کوئٹہ، ملازمین کے احتجاج پر دوسرے روز بھی پولیس کا دھاوا، درجنوں ملازمین گرفتار
اشاعت کی تاریخ: 21st, January 2026 GMT
گزشتہ روز پولیس کی کارروائی کے بعد آج بھی سرکاری ملازمین احتجاج کرنے جمع ہوئے تو کوئٹہ پولیس کے اہلکار ان پر ٹوٹ پڑے اور بلوچستان گرینڈ الائنس کے رہنماء عبدالقدوس کاکڑ سمیت درجنوں رہنماؤں کو گرفتار کر لیا۔ اسلام ٹائمز۔ بلوچستان گرینڈ الائنس کے احتجاج کے خلاف کوئٹہ پولیس کی جانب سے دوسرے روز بھی کارروائی کی گئی۔ پولیس نے گرینڈ الائنس کے آرگنائزر پروفیسر عبدالقدوس کاکڑ سمیت حکومت کے خلاف احتجاج کرنے والے درجنوں ملازمین کو گرفتار کر لیا۔ تفصیلات کے مطابق اپنے مطالبات کے حق میں بلوچستان کے سرکاری ملازمین کی اتحادی تنظیم بلوچستان گرینڈ الائنس کی جانب سے گزشتہ روز ریڈ زون کوئٹہ میں دھرنے کا اعلان کیا گیا تھا۔ پولیس نے گزشتہ روز کارروائی کرتے ہوئے درجنوں ملازمین کو گرفتار کیا۔ تاہم ملازمین نے جیل بھرو تحریک کا اعلان کرتے ہوئے احتجاج جاری رکھنے کی کال دی۔ آج بھی مظاہرین جمع ہوئے تو کوئٹہ پولیس کے اہلکار ان پر ٹوٹ پڑے اور بلوچستان گرینڈ الائنس کے رہنماء عبدالقدوس کاکڑ سمیت درجنوں رہنماؤں کو گرفتار کر لیا۔ گرینڈ الائنس نے پولیس پر الزام عائد کیا ہے کہ سرکاری ملازمین پر تشدد بھی کیا گیا، جبکہ پروفیسر قدوس کاکڑ کو بھی زخمی کرکے گرفتار کیا گیا۔ دوسری جانب سرکاری دفاتر میں سرکاری ملازمین کے احتجاج کے باعث نظام رک چکا ہے، جبکہ حکومت ملازمین سے مذاکرات کے بجائے طاقت کا استعمال کر رہی ہے۔
.
ذریعہ
ذریعہ: Islam Times
کلیدی لفظ: بلوچستان گرینڈ الائنس گرینڈ الائنس کے سرکاری ملازمین کو گرفتار
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ