آزاد کشمیر، گلگت بلتستان اور پاراچنار میں شدید برف باری، رابطہ سڑکیں بند
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
مظفرآباد :آزاد کشمیر کی وادی نیلم اور وادی لیپا سمیت بالائی علاقوں میں شدید برف باری کا سلسلہ جاری ہے جس کے باعث معمولاتِ زندگی بری طرح متاثر ہو گئے ہیں، مسلسل برف باری کے نتیجے میں وادی لیپا کا رابطہ ضلعی ہیڈ کوارٹر ہٹیاں بالا سے مکمل طور پر منقطع ہو گیا ہے جبکہ کئی دیہات میں زمینی راستے بند ہونے سے شہری محصور ہو کر رہ گئے ہیں۔
ذرائع کے مطابق شدید موسمی صورتحال کے باعث ایک مریضہ کو طبی پیچیدگی کا سامنا تھا، جسے زمینی راستوں کی بندش کے باعث فوری طبی سہولیات تک پہنچانا ممکن نہ تھا۔ اس صورتحال میں پاک فوج نے بروقت اور کامیاب ہیلی ریسکیو آپریشن کیا، جس کے دوران مریضہ کو محفوظ طریقے سے راولپنڈی کے ملٹری اسپتال منتقل کر دیا گیا۔ مقامی آبادی نے پاک فوج کی فوری کارروائی اور انسانی ہمدردی پر مبنی اقدام کو سراہا ہے۔
ادھر گلگت بلتستان میں بھی موسم کی سختی برقرار ہے۔ استور ویلی روڈ گزشتہ چار روز سے بند ہے جس کے باعث علاقے میں اشیائے خورونوش اور دیگر ضروری سامان کی ترسیل متاثر ہو رہی ہے۔ شدید سردی اور برف باری کے باعث گاڑیوں کی آمد و رفت معطل ہے جبکہ مسافروں کو شدید مشکلات کا سامنا ہے۔
دوسری جانب پاراچنار میں بھی خون جما دینے والی سردی پڑ رہی ہے۔ شدید سرد موسم اور برف باری کے باعث متعدد رابطہ سڑکیں بند ہو چکی ہیں، جبکہ کئی علاقوں میں بجلی کی فراہمی معطل ہے،بجلی کی بندش کے باعث گھریلو زندگی اور کاروباری سرگرمیاں بری طرح متاثر ہو رہی ہیں جبکہ بچوں اور بزرگوں کو سردی سے بچانے کے لیے اضافی مشکلات درپیش ہیں۔
اسی طرح تیرہ کے علاقے میں بھی شدید برف باری کے باعث حالات زندگی مفلوج ہو گئے ہیں۔ تعلیمی ادارے بند ہیں، بازاروں میں سناٹا ہے اور روزمرہ ضروریات کی فراہمی میں رکاوٹیں پیدا ہو گئی ہیں۔ پاک فوج اور ضلعی انتظامیہ کی جانب سے متاثرہ علاقوں میں امدادی سرگرمیاں جاری ہیں، جن میں برف ہٹانے، راشن کی فراہمی اور ہنگامی طبی امداد شامل ہے۔
محکمہ موسمیات کے مطابق آئندہ چند روز تک بالائی علاقوں میں سردی اور برف باری کا سلسلہ جاری رہنے کا امکان ہے جبکہ شہریوں کو غیر ضروری سفر سے گریز اور حفاظتی تدابیر اختیار کرنے کی ہدایت کی گئی ہے۔
ذریعہ
ذریعہ: Jasarat News
کلیدی لفظ: برف باری کے علاقوں میں کے باعث
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ