کیا لوگ تحمل سے سننا اور بیجا تنقید سے گریز کرنا مصنوعی ذہانت سے سیکھ سکتے ہیں؟
اشاعت کی تاریخ: 26th, January 2026 GMT
لندن میں مقیم یوکرینی شہری اینا کے مطابق، وہ چیٹ جی پی ٹی کے پریمیئم ورژن کو اپنی روزمرہ زندگی میں اس لیے استعمال کرتی ہیں کہ یہ روبوٹ نہ صرف صبر سے سنتا ہے بلکہ بغیر کسی فیصلے یا تنقید کے گفتگو کے دوران انہیں خود پر غور و فکر کا موقع بھی فراہم کرتا ہے۔
یہ بھی پڑھیں:
بی بی سی کی رپورٹ میں ایک حالیہ تحقیق کا حوالہ دیتے ہوئے بتایا کہ سنہ 2025 میں اے آئی کے ذریعے سب سے زیادہ استعمال تھراپی اور رفاقت کے لیے ہوا اور دلچسپ بات یہ ہے کہ اے آئی کی فراہم کردہ تحریری جوابات بعض اوقات انسانی ردعمل سے زیادہ ہمدرد سمجھے گئے خواہ وہ تربیت یافتہ کرائسز ہاٹ لائن کے عملے ہی کیوں نہ ہوں۔
ماہرین کا کہنا ہے کہ کہ اے آئی ہمیں یہ سکھا سکتا ہے کہ کس طرح بغیر رکاوٹ، غیر جانبدارانہ اور توجہ مرکوز سننا ممکن ہے۔ یہ مشینیں جذبات کی پہچان کر کے اسے ردعمل میں ظاہر کرتی ہیں جس سے بولنے والے کو محسوس ہوتا ہے کہ اس کی بات سنی جا رہی ہے۔
اے آئی یا مصنوعی ذہانت کے یہ سیکھنے کے طریقے جیسے جذباتی پیچیدگی کو پہچاننا، مشکل احساسات کے لیے جگہ دینا اور غیر ضروری حل پیش نہ کرنا انسانی سامعین کے لیے اہم سبق ہیں۔
تاہم محققین خبردار کرتے ہیں کہ اے آئی کے ساتھ تعلقات پر ضرورت سے زیادہ انحصار خطرناک ہو سکتا ہے اور حقیقی انسانی تعلقات کی جگہ نہیں لے سکتا۔
ماہر نفسیات ایمیلی کیسریل کے مطابق اے آئی ہمیں بہتر سامع بننے کی تحریک دے سکتا ہے اور ہمدردی کی تربیت میں مدد کر سکتا ہے مگر حقیقی انسانی سننے کے تجربے کی گہرائی اور تبدیلی کی طاقت مشینیں ابھی تک فراہم نہیں کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی تحمل سے سننا گڈ لسنر مصنوعی ذہانت.
ذریعہ
ذریعہ: WE News
کلیدی لفظ: اے ا ئی گڈ لسنر مصنوعی ذہانت سکتا ہے اے ا ئی کے لیے
پڑھیں:
قید تنہائی میں رکھا ہوا ہے، یہ عمران خان کی آنکھ میں آنکھ ڈال کر دیکھ بھی نہیں سکتے، علیمہ خان
راولپنڈی ( اُردو پوائنٹ اخبارتازہ ترین۔ 02 جون2026ء ) پاکستان تحریک انصاف کے بانی عمران خان کی ہمشیرہ علیمہ خان کا کہنا ہے کہ جب بھی حکومت کو لگتا ہے عوام کا غصہ اور ٹمپریچر بڑھ رہا ہے، تو یہ خود کو بچانے کیلئے ڈیل کی باتیں اور افواہیں پھیلانا شروع کر دیتے ہیں، حقیقت میں کوئی ڈیل نہیں ہو رہی۔ میڈیا سے گفتگو کرتے ہوئے انہوں نے کہا کہ میڈیا ہم سے سوال کرنے کے بجائے حکومت سے جواب طلب کرے کہ عمران خان کو گزشتہ 7 ماہ سے غیر قانونی قیدِ تنہائی میں کیوں رکھا گیا ہے؟ صحافی وفاقی وزیر داخلہ محسن نقوی سے جا کر اس قیدِ تنہائی کی وجہ پوچھیں، ہمارا خاندان کسی قسم کا سیاسی این آر او یا ریلیف نہیں مانگ رہا، قیدِ تنہائی کا خاتمہ عمران خان کا بنیادی اور قانونی حق ہے۔ علیمہ خان نے الزام لگایا کہ گزشتہ 8 مہینوں سے عمران خان کو ذہنی و جسمانی ٹارچر کا نشانہ بنایا جا رہا ہے، ملک میں کوئی قانون نہیں چل رہا، اگر حکومت ہمیں جیل میں ڈالنا چاہتی ہے تو شوق سے ڈال دے، لیکن عمران خان کی آنکھوں کے علاج اور معائنے کے لیے انہیں فوری طور پر شفا انٹرنیشنل ہسپتال منتقل کیا جائے اور وہاں کے ماہر ڈاکٹرز سے ان کا طبی معائنہ کروایا جائے۔(جاری ہے)
انہوں نے سوال اٹھایا کہ سابق آرمی چیف کیوں عمران خان سے ملنے جائیں گے؟ وہ تو عمران خان کی آنکھوں میں آنکھیں ڈال کر دیکھ ہی نہیں سکتے، پارٹی چیئرمین بیرسٹر گوہر نے بھی واضح کر دیا ہے کہ یہ تمام باتیں بالکل جھوٹ ہیں، جب بھی حکومت کو لگتا ہے کہ عوام کا غصہ اور ٹمپریچر بڑھ رہا ہے، تو یہ خود کو بچانے کے لیے ڈیل کی باتیں اور افواہیں پھیلانا شروع کر دیتے ہیں، جبکہ حقیقت میں کوئی ڈیل نہیں ہو رہی۔ عمران خان کی ہمشیرہ نے کہا کہ جب آپ لوگوں کے ووٹ چوری کریں گے اور عوام سمجھ جائیں گے کہ ان کے ووٹ کی کوئی حیثیت نہیں رہی، تو پھر ان کا شدید ردعمل آئے گا، حکومت کبھی لاٹھی سے تو کبھی گولی سے عوام کو مارتی ہے، ووٹ چوری سے پی ٹی آئی کا نہیں بلکہ اس عام شہری کا حق مارا جاتا ہے جس کا وہ ووٹ ہوتا ہے، گلگت بلتستان میں بھی وہی کچھ دہرایا جا رہا ہے جو عام انتخابات 2024ء میں کیا گیا تھا، وہاں پی ٹی آئی کو انتخابی مہم تک چلانے کی اجازت نہیں دی جا رہی، یاد رکھیں ظلم ہمیشہ وہی کرتا ہے جو اندر سے خود شدید خوفزدہ ہوتا ہے۔ علیمہ خان نے کہا کہ ہم پی ٹی آئی کی قیادت سے درخواست کرتے ہیں کہ وہ ہمارے ساتھ آ کر یہاں بیٹھیں، جب قیادت آئے گی تو تمام ایم این ایز، ایم پی ایز، سینیٹرز اور تنظیم کے سینئر رہنما یہاں موجود ہوں گے، اگر پی ٹی آئی کی موجودہ قیادت اس فائنل کال پر بھی باہر نہیں نکلتی، تو پھر میڈیا اور عوام کا حق ہے کہ وہ ان رہنماؤں سے سوال کریں کہ وہ اپنے عظیم لیڈر کے لیے باہر کیوں نہیں آ رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ