کوئٹہ، سینیٹر راجہ ناصر عباس کی اپوزیشن تقرری پر کاٹ کاٹا گیا
اشاعت کی تاریخ: 21st, January 2026 GMT
ایم ڈبلیو ایم کے رہنماؤں نے پارٹی سربراہ علامہ راجہ ناصر عباس جعفری کی ایوان بالا میں بطور اپوزیشن لیڈر تقرری پر کوئٹہ میں کیک کاٹ کر خوشی کا اظہار کیا۔ اسلام ٹائمز۔ مجلس وحدت مسلمین شمالی بلوچستان اور ایم ڈبلیو ایم کوئٹہ کے رہنماؤں نے پارٹی سربراہ علامہ راجہ ناصر عباس جعفری کی ایوان بالا میں بطور اپوزیشن لیڈر تقرری پر کیک کاٹ کر خوشی کا اظہار کیا۔ اس موقع پر ایم ڈبلیو ایم بلوچستان کے رہنماء علامہ ولایت حسین جعفری، ایم ڈبلیو ایم کوئٹہ کے حاجی الفاط حسین، یونس ہزارہ، حاجی غلام حسین اخلاقی سمیت دیگر رہنماء اور کارکنان بھی موجود تھے۔ ایم ڈبلیو ایم رہنماؤں نے کہا کہ مجلس وحدت مسلمین پاکستان ایک اہم سیاسی و مذہبی جماعت ہے۔ سینیٹر علامہ راجہ ناصر عباس جعفری کا اپوزیشن لیڈر آف سینیٹ منتخب ہونا جمہوری عمل کی ایک مثبت پیش رفت ہے۔ یہ انتخاب پارلیمانی نظام میں اپوزیشن کی اہمیت کو ظاہر کرتا ہے، جو کہ کسی بھی صحت مند جمہوریت کا اہم ستون ہوتا ہے۔ انہوں نے اس عزم کا اظہار کیا کہ یہ ترقی پاکستان کے پارلیمانی نظام میں متنوع آوازوں کے وجود کا اظہار ہے۔
.
ذریعہ
ذریعہ: Islam Times
کلیدی لفظ: ایم ڈبلیو ایم کا اظہار
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا