تیندوا مٹھائی کی دکان میں گھس آیا
اشاعت کی تاریخ: 21st, January 2026 GMT
بھارت کے وفاقی زیرِ انتظام خطے دامَن میں اُس وقت خوف و ہراس پھیل گیا جب ایک تیندوا نانی دامَن کے مصروف مارکیٹ ایریا میں واقع مٹھائی کی دکان میں داخل ہو گیا۔ محکمہ جنگلات کے عملے نے تقریباً 10 گھنٹے طویل ریسکیو آپریشن کے بعد تیندوے کو بحفاظت قابو کر لیا۔
محکمہ جنگلات کے مطابق منگل کے روز صبح تقریباً 11:30 بجے اطلاع موصول ہوئی کہ ایک تیندوا نانی دامَن کے بازار میں واقع مٹھائی کی دکان میں گھس آیا ہے۔ اطلاع ملتے ہی پولیس اور جنگلاتی اہلکار موقع پر پہنچ گئے اور علاقے کو گھیرے میں لے کر عوام کی آمد و رفت بند کر دی گئی۔
عمارت کی تیسری منزل پر موجود تھا تیندواریسکیو آپریشن کے دوران یہ بات سامنے آئی کہ تیندوا عمارت کی تیسری منزل کی سیڑھیوں پر بیٹھا ہوا تھا۔ ریسکیو ٹیم نے جانور کو قابو میں لانے کے لیے ٹرانکولائزنگ گنز، جال اور پنجرہ استعمال کیا۔ تاہم تیندوا خاصا جارحانہ تھا اور اس نے متعدد بار جنگلاتی اہلکاروں پر حملے کی کوشش کی۔
یہ بھی پڑھیے پنجرا خونخوار تیندوے کے لیے تھا پھنس پردیپ گیا لیکن کیسے؟
آپریشن کے دوران محکمہ جنگلات کا ایک اہلکار معمولی زخمی ہو گیا، جسے فوری طور پر ایمبولینس کے ذریعے اسپتال منتقل کیا گیا۔ حکام کے مطابق زخمی اہلکار کی حالت خطرے سے باہر ہے۔
دیگر ریاستوں سے مدد طلبصورتحال کی سنگینی کے پیش نظر گجرات کے ولساڑ فاریسٹ ڈیپارٹمنٹ کو مطلع کیا گیا۔ مہاراشٹر کے دھانو سے ریپڈ ریسکیو ٹیم طلب کی گئی۔ بعد ازاں دھانو کی ٹیم نے تیندوے کو ٹرانکولائز ڈارٹ کے ذریعے بے ہوش کیا اور پھر اسے پنجرے میں منتقل کر دیا گیا۔
یہ بھی پڑھیے راولپنڈی: تین لوگوں کو زخمی کرنے والا تیندوا بالآخر پکڑا گیا
ریسکیو آپریشن کے دوران ضلع کلکٹر سوربھ مشرا سمیت دیگر سینئر حکام بھی موقع پر موجود رہے اور پوری کارروائی کی نگرانی کرتے رہے۔
حکام کے مطابق تیندوا گزشتہ دو دنوں سے دامَن کے شہری علاقوں میں دیکھا جا رہا تھا۔ مٹھائی کی دکان میں داخل ہونے سے قبل پیر کی شب اسے دھوبی تالاب کے قریب بھی دیکھا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تیندوا محکمہ جنگلات.
ذریعہ
ذریعہ: WE News
کلیدی لفظ: تیندوا محکمہ جنگلات مٹھائی کی دکان میں محکمہ جنگلات آپریشن کے
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے