امام حسین اور تحریک کربلا کے انقلاب اسلامی پر اثرات
اشاعت کی تاریخ: 24th, January 2026 GMT
دین و دنیا پروگرام اسلام ٹائمز کی ویب سائٹ پر ہر جمعہ نشر کیا جاتا ہے، اس پروگرام میں مختلف دینی و مذہبی موضوعات کو خصوصاً امام و رہبر کی نگاہ سے، مختلف ماہرین کے ساتھ گفتگو کی صورت میں پیش کیا جاتا ہے۔ ناظرین کی قیمتی آراء اور مفید مشوروں کا انتظار رہتا ہے۔ متعلقہ فائیلیںپروگرام دین و دنیا
بمناسبت ولادت باسعادت امام حسین علیہ السلام
موضوع: امام حسین اور تحریک کربلا کے انقلاب اسلامی پر اثرات
میزبان: محمد سبطین علوی
مہمان: حجہ الاسلام والمسلمین جناب نقی ہاشمی صاحب
پیشکش: آئی ٹائمز ٹی وی اسلام ٹائمز اردو
موضوعات گفتگو:
⚫امام حسین علیہ السلام کے قیام کے اہداف
????موجودہ دور میں اس کے اثرات
????تحریک کربلا اور اس کا تسلسل بصورت انقلاب اسلامی
خلاصہ گفتگو:
امام حسین علیہ السلام کا قیام محض ایک تاریخی واقعہ نہیں بلکہ ایک ہمہ گیر اصلاحی تحریک ہے۔ آپؑ کے قیام کے بنیادی اہداف میں دینِ اسلام کی اصل روح کی حفاظت، ظلم و جبر کے نظام کا انکار، امر بالمعروف و نہی عن المنکر کا احیا اور امتِ مسلمہ کو فکری و اخلاقی انحراف سے بچانا شامل تھا۔ امامؑ نے واضح فرمایا کہ ان کا مقصد اقتدار حاصل کرنا نہیں بلکہ معاشرے کی اصلاح ہے۔
موجودہ دور میں قیامِ حسینی کے اثرات نہایت واضح ہیں۔ آج بھی حق و باطل کی کشمکش میں امام حسینؑ کا پیغام مظلوم اقوام کے لیے امید اور حوصلے کا سرچشمہ ہے۔ ظلم کے سامنے خاموشی کو گناہ اور حق کے لیے قربانی کو سعادت سمجھنا اسی فکر کا تسلسل ہے۔
تحریکِ کربلا کا عملی تسلسل ہمیں انقلابِ اسلامی کی صورت میں نظر آتا ہے، جہاں حسینی فکر نے استبداد کے خلاف عوام کو بیدار کیا اور ایک اسلامی، خوددار اور باوقار نظام کی بنیاد رکھی۔ یہی کربلا کا زندہ اور متحرک پیغام ہے۔
ذریعہ
ذریعہ: Islam Times
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی