پاکستان کی معاشی ترقی کی راہ میں ایک اور سنگ میل
اشاعت کی تاریخ: 25th, January 2026 GMT
پاکستان کے مالیاتی شعبے میں ایک اور بڑی پیش رفت سامنے آئی ہے جہاں کویت کے تعاون سے رقمی اسلامک ڈیجیٹل بینک کا قیام عمل میں لایا گیا ہے، جو آئندہ ماہ پاکستان میں اپنے باقاعدہ آپریشنز کا آغاز کرے گا۔ اس منصوبے کے تحت ابتدائی طور پر 10 کروڑ امریکی ڈالر کی سرمایہ کاری کی جا رہی ہے۔
ذرائع کے مطابق رقمی اسلامک ڈیجیٹل بینک کو کویت انویسٹمنٹ اتھارٹی (KIA) کی معاونت سے قائم کیا گیا ہے، جبکہ اس منصوبے کی تکمیل میں اسپیشل انویسٹمنٹ فیسیلیٹیشن کونسل (SIFC) نے مؤثر سہولت کاری فراہم کی۔ ماہرین کے مطابق یہ اقدام پاکستان کے مالیاتی شعبے کے لیے ایک اہم پیش رفت اور ڈیجیٹل بینکاری کے فروغ کی جانب بڑا قدم ہے۔
مشیر وزیر خزانہ خرم شہزاد نے اس موقع پر کہا کہ یہ سرمایہ کاری پاکستان کی بہتر ہوتی ہوئی معیشت اور جاری اصلاحات پر عالمی اعتماد کا واضح ثبوت ہے۔ ان کا کہنا تھا کہ یہ سرمایہ کاری پاکستان کی معاشی سمت اور اصلاحاتی پالیسیوں پر بڑھتے ہوئے بین الاقوامی اعتماد کی عکاس ہے، جبکہ پاکستان اور کویت کے درمیان مالیاتی اور ڈیجیٹل معیشت کے شعبوں میں سرمایہ کاری کا تعاون مزید مضبوط ہو رہا ہے۔
خرم شہزاد کے مطابق یہ سرمایہ کاری پاکستان میں ڈیجیٹل تبدیلی کے عمل کو تیز کرنے اور مالیاتی نظام کے استحکام میں اہم کردار ادا کرے گی۔ رقمی بینک مکمل طور پر ایک ڈیجیٹل اسلامی بینک کے طور پر کام کرے گا جس کا مقصد جدید ٹیکنالوجی کے ذریعے بینکاری نظام کو زیادہ مؤثر بنانا اور زیادہ سے زیادہ افراد کو مالی نظام سے ہم آہنگ کرنا ہے۔
ماہرین کا کہنا ہے کہ ڈیجیٹل بینکاری کے فروغ سے مالی شمولیت میں اضافہ ہوگا، کاروباری سرگرمیوں کو تقویت ملے گی اور پاکستان کا مالیاتی نظام جدید خطوط پر استوار ہو سکے گا۔ ایس آئی ایف سی کی مؤثر سہولت کاری سے جدید اور پائیدار مالیاتی نظام کی راہیں ہموار ہو رہی ہیں، جو ملکی معیشت کے لیے خوش آئند پیش رفت سمجھی جا رہی ہے۔
.
ذریعہ
ذریعہ: Daily Mumtaz
کلیدی لفظ: ڈیجیٹل بینک سرمایہ کاری
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار