’’یہ کون ہیں؟‘، سینیئر اداکارہ فضیلہ قاضی کا فہد مصطفیٰ کو پہچاننے سے انکار
اشاعت کی تاریخ: 21st, January 2026 GMT
سینیئر اداکارہ فضیلہ قاضی نے شوبز کی دنیا کے معروف چہروں کے بارے میں کھل کر رائے دی، فہد مصطفیٰ کو پہچاننے سے انکار اور ہمایوں سعید کے لیے غیر دلچسپی کا اظہار کیا۔
انہوں نے حال ہی میں اداکار احمد علی بٹ کے پوڈ کاسٹ میں شرکت کرتے ہوئے انڈسٹری کے کچھ پہلو سامنے رکھے۔ انٹرویو کے دوران جب فضیلہ قاضی سے فہد مصطفیٰ کے بارے میں سوال کیا گیا تو انہوں نے حیران کن انداز میں کہا ’فہد مصطفیٰ؟ وہ کون ہیں؟‘ جس سے یہ تاثر ملا کہ وہ انہیں پہچانتی ہی نہیں۔
View this post on Instagram
A post shared by DIVA Magazine Pakistan (@divamagazinepakistan)
ہمایوں سعید کے حوالے سے بات کرتے ہوئے فضیلہ قاضی نے کہا کہ اگر وہ میرے گھر آئیں تو میں صرف ایک کپ چائے پیش کروں گی۔ انہوں نے مزید کہا کہ تکنیکی طور پر انہیں اتنا بھی نہیں کرنا چاہیے تھا، مگر وہ مہمان نواز شخصیت کی حامل ہیں۔
فضیلہ قاضی نے کہا کہ کچھ اداکار لوگوں سے پیسے لے کر ڈرامے بناتے رہے اور اپنا چہرہ بیچ کر آج بڑے پروڈیوسرز بن گئے۔ بعض اوقات انہوں نے ادائیگی کی اور بعض اوقات نہیں۔ ان کے مطابق کچھ لوگ صرف دوسروں کے پیسے لے کر مشہور رہتے ہیں۔
یہ بھی پڑھیں: ’مجھے بھائی تو نہ کہیں‘، فہد مصطفیٰ کی خاتون کے ساتھ دلچسپ ویڈیو وائرل
واضح رہے کہ فضیلہ قاضی نے شوبز کی شروعات چھوٹی عمر میں پی ٹی وی سے کی اور کئی لازوال ڈراموں میں اپنی اداکاری سے اپنا لوہا منوایا۔ ان کے کامیاب ڈراموں میں اداکاری کی، جن میں دشت، کشش، مقدس، نظرِ بد، تیرے بن اور صرف تم شامل ہیں۔ ان کی شادی ساتھی اداکار قیصر نظامانی سے ہوئی، اور یہ جوڑا آج بھی محبت اور وفا کی مثال کے طور پر ایک کامیاب ازدواجی زندگی گزار رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد علی بٹ فضیلہ قاضی فہد مصطفی ویڈیو وائرل.
ذریعہ
ذریعہ: WE News
کلیدی لفظ: احمد علی بٹ فضیلہ قاضی فہد مصطفی ویڈیو وائرل فضیلہ قاضی نے فہد مصطفی انہوں نے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
پاکستان نے ورلڈ کپ 2028 کیلیے براہ راست کوالیفائی کر لیا