دوپہر میں کچھ وقت کی نیند دماغ کی سیکھنے کی صلاحیت بہتر کرتی ہے، تحقیق
اشاعت کی تاریخ: 24th, January 2026 GMT
لاہور: (ویب ڈیسک) حالیہ تحقیق میں یہ بات سامنے آئی ہے کہ دوپہر کو مختصر وقت تک سو لینے سے دماغ کی سیکھنے کی صلاحیت بہتر ہوتی ہے۔
جرنل نیورو امیج میں شائع تحقیق میں دریافت ہوا کہ قیلولہ کرنے سے اعصابی خلیات کے درمیان تعلق دوبارہ ترتیب پاتا ہے تاکہ دماغ نئی تفصیلات کو مؤثر انداز سے محفوظ کرسکے۔
اب تک یہ مانا جاتا تھا کہ یہ فائدہ رات کی مکمل نیند سے ہی ہوتا ہے، مگر اس نئی تحقیق میں ثابت کیا گیا ہے کہ دوپہر کی مختصر نیند سے بھی دماغ کو سکون ملتا ہے اور سیکھنے کیلئے زیادہ بہتر طور پر تیار ہو جاتا ہے۔
محققین کے مطابق نتائج سے عندیہ ملتا ہے کہ مختصر نیند سے بھی نئی تفصیلات کو محفوظ کرنے کی دماغی گنجائش بڑھتی ہے، ہمارا دماغ دن میں مسلسل متحرک رہتا ہے، نئی چیزیں، خیالات اور تفصیلات کا تجزیہ کرتا ہے، اعصابی خلیات کے تعلق کو مضبوط بناتا ہے تاکہ سیکھنے کا عمل مستحکم رہے۔
مگر یہ عمل مسلسل برقرار رہنے سے دماغ کی سیکھنے کی صلاحیت وقت کے ساتھ گھٹ جاتی ہے، اس وقت نیند اس سرگرمی کو بحال کرنے میں مدد فراہم کرتی ہے اور کسی قسم کی اہم تفصیلات دماغ سے مٹتی نہیں، کیونکہ قیلولے سے دماغ ری سیٹ ہوتا ہے اور نئی یادوں کے لیے جگہ بناتا ہے۔
محققین نے اس بات پر بھی زور دیا ہے کہ اگر آپ رات کو 7 گھنٹے تک نہیں سوتے تو نیند کی اس کمی سے ہونے والے نقصان کی تلافی مختصر قیلولہ سے ممکن نہیں۔
.
ذریعہ
ذریعہ: Daily Mumtaz
کلیدی لفظ: سیکھنے کی
پڑھیں:
دفتری نظم و ضبط کی پابندی کی ہدایت ،نیاسرکلرجاری
اسٹیبلشمنٹ ڈویژن(Establishment Division) نے دفتری نظم و ضبط اور پیشہ ورانہ ماحول کو بہتر بنانے کے لیے نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات، بائیومیٹرک حاضری اور لباس کے ضوابط پر سختی سے عمل کرنے کی ہدایت کر دی ہے۔
جاری کردہ سرکلر کے مطابق تمام ملازمین کے لیے صبح 8 بجے سے شام 4 بجے تک کے سرکاری اوقاتِ کار پر مکمل عمل درآمد لازمی ہوگا، جبکہ مقررہ وقت پر دفاتر میں حاضری یقینی بنانے کے لیے بائیومیٹرک حاضری کے نظام پر سختی سے عمل کرنے کی بھی ہدایت کی گئی ہے۔
سرکلر میں سرکاری ملازمین کے لیے ڈریس کوڈ بھی واضح کیا گیا ہے۔ ہدایات کے مطابق افسران اور اہلکار یا تو لاؤنج سوٹ پہنیں یا پھر شلوار قمیض کے ساتھ ویسٹ کوٹ زیب تن کریں تاکہ دفاتر میں پیشہ ورانہ اور باوقار ماحول برقرار رکھا جا سکے۔
مزیدپڑھیں:آج کہاں کہاں بادل برسیں گے ،محکمہ موسمیات نے بڑی پیشگوئی کردی
اسٹیبلشمنٹ ڈویژن نے دفتری ماحول کو بہتر بنانے کے لیے راہداریوں میں شور شرابے اور بلند آواز میں گفتگو سے بھی گریز کرنے کی ہدایت کی ہے، تاکہ سرکاری امور کی انجام دہی کے دوران پرسکون اور منظم ماحول برقرار رہے۔
سرکلر میں واضح کیا گیا ہے کہ یہ تمام ہدایات فوری طور پر نافذ العمل ہیں اور متعلقہ افسران کو ان پر مکمل عمل درآمد یقینی بنانے کی ذمہ داری سونپی گئی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی