، سینیئر اداکار راشد محمود کی مداحوں سے دعا کی اپیل
اشاعت کی تاریخ: 21st, January 2026 GMT
پاکستان ٹیلی وژن کے سینیئر اداکار راشد محمود نے حال ہی میں اپنی صحت کے بارے میں مداحوں کے ساتھ تفصیلات شیئر کی ہیں اور اپنی صحت کے حوالے سے دعاؤں کی اپیل کی ہے۔
راشد محمود نے اپنے ویڈیو پیغام میں کہا کہ ’میں پچھلے بیس دنوں سے بستر پر ہوں۔ میں پہلے ہی دل کا مریض تھا کہ اب مجھے مہروں کی تکلیف شروع ہو گئی ہے۔ میں نے مختلف علاج کروائے سب سے پہلے مجھے جناح اسپتال کے ایمرجنسی ڈیپارٹمنٹ لے جایا گیا جہاں میرے ٹیسٹ کیے گئے۔ اب 21 دن بعد میں آخرکار کھڑا ہونے کے قابل ہوا ہوں اور یہ ویڈیو بنا رہا ہوں‘۔
View this post on Instagram
A post shared by RashidMahmoodOfficial (@rashidmahmoodofficial)
ان کا کہنا تھا کہ ’میں ایک محنت کش انسان ہوں اور اپنے خاندان کی کفالت کے لیے محنت کرتا ہوں تب ہی میرا گھر چلتا ہے۔ میں آپ سب سے دعا کی درخواست کرتا ہوں براہِ کرم میری صحت کے لیے دعا کریں۔ اگر میں صحتیاب ہو گیا تو میں اپنے خاندان کے لیے کما سکوں گا۔ مجھے پیسے مانگنے کی عادت نہیں میں خود محنت کر کے اپنے خاندان کے لیے کمانا چاہتا ہوں۔ لہٰذا براہِ کرم میرے لیے دعا کریں‘۔
مداحوں اور دوستوں کی جانب سے اداکار کی صحت یابی کے لیے دعاؤں کا سلسلہ جاری ہے اور کچھ مداح ان کی یادگار اداکاری کو بھی یاد کر رہے ہیں۔
یہ بھی پڑھیں: سعود نے ڈیڈ فلاپ فلمیں دیں انہیں سید نور کی وجہ سے شناخت ملی، اداکار راشد محمود
واضح رہے کہ راشد محمود کا شمار پاکستان کی فلم اور ٹی وی انڈسٹری کے سینیئر اداکاروں میں ہوتا ہے، اداکار پی ٹی وی کے ساتھ ایک طویل عرصے تک وابستہ رہے، ان کے مقبول ڈراموں میں شاہین، کاجل گھر، مرزا غالب، ریاست، محبت روٹھ جائے تو، ضرار اور دیگر شامل ہیں۔ وہ زیادہ تر منفی کردار ادا کرنے کے حوالے سے مشہور ہیں۔ راشد محمود ان مشہور شخصیات میں شمار ہوتے ہیں جو سماجی، سیاسی اور میڈیا سے متعلق معاملات پر کھل کر اپنی رائے کا اظہار کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راشد محمود راشد محمود صحت.
ذریعہ
ذریعہ: WE News
کلیدی لفظ: کے لیے
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار