یو اے ای کا یمن سے انخلا سعودی عرب کے ساتھ مضبوط تعلقات کی بنیاد ثابت ہوگا، سعودی وزیر خارجہ
اشاعت کی تاریخ: 26th, January 2026 GMT
سعودی عرب کے وزیر خارجہ شہزادہ فیصل بن فرحان نے کہا ہے کہ یمن سے متحدہ عرب امارات (یو اے ای) کا انخلا سعودی عرب کے ساتھ مضبوط تعلقات کی بنیاد ثابت ہوگا، جو خطے کے استحکام میں مددگار ہوگا۔
مزید پڑھیں: فضل الرحمان کی یمن کے حوالے سے سعودی عرب کے اقدامات کی حمایت، شاہ سلمان کی قیادت پر اظہار اعتماد
پولینڈ کے دورے کے دوران ایک پریس کانفرنس سے خطاب کرتے ہوئے سعودی وزیر خارجہ نے کہاکہ یمن کے معاملے پر دونوں ممالک کے درمیان ’اختلافِ رائے‘ موجود رہا ہے، تاہم انہوں نے اس بات پر زور دیا کہ سعودی عرب اور یو اے ای کے تعلقات انتہائی اہم ہیں۔
شہزادہ فیصل بن فرحان نے کہاکہ سعودی عرب ہمیشہ یو اے ای کے ساتھ ایک مضبوط اور مثبت تعلقات کا خواہاں رہا ہے، کیونکہ وہ خلیج تعاون کونسل (جی سی سی) کے اندر ایک اہم شراکت دار ہے، اور یہ تعلقات خطے کے استحکام کا ایک اہم عنصر ہیں۔
انہوں نے کہاکہ یمن کے معاملے پر واضح طور پر اختلافِ رائے رہا ہے، تاہم اب یو اے ای نے یمن سے نکلنے کا فیصلہ کیا ہے، اور اگر واقعی یو اے ای مکمل طور پر یمن کے معاملے سے الگ ہو جاتا ہے تو پھر سعودی عرب اس کی ذمہ داری سنبھالے گا۔
مزید پڑھیں: یمن کے معاملے پر سعودی عرب اور متحدہ عرب امارات کی دانشمندی کو سراہتے ہیں، ترجمان دفتر خارجہ
شہزادہ فیصل بن فرحان نے مزید کہاکہ یہی قدم اس بات کی بنیاد بنے گا کہ یو اے ای کے ساتھ تعلقات مضبوط رہیں اور یہ تعلقات نہ صرف دونوں ممالک بلکہ پورے خطے کے مفاد میں کام کرتے رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سعودی عرب سعودی وزیر خارجہ شہزادہ فیصل بن فرحان وی نیوز یمن انخلا یو اے ای.
ذریعہ
ذریعہ: WE News
کلیدی لفظ: شہزادہ فیصل بن فرحان وی نیوز یمن انخلا یو اے ای شہزادہ فیصل بن فرحان یمن کے معاملے سعودی عرب کے یو اے ای کے ساتھ
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ