35 سال بعد چمن بھر میں شدید برف باری، بلوچستان میں موسم سرد ہوگیا
اشاعت کی تاریخ: 22nd, January 2026 GMT
شمال مشرقی اور مغربی بلوچستان برفباری سے موسم شدید سرد ہوگیا، 35 سال بعد چمن بھر میں شدید برف باری ہوئی۔
مختلف اضلاع میں برف باری کے باعث شاہراہوں پر ٹریفک کی روانی متاثر ہے، سندھ اور پنجاب کے مختلف شہروں میں بھی ہلکی اور تیز بارش کا سلسلہ جاری ہے۔
بلوچستان کے شمالی علاقوں میں شدید برف باری سے نظامِ زندگی مفلوج ہو کر رہ گیا ہے، چمن شہر میں 35 سال بعد ہونے والی شدید برف باری سے شہری گھروں میں محصور ہو کر رہ گئے ہیں۔
فوٹو: اے ایف پیکوژک ٹاپ، شیلا باغ، خواجہ عمران، کوہِ سلیمان، قلعہ عبداللہ، زیارت، پشین، مسلم باغ، قلعہ سیف اللہ، لورالائی اور دیگر علاقوں میں بھی وقفے وقفے سے برف باری جاری ہے۔
قلات میں سال کی پہلی برفباری کے باعث موسم شدید سرد ہوگیا۔ مقامی لوگ سال کی پہلی برف باری سے لطف اندوز ہونے کیلئے مختلف پوائنٹس پر پہنچ گئے۔
برف باری کے باعث شاہراہوں پر ٹریفک کی روانی متاثر ہے، این ایچ اے، پی ڈی ایم اے اور ضلعی انتظامیہ کی جانب سے مشترکہ کلیئرنس آپریشن جاری ہے۔
خضدار، لسبیلہ سمیت دیگر علاقوں میں بھی ہلکی اور تیز بارش کا سلسلہ جاری ہے۔
سکھر، لاڑکانہ، گھوٹکی، خیرپور، نوابشاہ، نوشہرو فیروز اور جیکب آباد سمیت سندھ کے مختلف علاقوں میں بارش کے باعث سردی کی شدت میں اضافہ ہوگیا۔
سرگودھا، ملتان، ڈی جی خان، میانوالی، لیہ، خیبر پختونخوا کے ضلع بنوں، خیبر، کوہاٹ، شمالی و جنوبی وزیرستان، کرک، ملاکنڈ میں بھی بارش کا سلسلہ جاری ہے۔
.
ذریعہ
ذریعہ: Jang News
کلیدی لفظ: علاقوں میں میں بھی کے باعث جاری ہے
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار