’’گول مال‘‘ کی اداکارہ فلمی دنیا کو خیرباد کہہ کر اب کیا کررہی ہیں؟
اشاعت کی تاریخ: 23rd, January 2026 GMT
2000 کی دہائی میں بالی ووڈ کی مقبول اور پہچانی جانے والی اداکارہ ریمی سین نے فلمی دنیا سے مکمل طور پر کنارہ کشی اختیار کرلی ہے۔
’ہنگامہ‘، ’دھوم‘، ’گول مال‘، ’پھر ہیرا پھیری‘ اور ’جونی غدار‘ جیسی کامیاب فلموں میں اپنی دلکش موجودگی سے شہرت پانے والی ریمی سین اب اداکاری کے بجائے ایک بالکل مختلف شعبے میں قدم رکھ چکی ہیں۔
حالیہ انٹرویو میں ریمی سین نے انکشاف کیا کہ انہوں نے دبئی میں رئیل اسٹیٹ کے شعبے میں بطور ایجنٹ کام شروع کردیا ہے اور یہ ان کی زندگی کا ایک نیا باب ہے۔ ریمی کے مطابق دبئی ایک نہایت خوش آمدید کہنے والا شہر ہے، جہاں آبادی کی بڑی تعداد غیر ملکیوں پر مشتمل ہے، اور یہی چیز اس شہر کو منفرد بناتی ہے۔
ریمی سین کا کہنا تھا کہ دبئی میں ہر طبقے اور ہر مذہب کے لوگوں کا خیال رکھا جاتا ہے۔ یہاں مساجد بھی ہیں اور مندر بھی، اور شہری نظام کا بنیادی مقصد لوگوں کی زندگی کو آسان، بہتر اور آرام دہ بنانا ہے۔ ان کے مطابق یہی سوچ دبئی کو دیگر شہروں سے ممتاز کرتی ہے۔
انہوں نے بھارت اور دبئی کے نظام میں فرق کی نشاندہی کرتے ہوئے کہا کہ بھارت میں حکومتی پالیسیاں اکثر اچانک بدل جاتی ہیں، جس سے کاروبار اور عام لوگوں کی زندگی متاثر ہوتی ہے۔ ان کے بقول بھارت میں ٹیکسز اور پیچیدگیاں بہت زیادہ ہیں، جس کی وجہ سے کاروباری ماحول دوستانہ نہیں رہا، جبکہ دبئی میں رئیل اسٹیٹ کا شعبہ نظم و ضبط کے تحت کام کرتا ہے۔
ریمی سین نے بتایا کہ دبئی میں رئیل اسٹیٹ کے شعبے میں واضح نظام موجود ہے، جہاں ایجنٹس، ایجنسیاں اور ڈیولپرز سب اپنی اپنی حدود میں کام کرتے ہیں۔ ان کے مطابق یہاں ایجنٹس کو مالی مشیروں کی طرح عزت اور اعتماد دیا جاتا ہے، جو بھارت میں شاذ و نادر ہی دیکھنے کو ملتا ہے۔
ریمی سین نے فلمی کیریئر پر بات کرتے ہوئے ماضی میں اعتراف کیا تھا کہ وہ بار بار مزاحیہ کردار ادا کرتے کرتے تھک چکی تھیں۔ ان کے مطابق کئی فلموں میں ان کا کردار محض ’فرنیچر‘ کی حد تک محدود ہوتا تھا، جبکہ وہ سنجیدہ اور مضبوط کردار کرنا چاہتی تھیں۔ ہنگامہ اور جونی غادار جیسی چند فلموں میں ہی انہیں وہ کردار ملے جو وہ واقعی کرنا چاہتی تھیں، مگر بدقسمتی سے ایسے مواقع زیادہ نہ مل سکے۔
واضح رہے کہ ریمی سین نے 2003 میں فلم ’ہنگامہ‘ سے بالی ووڈ میں قدم رکھا تھا اور مختصر وقت میں نمایاں مقام حاصل کیا۔ تاہم اب انہوں نے فلمی دنیا کو خیرباد کہہ کر دبئی کے رئیل اسٹیٹ سیکٹر میں اپنی نئی پہچان بنا لی ہے، جہاں وہ نہ صرف مطمئن نظر آتی ہیں بلکہ اپنے فیصلے پر پُراعتماد بھی ہیں۔
TagsShowbiz News Urdu.
ذریعہ
ذریعہ: Al Qamar Online
کلیدی لفظ: پاکستان کھیل رئیل اسٹیٹ کے مطابق
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی