سانحہ گل پلازہ: کیا کراچی جیسے میگا سٹی کے لیے موجود فائر اسٹیشنز کافی ہیں؟
اشاعت کی تاریخ: 22nd, January 2026 GMT
حال ہی میں کراچی کے گل پلازہ میں لگنے والی آگ کے بعد شہر کے فائر فائٹنگ سسٹم پر سرکاری اور عوامی سطح پر شدید بحث جاری ہے۔ سرکاری دستاویزات اور حالیہ خبروں کے مطابق کراچی میٹروپولیٹن کارپوریشن (کے ایم سی) کے تحت اس وقت شہر میں صرف 29 فائر اسٹیشنز فعال ہیں۔
بین الاقوامی معیار کے مطابق کراچی جیسے 3 کروڑ کی آبادی والے میگا سٹی کے لیے کم از کم 300 فائر اسٹیشنز کی ضرورت ہے، جبکہ موجودہ تعداد ضرورت کا 10 فیصد بھی نہیں ہے
یہ بھی پڑھیے: فائر فائٹر فرقان علی، جو باپ کی روایت نبھا کر گل پلازہ کی آگ بجھاتے امر ہوگئے
کے ایم سی کے پاس مجموعی طور پر تقریبا 43 فائر ٹینڈرز موجود ہیں، لیکن ان میں سے اکثر وقت پر فعال نہیں ہوتے۔ حالیہ رپورٹس کے مطابق عام طور پر 15 سے 20 گاڑیاں ہی فوری الرٹ پر موجود ہوتی ہیں۔
بلند و بالا عمارتوں کے لیے شہر میں صرف 8 اسنارکلز ہیں، جن میں سے اکثر تکنیکی خرابیوں کا شکار رہتی ہیں۔ 2 باؤزر جبکہ ایک ریسکیو یونٹ اور ایک فوم یونٹ موجود ہے گل پلازہ سانحہ میں دیکھا گیا ہے کہ کئی آگ بھجانے والی گاڑیوں کے نوزلز خراب تھے۔
یہ بھی پڑھیے: کراچی گل پلازہ آتشزدگی: صدر زرداری کی وزیراعلیٰ سندھ کو تمام وسائل بروئے کار لانے کی ہدایت
فائر ڈیپارٹمنٹ کے پاس لگ بھگ 913 ملازمین ہیں ان ملازمین کے حوالے سے حال میں لگنے والی گل پلازہ آگ کے بعد سوال اٹھ رہا ہے کہ ریسکیو اہلکاروں کے پاس نہ ہی ضروری سامان تھا اور نہ ہی انہیں آگ میں جانے کا لباس دیا گیا۔ شہر کی وسعت کے لحاظ سے کم از کم 34,000 تربیت یافتہ فائر فائٹرز کی ضرورت بتائی گئی ہے۔
حالیہ سرکاری آڈٹ اور رپورٹس کے مطابق صرف سال 2025 میں کراچی میں 2,400 سے زائد آگ لگنے کے واقعات رپورٹ ہوئے۔ کراچی کی 266 اہم بلند عمارتوں کے آڈٹ میں انکشاف ہوا کہ ان میں سے صرف 6 عمارتوں میں مکمل فائر سیفٹی سسٹم موجود تھا، شہر کی 60 فیصد سے زائد تجارتی عمارتوں میں ہنگامی نکاس کے راستے ہی موجود نہیں ہیں۔
یہ بھی پڑھیے: کراچی: گل پلازہ کی دکان سے 20 سے 25 لاشیں مل گئیں، کل تعداد 60 تک پہنچ گئی
کے ایم سی کے علاوہ کراچی میں دیگر ادارے بھی ضرورت کے وقت اپنے فائر اسٹیشنز استعمال کرتے ہیں جن میں کراچی پورٹ ٹرسٹ، پاکستان نیوی، سندھ ایمرجنسی سروس شامل ہیں۔
کراچی میں فائر اسٹیشنز کی تعداد 29 ہے، شہر کی آبادی اور رقبے کے حساب سے انتہائی کم ہے۔ حالیہ گل پلازہ سانحے کے بعد سندھ اسمبلی میں فائر فائٹنگ سسٹم کو جدید بنانے کی قرارداد بھی منظور کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتشزدگی آگ سانحہ گل پلازہ کراچی.
ذریعہ
ذریعہ: WE News
کلیدی لفظ: آتشزدگی سانحہ گل پلازہ کراچی فائر اسٹیشنز گل پلازہ کے مطابق کے لیے
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ