کراچی: اے وی سینا اسکول میں ساتویں انٹر اسکول آرٹ کمپیٹیشن کا انعقاد
اشاعت کی تاریخ: 25th, January 2026 GMT
اے وی سینا اسکول میں ساتویں انٹر اسکول آرٹ کمپیٹیشن کا انعقاد کیا گیا، جس میں شہر کے متعدد معروف اسکولوں نے شرکت کی۔
مقابلے میں شریک طلباء اور طالبات کو متعین کردہ وقت میں دی گئی تھیم کے مطابق آرٹ کے فن پارے بنانے تھے۔
مقابلے کو 2 کیٹیگریز میں تقسیم کیا گیا تھا، کیٹیگری اے میں چھٹی سے آٹھویں جماعت تک کے طلباء جبکہ کیٹیگری بی میں نویں سے گیارہویں جماعت کے طلباء شریک تھے۔
صبح 9 بجے شروع ہونے والا یہ مقابلہ 11 بجے تک جاری رہا جس کے بعد تقریبِ تقسیمِ اسناد کا انعقاد کیا گیا، بطور جج معروف مصورہ طوبیٰ رومان نے شرکت کی۔
مقابلے میں پہلی پوزیشن داؤد پبلک اسکول کی طالبہ زہرہ محسن نے حاصل کی، دوسری پوزیشن کی اسٹون اکیڈمی کی طالبہ پری وش عرفان نے حاصل کی جبکہ تیسری پوزیشن اے وی سینا اسکول نے لی۔
نمایاں پوزیشن لینے والے طلباء اور طالبات میں اسناد اور انعامات بھی تقسیم کیے گئے۔
تقریب کے اختتام پر اے وی سینا اسکول کی پرنسپل مس نشاط نے شرکاء اور تقریب کے منتظمین کو ان کی بہترین کارکردگی پر سراہا۔
اے وی سینا اسکول کی جانب سے شریک طلباء اور ان کے اسکولوں کے اساتذہ کے لیے ہائی ٹی کا اہتمام بھی کیا گیا۔
.
ذریعہ
ذریعہ: Jang News
کلیدی لفظ: کیا گیا
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ