حیدر آباد سے ٹھٹھہ جاتے ہوئے کار اور ڈمپر میں تصادم، ایک ہی خاندان کے 8 افراد جاں بحق
اشاعت کی تاریخ: 24th, January 2026 GMT
کوٹری کے قریب پیش آنے والے المناک ٹریفک حادثے میں کار اور ڈمپر کے درمیان شدید تصادم کے نتیجے میں 8 افراد جاں بحق ہو گئے۔
پولیس کے مطابق جاں بحق ہونے والوں میں 3 بچیاں، 2 لڑکے، ایک خاتون اور 2 مرد شامل ہیں۔ ابتدائی تحقیقات کے مطابق متاثرہ خاندان حیدرآباد کے علاقے لطیف آباد انڈس پہاڑی کا رہائشی تھا جو حیدرآباد سے ٹھٹھہ جا رہا تھا کہ راستے میں افسوسناک حادثہ پیش آیا۔ تصادم اتنا شدید تھا کہ کار مکمل طور پر تباہ ہو گئی اور اس میں سوار تمام افراد موقع پر ہی جاں بحق ہو گئے۔
پولیس کا کہنا ہے کہ حادثے کے فوراً بعد کار کی حالت اس قدر خراب تھی کہ لاشوں کو نکالنے میں شدید مشکلات کا سامنا کرنا پڑا۔ مقامی افراد نے اپنی مدد آپ کے تحت کار کے مختلف حصے توڑ کر لاشیں نکالنے کی کوشش کی، تاہم گاڑی کے اندر پھنسے مسافروں کو نکالنے کے لیے بھاری مشینری کی ضرورت پیش آئی۔
بعد ازاں ریسکیو 1122 کا عملہ مطلوبہ آلات اور مشینری کے ساتھ جائے حادثہ پر پہنچا اور طویل جدوجہد کے بعد کار میں پھنسی لاشوں کو نکال کر قریبی اسپتال منتقل کیا۔ اسپتال انتظامیہ کے مطابق تمام افراد کی موت تصادم کے باعث شدید چوٹیں لگنے سے ہوئی۔
پولیس نے ڈمپر کو تحویل میں لے کر ڈرائیور کی تلاش شروع کر دی ہے جب کہ حادثے کی وجوہات جاننے کے لیے مزید تحقیقات جاری ہیں۔ ابتدائی طور پر تیز رفتاری اور لاپروائی کو حادثے کی ممکنہ وجہ قرار دیا جا رہا ہے۔
.
ذریعہ
ذریعہ: Al Qamar Online
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار