بھارتی ریاست ہریانہ میں کشمیری شال فروشوں کو ہراساں کیا گیا، جبراً نعرے لگوائے گئے
اشاعت کی تاریخ: 21st, January 2026 GMT
کچھ مقامی ہندو انتہا پسند نوجوانوں نے کشمیری نوجوانوں پر دباؤ ڈالا، انہیں پاکستانی کہا اور انہیں جے شری رام اور بھارت ماتا کی جے جیسے نعرے لگانے پر مجبور کرنے کی کوشش کی۔ اسلام ٹائمز۔ ریاست ہریانہ کے ضلع یمنا نگر میں کشمیری شالیں بیچنے آئے دو نوجوانوں کے خلاف مذہبی نعرے لگانے کے لئے مبینہ طور پر ہراساں کرنے اور دباؤ ڈالنے کا معاملہ ایک بار پھر سامنے آیا ہے۔ بتایا گیا ہے کہ ہریانہ کے یمنا نگر میں دو کشمیری نوجوانوں کے ساتھ بدسلوکی کی گئی اور زبردستی مذہبی نعرے لگانے پر مجبور کرنے کی کوشش کی گئی۔ کچھ مقامی ہندو انتہا پسند نوجوانوں نے کشمیری نوجوانوں پر دباؤ ڈالا، انہیں پاکستانی کہا اور انہیں جے شری رام اور بھارت ماتا کی جے جیسے نعرے لگانے پر مجبور کرنے کی کوشش کی۔ یہ واقعہ چھپر تھانہ علاقہ کے کالواڑ گاؤں کا ہے، جہاں نوجوانوں کو سڑک پر روکا گیا، پوچھ گچھ کی گئی اور قابل اعتراض تبصرے کیے گئے۔ واقعے کی ویڈیو منظر عام پر آنے کے بعد عوام میں غم و غصہ پھوٹ پڑا ہے۔ ہریانہ میں اس طرح کا یہ تیسرا واقعہ ہے۔ اسی طرح کے واقعات کیتھل اور فتح آباد میں بھی پیش آئے ہیں۔
اس واقعے سے متعلق ایک ویڈیو بھی منظر عام پر آئی ہے، جس میں ایک نوجوان فلم بندی کے دوران کشمیری نوجوانوں کو دھمکیاں دیتے ہوئے نظر آ رہا ہے۔ ویڈیو میں ملزم نوجوان کو یہ کہتے ہوئے سنا جا رہا ہے کہ "دوبارہ یہاں نظر نہ آنا ورنہ میں مزید نوجوانوں کو بلا کر تمہارے کپڑے اتار دوں گا"۔ نوجوان کا یہ بھی کہنا ہے کہ "اگر آپ ہندوستان میں رہتے ہوئے ہندوستانی نہیں بن سکتے تو آپ کے کپڑے آپ سے چھین لئے جائیں گے"۔ واقعہ کی خبر پھیلتے ہی آس پاس کے لوگ جائے وقوعہ پر جمع ہوگئے جس سے کچھ دیر تک ہنگامہ آرائی ہوئی۔ تاہم گاؤں کے کچھ ذمہ داروں نے مداخلت کرکے صورتحال کو پرسکون کرایا جس کے بعد دونوں نوجوان دوسرے گاؤں روانہ ہوگئے۔ گزشتہ 25 دنوں میں کشمیری نوجوانوں کے ساتھ یہ تیسرا واقعہ ہے۔
ویڈیو میں ایک کشمیری نوجوان کو "جے شری رام" کا نعرہ لگانے پر مجبور کیا جا رہا ہے۔ کشمیری نوجوان کا جواب ہے کہ مذہب ذاتی معاملہ ہے اور وہ یہ نعرہ کیوں لگائے۔ اس نے سوال کیا کہ کیا وہ ان کے کہنے پر کلمہ پڑھیں گے، ملزم نوجوان پھر کہتا ہے کہ اگر وہ "جے شری رام" کہے گا تو وہ سارا کام کرے گا۔ کشمیری نے کہا کہ ہم ہندوستانی ہیں۔ ویڈیو میں ایک اور نوجوان بھی نظر آرہا ہے، جو کشمیری شخص سے "بھارت ماتا کی جئے" کہنے کو کہہ رہا ہے۔ کشمیری شخص نے واضح کیا کہ وہ "بھارت کی جئے" کہے گا لیکن "ماتا" کا لفظ استعمال نہیں کرے گا۔ وہ کہتے ہیں "ہمیں ہندوستان سے پیار ہے، ہم ہندوستانی ہیں۔ کوئی ہمیں یہ نہیں بتا سکتا کہ ہم ہندوستانی نہیں ہیں"۔
ذریعہ
ذریعہ: Islam Times
کلیدی لفظ: کشمیری نوجوانوں لگانے پر مجبور کشمیری نوجوان نعرے لگانے رہا ہے
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے