گرین لینڈ امریکی سیکیورٹی کیلئے ضروری ہے، ڈونلڈ ٹرمپ
اشاعت کی تاریخ: 21st, January 2026 GMT
ڈیوس (ویب ڈیسک) امریکی صدر ڈونلڈ ٹرمپ نے کہاہے کہ گرین لینڈ امریکی سیکورٹی کیلئے ضروری ہے، گرین لینڈ ایک اہم جگہ پر ہے، روس اور چین بھی قریب ہیں، گرین لینڈ کے مسئلے پر مزید بات چیت کی ضرورت ہے، گرین لینڈ کے خلاف طاقت کا استعمال نہیں کروں گا، میں نے پاکستان اور بھارت کے درمیان جنگ رکوائی، میں نے آٹھ جنگیں ختم کرائیں۔
امریکی صدر ڈونلڈ ٹرمپ نے عالمی اقتصادی فورم سے خطاب کرتے ہوئے کہا کہ تین مہینے میں امریکا میں مہنگائی کی شرح ڈیڑھ فیصد پر آگئی، سابق امریکی صدر جوبائیڈن کے دور میں کوئی سرمایہ کاری نہیں آئی، ڈیموکریٹس نے امریکا کو مردہ ملک بنادیا تھا، ہماری ٹیرف پالیسی کی وجہ سے امریکا ترقی کی راہ پر گامزن ہوا، ہمارے ملک اب تک تقریباً 18 ٹریلین ڈالر کی سرمایہ کاری آچکی۔
انہوں نے کہا کہ یورپ صحیح سمت میں نہیں جا رہا، اگرآپ سب ہمارے ساتھ چلیں گے تو ہماری طرح ترقی بھی کرو گے، یورپ کو گرین انرجی پر زیادہ توجہ دینے کی ضرورت ہے، امریکا کی معیشت بلندیوں کو چھورہی ہے، یورپ کو امیگریشن کے مسئلے پر بھی توجہ دینی چاہیے، جاپان اور جنوبی کوریا کے ساتھ تاریخی ڈیلز ہوئیں، ہم وینزویلا نے 50 ملین بیرل تیل حاصل کرچکے ہیں،، وینزویلا کے ساتھ مل کر مزید کام کررہے ہیں، وینزویلا کی قیادت کے ساتھ شاندار تعلقات ہیں۔
ان کا کہناتھا کہ ہم نئے ایٹمی ریکٹر بنانے جارہے ہیں، امریکا دنیا کے ساتھ معاشی حب بن چکا، یورپ میں کچھ جگہیں ناقابل شناخت ہیں ، میں کسی کو بھی برا نہیں کہنا چاہتا، ہر بڑی تیل کمپنی ہمارے ساتھ شامل ہو رہی ہے، امریکا یورپ کے عوام کے بارے میں بہت فکر مند ہے، ہم یورپ کے ساتھ اپنی تہذیبی روابط پر گہرا یقین رکھتے ہیں۔
ڈونلڈ ٹرمپ کا کہناتھا کہ چین کوئلہ استعمال کرتا ہے،وہ بالکل ٹھیک چل رہا ہے، چین نے ہوا سے بجلی پیدا کرنے والے فارم بنائے ہیں، یورپ اور برطانیہ کو شاندار کارکردگی دکھانی چاہیے، گرین لینڈ اور ڈنمارک کے لیے بے حد احترام ہے، کوئی بھی ملک گرین لینڈ کی حفاظت نہیں کر سکتا سوائے امریکا کے، گرین لینڈ امریکی سیکورٹی کیلئے ضروری ہے، گرین لینڈ ایک اہم جگہ پر ہے،اس کا کوئی دفاع نہیں کرسکتا، امریکا کو قومی دفاعی حکمت عملی کے لیے ڈنمارک کی ضرورت ہے، گرین لینڈ اہم جگہ پر واقع ہے، روس اور چین بھی قریب ہیں، گرین لینڈ کے مسئلے پر مزید بات چیت کی ضرورت ہے۔
امریکی صدر نے کہا کہ ہم نیٹو کو بہت کچھ دیتے ہیں، بدلے میں بہت کم حاصل کرتے ہیں، امریکا کو نیٹو کے ساتھ کوئی مسئلہ نہیں ، میں نے پاکستان اور بھارت کے درمیان جنگ رکوائی، میں نے آٹھ جنگیں ختم کرائیں، دوسری جنگ عظیم کے بعد گرین لینڈ خالی نہیں کرنا چاہیے تھا، گرین لینڈ کے خلاف طاقت کا استعمال نہیں کروں گا، ہمیں برف کا ایک ٹکرا چاہیے، وینزویلا میں امریکی کارروائی شاندار تھی، ہم نے ایران کی جوہری تنصیبات کو ختم کیا، یوکرین کی سرزمین پر خونی سرزمین ہے، ہم صدر پیوٹن اور صدر زیلنسکی کے ساتھ دوبارہ بات کررہے ہیں۔
.
ذریعہ
ذریعہ: Daily Mumtaz
کلیدی لفظ: گرین لینڈ کے کی ضرورت ہے امریکی صدر ڈونلڈ ٹرمپ کے ساتھ
پڑھیں:
امریکی ایوان نمائندگان کی ٹرمپ کو ایران جنگ روکنے کی ہدایت، قرارداد منظور
امریکا کے ریپبلکن اکثریتی ایوان نمائندگان (ہاؤس آف ریپریزنٹیٹوز) نے صدر ڈونلڈ ٹرمپ کو ایران کے خلاف امریکی فوجی کارروائیاں روکنے کی ہدایت دینے والی قرارداد منظور کر لی جسے کانگریس کی جانب سے صدر ٹرمپ کے لیے ایک اور علامتی پیغام قرار دیا جا رہا ہے۔
یہ بھی پڑھیں: آبنائے ہرمز میں کسی بھی جہاز پر حملہ ہوا تو ایران کا بنیادی ڈھانچہ تباہ کردیں گے، ڈونلڈ ٹرمپ کی دھمکی
قرارداد 214 کے مقابلے میں 208 ووٹوں سے منظور ہوئی جبکہ چار ریپبلکن ارکان نے بھی ڈیموکریٹس کا ساتھ دیتے ہوئے اس کی حمایت کی۔
یہ قرارداد واشنگٹن سے تعلق رکھنے والی ڈیموکریٹ رکن پرامیلا جے پال نے پیش کی جس میں صدر ٹرمپ کو ہدایت دی گئی ہے کہ کانگریس کی منظوری کے بغیر ایران کے خلاف امریکی مسلح افواج کی کارروائیاں بند کی جائیں۔
تاہم ماہرین کے مطابق اس قرارداد کی حیثیت زیادہ تر علامتی ہے، کیونکہ حالیہ مہینوں میں بھی کانگریس اس نوعیت کی متعدد قراردادیں منظور کر چکی ہے مگر ان کے نتیجے میں جنگی کارروائیاں نہیں رک سکیں۔
مزید پڑھیے: ایران مذاکرات کے لیے بے تاب، لیکن بامعنی بات چیت ہی ہوگی، ڈونلڈ ٹرمپ
قرارداد کی حمایت کرنے والے چار ریپبلکن ارکان میں ٹام بیریٹ (مشی گن)، برائن فٹزپیٹرک (پنسلوانیا)، وارن ڈیوڈسن (اوہائیو) اور تھامس میسی (کینٹکی) شامل ہیں۔
Today, the House PASSED my bipartisan War Powers Resolution to end the war in Iran by a vote of 214-208.
This is a big victory for the vast majority of Americans who want President Trump to end this illegal war and focus on their lives right here at home. pic.twitter.com/ZaE3NtTJdP
— Rep. Pramila Jayapal (@RepJayapal) July 23, 2026
اگرچہ ریپبلکن پارٹی کو ایوان نمائندگان اور سینیٹ دونوں میں معمولی برتری حاصل ہے تاہم اس قرارداد کی منظوری کو صدر ٹرمپ کی پالیسیوں پر اپنی ہی جماعت کے بعض ارکان کے تحفظات کی علامت بھی قرار دیا جا رہا ہے۔
ادھر امریکی سینیٹ میں بھی ایران سے متعلق ایک علیحدہ مگر ملتی جلتی قرارداد پر ووٹنگ متوقع تھی۔
یہ پیشرفت ایسے وقت میں سامنے آئی ہے جب صدر ٹرمپ نے ایران کے خلاف فوجی کارروائیوں میں مزید شدت لانے کا اعلان کیا ہے اور امریکی فوجیوں کی ہلاکتوں کی بھی تصدیق کی ہے۔
مزید پڑھیں: ایران کو ایک امریکی فوجی کے قتل کی کئی گنا زیادہ قیمت چکانی پڑےگی، ڈونلڈ ٹرمپ کی تہران کو وارننگ
صدر ٹرمپ نے جمعرات کو ایران اور اس کے اتحادی یمنی حوثی گروپ کو بڑی فوجی سزا دینے کا عندیہ دیا۔ دوسری جانب، عارضی جنگ بندی کے مؤثر طور پر ختم ہونے کے 2 ہفتے بعد امریکی فوج نے ایران پر ایک اور رات فضائی حملے کیے، جس کے جواب میں ایران نے پڑوسی ممالک میں قائم امریکی فوجی اڈوں کو نشانہ بنایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ایوان نمائندگان ایران امریکا کشیدگی ٹرمپ کو جنگ روکنے کی ہدایت ڈیموکریٹ رکن پرامیلا جے پال ہاؤس آف ریپریزنٹیٹوز
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا