کالعدم دہشتگرد تنظیم کی شرانگیزی پر مبنی جلسہ انتہائی قابل مذمت ہے، علامہ مقصود ڈومکی
اشاعت کی تاریخ: 25th, January 2026 GMT
پریس کانفرنس سے گفتگو کرتے ہوئے علامہ مقصود ڈومکی و دیگر نے مطالبہ کیا کہ نفرت انگیز تقاریر، نعروں اور جلسوں کی بنیاد پر کالعدم تنظیم کیخلاف ایف آئی آر درج اور ایسے عناصر کو قانون کے کٹہرے میں لایا جائے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی آرگنائزر علامہ مقصود علی ڈومکی نے صوبائی رہنماء مولانا منور حسین سولنگی، مجلس علماء مکتب اہلِ بیتؑ کے ضلعی صدر علامہ سیف علی ڈومکی، مولانا حافظ عبدالقادر جعفری اور دیگر رہنماؤں کے ہمراہ پریس کانفرنس سے خطاب کرتے ہوئے کہا ہے کہ وطن عزیز پاکستان میں ایک مرتبہ پھر کالعدم دہشت گرد تنظیم کو کھلی چھوٹ دی جا رہی ہے، جو ملک میں فرقہ وارانہ نفرت اور انتشار کو ہوا دے رہی ہے۔ انہوں نے کہا کہ قمبر شہداد کوٹ جیسے حساس ضلع میں کالعدم دہشت گرد تنظیم کی جانب سے شرانگیزی پر مبنی جلسہ انتہائی قابل مذمت ہے۔ اس طرح کے اقدامات نہ صرف امن عامہ کے لیے خطرہ ہیں، بلکہ ریاستی رٹ کو بھی چیلنج کرنے کے مترادف ہیں۔
علامہ مقصود علی ڈومکی نے مطالبہ کیا کہ آئی جی سندھ، وزیراعلیٰ سندھ، وزیر داخلہ سندھ، کمشنر لاڑکانہ، ڈی آئی جی لاڑکانہ، ڈپٹی کمشنر اور ایس ایس پی قمبر شہداد کوٹ فوری طور پر نوٹس لیتے ہوئے کالعدم جماعت کے خلاف سخت قانونی کارروائی کریں۔ نفرت انگیز تقاریر، نعروں اور جلسوں کی بنیاد پر ان کے خلاف ایف آئی آر درج کی جائے اور ایسے عناصر کو قانون کے کٹہرے میں لایا جائے۔ انہوں نے کہا کہ ہم قمبر شہداد کوٹ کے شیعوں کے پرامن احتجاج کی مکمل حمایت کرتے ہیں اور انہیں یقین دلاتے ہیں کہ مجلس وحدت مسلمین ہر قدم پر ان کے شانہ بشانہ کھڑی ہے۔ آخر میں انہوں نے ملک بھر کے عوام سے اپیل کی کہ وہ کالعدم دہشت گرد تنظیم کی شرانگیز سرگرمیوں کے خلاف اور قمبر شہدادکوٹ کے مومنین کے پرامن احتجاج کی حمایت میں سوشل میڈیا اور ہر سطح پر بھرپور آواز بلند کریں۔
اس سے قبل ایم ڈبلیو ایم کے مرکزی رہنماء علامہ مقصود علی ڈومکی نے ضلعی صدر شکارپور اصغر علی سیٹھار، ضلعی سیکرٹری نشر و اشاعت عبدالعلی کھوہارو، گلزار علی مہر اور دیگر تنظیمی ذمہ داران کے ہمراہ تحصیل لکھی غلام شاہ کا دورہ کیا۔ دورے کے دوران وزیرآباد میں ڈاکٹر عنایت اللہ میمن کاہی میں راجہ ھکڑو فدا حسین مہر اور گوٹھ ناپر مولانا ساجن مہر مولانا عارف حسین مہر میں مقامی مومنین کرام اور تنظیمی ذمہ داران سے ملاقات کی گئی۔ اس موقع پر گفتگو کرتے ہوئے علامہ مقصود علی ڈومکی نے کہا کہ شہدائے شکارپور کی 11ویں برسی کے سلسلے میں 30 جنوری 2026 کو مجلس عزا اور عظمت شہداء کانفرنس کا انعقاد کیا جا رہا ہے۔ انہوں نے کہا کہ شہداء نے دین، ملت اور وطن کے تحفظ کے لیے عظیم قربانیاں دیں، جنہیں کبھی فراموش نہیں کیا جا سکتا۔ علامہ مقصود علی ڈومکی نے اپیل کی کہ عوام بڑی تعداد میں اس مجلس عزاء اور برسی شہداء میں شرکت کرکے اپنے عظیم شہداء سے عقیدت، محبت اور وفاداری کا اظہار کریں۔
ذریعہ
ذریعہ: Islam Times
کلیدی لفظ: علامہ مقصود علی ڈومکی نے نے کہا کہ انہوں نے تنظیم کی
پڑھیں:
بلوچستان کے نام پر علیحدگی پسند سیاست کرنے کی اجازت نہیں دی جائے گی، جمال رئیسانی
پاکستان پیپلز پارٹی (پی پی پی) کے رکن قومی اسمبلی نوابزادہ جمال رئیسانی نے کہا ہے کہ پاکستان کے خلاف ایک خاموش جنگ لڑی جا رہی ہے جو بارود سے زیادہ نوجوانوں کے ذہنوں کو نشانہ بنا رہی ہے۔ بلوچستان کے نام پر علیحدگی پسند سیاست کرنے کی اجازت نہیں دی جائے گی۔
صوبائی وزرا علی مدد جتک اور عاصم کرد گیلو کے ہمراہ کوئٹہ میں پریس کانفرنس کرتے ہوئے نوابزادہ جمال رئیسانی نے کہاکہ دشمن پاکستان اور بلوچستان کو توڑنے کی کوشش کر رہا ہے۔
ان کا کہنا تھا کہ 2018 میں بشیر زیب نے جب ایک کالعدم تنظیم کی کمان سنبھالی تو حالات مزید خراب ہوئے، جبکہ جنید بشیر زیب کا رائٹ ہینڈ ہے۔
انہوں نے کہاکہ آج کی جنگ ڈیجیٹل پلیٹ فارمز پر لڑی جا رہی ہے اور کالعدم تنظیموں کے کارندے زنگی ایپ کے ذریعے ایک دوسرے سے رابطے میں رہتے ہیں۔
ان کا کہنا تھا کہ کالعدم تنظیمیں سنگل ایپ کے ذریعے آپریشنل منصوبہ بندی جبکہ ڈیلٹا چیٹ کے ذریعے خفیہ بھرتیاں کرتی ہیں۔
نوابزادہ جمال رئیسانی نے کہاکہ آج دشمن صرف گولی کا استعمال نہیں کر رہا بلکہ سوشل میڈیا پر ٹرینڈز چلا کر بھی اپنا ایجنڈا آگے بڑھا رہا ہے۔ ہم نہیں چاہتے کہ نوجوان پہاڑوں کا رخ کریں۔
انہوں نے دعویٰ کیاکہ کالعدم تنظیموں نے اپنی سرگرمیوں میں خواتین کا استعمال بھی شروع کر دیا ہے۔ شہناز بلوچ بلوچ یکجہتی کمیٹی کے جلسوں میں شرکت کرتی تھیں اور ان کا باہوٹ کے ذریعے کالعدم تنظیم سے رابطہ ہوا۔
نوابزادہ جمال رئیسانی نے مزید کہاکہ بلوچ یکجہتی کمیٹی بلوچستان کی قیادت ڈاکٹر صبیحہ کر رہی ہیں اور ان کا بھائی ایک کالعدم تنظیم کا حصہ ہے۔
انہوں نے یہ بھی کہا کہ بلوچ یکجہتی کمیٹی کے کراچی سیل کی قیادت فوزیہ شاہوانی کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان سیاست خاموش جنگ نوابزادہ جمال رئیسانی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ