دماغ کے لیے ایسی تباہ کن عادات جو بیشتر افراد اپنا لیتے ہیں
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
عمر کے ساتھ ہر انسان کے دماغ میں فطری تبدیلیاں آتی ہیں اور ذہنی صلاحیتیں بھی بتدریج متاثر ہونے لگتی ہیں۔ جیسے جیسے عمر بڑھتی ہے، دماغی افعال کی رفتار سست پڑ جاتی ہے اور بعض دماغی حصے سکڑنے لگتے ہیں، جس کے نتیجے میں بڑھاپے میں الزائمر اور ڈیمینشیا جیسے امراض کا خطرہ بڑھ سکتا ہے۔
تحقیقی رپورٹس کے مطابق کچھ روزمرہ عادات دماغی عمر کو تیزی سے بڑھا دیتی ہیں، جس سے ذہنی تنزلی کے امکانات میں اضافہ ہو جاتا ہے۔ حیران کن طور پر یہ عادات عام ہیں اور اکثر لوگ انہیں نقصان دہ نہیں سمجھتے۔
دل کی صحت کو نظرانداز کرنا
دل اور دماغ کی صحت آپس میں گہرا تعلق رکھتی ہے۔ اگر دل صحت مند ہو تو دماغ کو مناسب خون کی فراہمی برقرار رہتی ہے، لیکن دل کے مسائل، خاص طور پر ہائی بلڈ پریشر، ڈیمینشیا کے خطرے میں اضافہ کر سکتے ہیں۔
زیادہ دیر بیٹھے رہنا
طویل وقت تک بیٹھے رہنے سے دماغ کے اُس حصے میں تبدیلیاں آتی ہیں جو یادداشت کے لیے نہایت اہم ہے۔ تحقیق سے معلوم ہوا ہے کہ مسلسل بیٹھنے سے یادداشت سے وابستہ دماغی حصہ، جسے میڈیل ٹیمپورل لوب کہا جاتا ہے، پتلا ہونے لگتا ہے۔ اس لیے جسمانی سرگرمی کو روزمرہ زندگی کا حصہ بنانا ضروری ہے۔
ورزش سے دوری
زیادہ بیٹھنے کے نقصانات صرف وقفے وقفے سے چلنے پھرنے سے مکمل طور پر ختم نہیں ہوتے۔ دماغی صحت کے تحفظ کے لیے باقاعدہ ورزش ضروری ہے۔ ایک تحقیق کے مطابق ہفتے میں چار بار 30 منٹ کی تیز چہل قدمی چند ماہ میں دماغی افعال کو بہتر بنا سکتی ہے۔ ورزش سے دماغی خلیات کی نشوونما ہوتی ہے اور یادداشت مضبوط ہوتی ہے۔
مطالعہ نہ کرنا
جرنل نیورولوجی میں شائع ہونے والی ایک تحقیق کے مطابق باقاعدہ مطالعہ دماغی تنزلی کے عمل کو سست یا حتیٰ کہ ریورس بھی کر سکتا ہے۔ امریکا کی کیلیفورنیا یونیورسٹی کی تحقیق میں بتایا گیا کہ مطالعہ، ذہنی کھیل اور تعلیمی سرگرمیوں میں حصہ لینے سے ذہنی عمر میں نمایاں کمی دیکھی گئی۔
دماغی ورزش کی کمی
کسی نئی مہارت، زبان یا مضمون کو سیکھنا دماغ کے کئی خلیات کو متحرک کرتا ہے۔ نیا مشغلہ اپنانا، جیسے کوئی ساز بجانا، درمیانی عمر میں ذہنی صلاحیتوں کو بہتر بنانے میں مددگار ثابت ہوتا ہے۔ جتنا مشکل کام ہوگا، دماغ کے لیے اتنا ہی فائدہ مند ہوگا۔
تمباکو نوشی
تمباکو میں موجود کیمیکلز دماغ کے لیے نقصان دہ ہوتے ہیں، یہی وجہ ہے کہ سگریٹ نوشی ذہنی تنزلی اور ڈیمینشیا کے خطرے کو بڑھا دیتی ہے۔
سماجی میل جول سے دوری
دوستوں اور رشتہ داروں سے میل جول ذہنی صحت کے لیے نہایت ضروری ہے۔ تحقیق کے مطابق سماجی روابط دماغی افعال میں تنزلی کے خطرے کو نمایاں حد تک کم کر دیتے ہیں، جبکہ تنہائی ذہنی عمر کو تیزی سے بڑھا دیتی ہے۔
نیند کی کمی
مناسب نیند نہ لینے سے توجہ مرکوز کرنا اور یادداشت برقرار رکھنا مشکل ہو جاتا ہے۔ اچھی دماغی صحت کے لیے روزانہ 7 سے 9 گھنٹے کی نیند نہایت ضروری ہے۔
غذا کا خیال نہ رکھنا
چکنائی اور میٹھے سے بھرپور غذا دماغی افعال کو نقصان پہنچا سکتی ہے، جبکہ پھل، سبزیاں، دالیں، مچھلی اور زیتون کا تیل دماغ کے لیے مفید غذائیں ہیں۔ اس کے علاوہ روزانہ ایک کپ چائے یا کافی بھی دماغی صحت کے لیے فائدہ مند ثابت ہو سکتی ہے۔
ذریعہ
ذریعہ: Jasarat News
کلیدی لفظ: دماغی افعال دماغ کے لیے کے مطابق ضروری ہے صحت کے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار