کراچی میں شدید سردی کی وجہ سے ایک شہری جاں بحق
اشاعت کی تاریخ: 24th, January 2026 GMT
شہر قائد میں خون جما دینے والی سردی کے باعث مبینہ طور پر ایک شخص جاں بحق ہوگیا۔
ایکسپریس نیوز کے مطابق قائد آباد میں گراونڈ سے ایک شخص کی لاش ملی جو پراسرار طور پر جاں بحق ہوگیا، پولیس کا دعویٰ ہے کہ متوفی ممکنہ طور پر سردی لگنے کے سبب جاں بحق ہوا ہے۔
قائد آباد تھانے کے ہیڈ محرر جہانگیر نے بتایا کہ قائد آباد لانڈھی شیرپاؤ سواتی محلہ نزد نیا قبرستان کے قریب کھیل کے میدان میں لگنے ہوئے جھولے کے نیچے سے ایک شخص کی لاش ملی جو کہ بچوں کے جھولوں کا کام کرتا ہے۔
انہوں نے بتایا کہ متوفی جھولے کے نیچے سو رہا تھا اور ابتدائی تحقیقات میں شبہ ہے کہ وہ ممکنہ طور پر سردی لگنے سے جاں بحق ہوگیا جس کی شناخت 55 سالہ سلطان زہین خان کے نام سے ہوئی ہے۔
مزید پڑھیںکراچی؛ سائبیریا کی یخ بستہ ہوائیں، سردی کے باعث شہری ٹھٹھر کر رہ گئے، پروازیں منسوخ
سردیوں میں بال زیادہ کیوں جھڑتے ہیں؟ وجہ اور علاج جانیے
متوفی کی لاش ضابطے کی کارروائی کے لیے جناح اسپتال منتقل کی گئی۔ متوفی 2 بچوں کا باپ اور اسی علاقے کا رہائشی تھا جبکہ اس کی اہلیہ بھی انتقال کرچکی ہے۔
متوفی کے بچے اس کے بھانجے کے ساتھ رہتے ہیں تاہم پولیس مزید چھان بین کر رہی ہے۔
واضح رہے کہ کراچی میں گزشتہ دو روز سے یخ بستہ ہواؤں کی وجہ سے رات کے وقت درجہ حرارت سنگل ڈیجٹ میں آرہا ہے، گزشتہ روز 7 ڈگری سینٹی گریڈ ریکارڈ ہوا جبکہ اس کو محسوس کرنے کا ٹمپریچز 5 ڈگری تک تھا۔
.
ذریعہ
ذریعہ: Express News
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی