پنجاب میں ٹیلی میڈیسن اور گھر بیٹھے علاج کا نظام متعارف
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
جھنگ:وزیراعلیٰ پنجاب مریم نواز نے پنجاب میں جدید ٹیلی میڈیسن سسٹم متعارف کرانے کا اعلان کرتے ہوئے کہا ہے کہ صوبے بھر میں کمیونٹی ہیلتھ انسپکٹرز گھر گھر جا کر عوام کو طبی سہولیات فراہم کریں گے تاکہ علاج معالجہ ہر شہری کی دہلیز تک پہنچ سکے۔
کیتھ لیب کی افتتاحی تقریب سے خطاب کرتے ہوئے وزیراعلیٰ نے ڈسٹرکٹ ہیڈکوارٹرز اسپتال جھنگ میں کارڈیک سرجری شروع کرنے کا اعلان کرتے ہوئے کہا کہ حکومت پنجاب کا ہدف ہے کہ عوام کو ہر قسم کا معیاری علاج اپنے ہی ضلع میں میسر ہو اور بڑے شہروں کا رخ کرنے کی مجبوری ختم کی جائے۔
مریم نواز نے بتایا کہ پنجاب میں ٹیلی میڈیسن سسٹم کے تحت ماہر ڈاکٹرز جدید ٹیکنالوجی کے ذریعے مریضوں کا معائنہ کریں گے جبکہ کمیونٹی ہیلتھ انسپکٹرز بنیادی علاج فراہم کریں گے، لاہور میں نواز شریف میڈیکل ڈسٹرکٹ کی تعمیر کا آغاز مارچ سے کیا جائے گا۔
وزیراعلیٰ نے کہا کہ جھنگ جیسے دور افتادہ شہر میں کیتھ لیب کا قیام ان کے خواب کی تعبیر ہے۔ اب غریب اور امیر کا علاج ایک جیسا ہوگا، میرے ذہن میں کسی قسم کی تفریق نہیں، دل کے مریضوں کے لیے ہارٹ اٹیک کسی قیامت سے کم نہیں، خصوصاً غریب اور وسائل سے محروم افراد کے لیے۔
انہوں نے بتایا کہ ہارٹ اٹیک کی صورت میں 60 منٹ کا گولڈن آور انتہائی اہم ہوتا ہے، اگر اس دوران مریض کو اسپتال منتقل کر دیا جائے تو جان بچائی جا سکتی ہے، جھنگ کی کیتھ لیب میں انہوں نے خود مریض کے پروسیجر کا مشاہدہ کیا اور مقامی لوگوں نے بتایا کہ اب مریضوں کو لاہور لے جانے کے بجائے جھنگ ہی لایا جا رہا ہے۔
وزیراعلیٰ نے مزید کہا کہ پنجاب بھر میں مختصر مدت میں 16 کیتھ لیبز کا آغاز کیا گیا ہے جبکہ ساہیوال، مری اور سرگودھا میں انسٹی ٹیوٹ آف کارڈیالوجی قائم کیے گئے ہیں۔ انہوں نے انتظامیہ کی کارکردگی کو سراہتے ہوئے کہا کہ عوام کے دکھ درد میں حکومت ہمیشہ ان کے ساتھ کھڑی رہے گی۔
ذریعہ
ذریعہ: Jasarat News
کلیدی لفظ: کہا کہ
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے